Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Թանգարանների օրը նշանավորվեց մի շարք միջոցառումներով 20.05.2019
Լոռու մարզպետ Անդրեյ Ղուկասյանը Թանգարանների միջազգային օրվա առթիվ մարզպետարանի մի խումբ պաշտոնյաների հետ շրջել է Վանաձորի Ստ. Զորյանի տուն-թանգարանում, Կառլոս Աբովյանի անվան կերպարվեստի թանգարանում և Լոռի-Փամբակ երկրագիտական թանգարանում: Մարզի ղեկավարը ներկա է գտնվել կազմակերպված միջոցառումներին, ծանոթացել թանգարաններում ցուցադրվող նմուշներին և խոսել առկա խնդիրներից:
Մայիսի 18-ին Վանաձորի տեխնոլոգիական կենտրոնում անցկացվեց «Հայաստանում զբոսաշրջության զարգացմանն ուղղված նորարար գաղափարների» խորագրով երկրորդ հեքըթոնի մրցութային փուլը, որին ներկա էին նաև Լոռու մարզպետ Անդրեյ Ղուկասյանը՝ օգնական Գայանե Սարգսյանի ուղեկցությամբ, Վանաձորի քաղաքապետ Մամիկոն Ասլանյանը, այլ պաշտոնյաներ: Հիմք ընդունելով, զբոսաշրջության ոլորտին վերաբերվող առաջին հեքըթոնի հաջողությունը, որն անցկացվել էր Վանաձորի տեխնոլոգիական կենտրոնում նախորդ տարի՝ Վանաձորի տեխնոլոգիական կենտրոնը, Ձեռնարկությունների ինկուբատոր հիմնադրամի և Լոռու մարզպետարանի հետ համատեղ նախաձեռնել էր այսպիսի միջոցառում կազմակերպել նաև այս տարի:
Քաղաքացիների ընդունելություն 17.05.2019
Մայիսի 16-ին Լոռու մարզպետ Անդրեյ Ղուկասյանն անցկացեց քաղաքացիների ընդունելություն, որին մասնակցեց շուրջ 60 քաղաքացի Վանաձորից, Գուգարքի, Սպիտակի և Թումանյանի տարածարջաններից: Գերակշռում էին անձնական բնույթի, աշխատանքի տեղավորման, բնակապահովման՝ այդ թվում բնակարանային պայմանների բարելավման վերաբերյալ խնդիրները:
Լոռու մարզպետը միացավ խաղաղության գաղափարի տարածման կարևոր նախաձեռնությանը 17.05.2019
Այսօր մարզպետ Անդրեյ Ղուկասյանն ընդունեց HWPL (Երկնային մշակույթ, համաշխարհային խաղաղություն, լույսի վերականգնում) կազմակերպության ներկայացուցիչներին: Կազմակերպությունը, ինչպես ներկայացրեց տարածաշրջանային ներկայացուցիչ Դոննա Կվակը, հիմնվել է 2013թ. Հարավային Կորեայում, թեև գործունեություն է իրականացնում միջազգային հարթակում՝ տարածելով խաղաղության գաղափարը: Նա ասաց, որ յուրաքանչյուր տարի սեպտեմբեր ամսին կազմակերպում են համաշարհային լիդերների հավաք և ընդգծում խաղաղ ապրելու անհրաժեշտությունը՝ կոնֆերանսում թեմայի շրջանակներում ծավալվող տարաբնույթ քննարկումների շրջանակներում: Բացի այդ, կազմակերպությունը տարբեր տարածաշրջանների հետ աշխատանքներ է իրականացնում՝ դարձյալ առաջ մղելով խաղաղ գոյակցելու գաղափարը:
Այսօր Սպիտակ համայնքում ՅՈՒՆԻՍԵՖ-ի Հայաստանյան գրասենյակի կողմից կազմակերպված միջոցառումներին ներկա գտնվեցին մարզպետ Անդրեյ Ղուկասյանը, Հայաստանում Արգենտինայի արտակարգ և լիազոր դեսպան նորին գերազանցություն Գոնզալո Ուրրիոլաբեիտիան, ՅՈՒՆԻՍԵՖ-ի հայաստանյան գրասենյակի ներկայացուցիչ Տանյա Ռադոչայը, Սպիտակի քաղաքապետ Գագիկ Սահակյանը, ՀՀ ԿԳ նախարարության գլխավոր քարտուղարի տեղակալ Արա Էդոյանը, Աշխատանքի և սոցիալական հարցերի նախարարի տեղակալ Ժաննա Անդրեասյանը, մարզպետարանի և Սպիտակի քաղաքապետարանի պաշտոնյաներ, այլ ներկայացուցիչներ, հյուրեր:
Մայիսի 15-ին Վանաձորի Շառլ Ազնավուրի անվան մշակույթի պալատում Լոռու մարզպետ Անդրեյ Ղուկասյանի, մարզպետարանի զորահավաքային նախապատրաստության բաժնի պետ Սպարտակ Ղուբաթյանի, Լոռու մարզի զինվորական կոմիսարի տեղակալ, փոխգնդապետ Սամվել Գևորգյանի մասնակցությամբ անցկացվեց խորհրդակցություն՝ նվիրված ՀՀ պաշտպանության նախարարության կողմից իրականացվող «Ես եմ» և «Պատիվ ունեմ» ծրագրերին: Խորհրդակցությանը հրավիրված էին մարզի համայնքների ղեկավարները, հանրակրթական դպրոցների տնօրեններն ու զինղեկները:
