Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր Լոռու մարզպետ Անդրեյ Ղուկասյանն ընդլայնված խորհրդակցություն անցկացրեց մարզպետարանի պատասխանատու պաշտոնյաների և Լոռու մարզի համայնքների ղեկավարների մասնակցությամբ: Օրակարգային առաջին հարցով մարզպետարանի ՏԻ և ՀԳՄ հարցերով վարչության ՏԻ և ՀԾ հարցերի բաժնի պետ Ժիրայր Ղազարյանը ներկայացրեց տեղեկատվություն մարտի 23-ին կայանալիք համապետական շաբաթօրյակի անցկացման կազմակերպչական աշխատանքների վերաբերյալ: Նա հայտնեց, որ ըստ համայնքներից ստացված տեղեկատվության շաբաթօրյակի աշխատանքների կազմակերպման համար անհրաժեշտ մարդկային ռեսուրսների թիվը 11 751 է, իսկ միջոցառման մասնակիցների կանխատեսվող թիվը՝ 11 722: Շաբաթօրյակի ընթացքում նախատեսվում է օգտագործել 253 անուն տեխնիկա և 6766 գործիք: Մարզում առկա է 112 աղբանոց, միջոցառման ընթացքում նախատեսվում է փակել դրանցից 85-ը:
Լոռու մարզպետը շնորհավորել է մարզպետարանի աշխատակցուհիներին կանանց միջազգային օրվա առթիվ 11.03.2019
Մարտի ութին՝ կանանց միջազգային տոնին ընդառաջ, Լոռու մարզպետ Անդրեյ Ղուկասյանը տոնական անակնկալ այցելությամբ շնորհավորեց մարզպետարանի աշխատակազմի կանանց և աղջիկներին՝ մաղթելով նրանց երջանկություն, առողջություն, սեր և նորանոր հաջողություններ անձնական կյանքում ու աշխատանքում:
ՀՀ Կառավարությանը ենթակա սննդամթերքի անվտանգության տեսչական մարմնի կողմից մեկնարկել է Սպառողների իրավունքների պաշտպանության միջազգային օրվան նվիրված միջոցառումների շաբաթը, որի շրջանակներում մարտի 7-ին Վանաձորի քաղաքապետարանի դահլիճում անցկացվեց «Սննդամթերքի անվտանգությունն ու սպառողի իրավունքների պաշտպանությունը թեմայով» քննարկում մարզի՝ սննդի շղթայում գործունեություն իրականացնող տնտեսվարողների, պատկան մարմինների, ՀԿ-ների մասնակցությամբ:
Հարգանքի տուրք՝ Արևելյան Ճապոնիայում տեղի ունեցած երկրաշարժի և ցունամիի 8-րդ տարելիցի օրը 11.03.2019
Մարտի 11-ին՝ Արևելյան Ճապոնիայում տեղի ունեցած երկրաշարժի և ցունամիի 8-րդ տարելիցի օրը, Սպիտակի կենտրոնական պուրակում տեղադրված հուշարձան-խաչքարի մոտ անմեղ զոհերի հիշատակին հարգանքի տուրք մատուցեցին Լոռու մարզպետ Անդրեյ Ղուկասյանը, ՀՀ-ում Ճապոնիայի արտակարգ և լիազոր դեսպան նորին գերազանցություն պարոն Ջուն Յամադան, ՀՀ արտակարգ իրավիճակների նախարար Ֆելիքս Ցոլակյանը, Սպիտակի համայնքի ղեկավար Գագիկ Սահակյանը, պաշտոնատար այլ անձինք, փրկարարներ և համայնքի բնակիչները:
Գեղանկարը տեղ գտավ մարզի ղեկավարի աշխատասենյակում 11.03.2019
Հովհաննես Թումանյանի 150-ամյակին նվիրված միջոցառումների շրջանակներում օրերս «Մաշտոց» կրթամշակութային կենտրոնը «Թումանյանական օր» խորագրով միջոցառում էր կազմակերպել Երևանի գրականության և արվեստի թանգարանում: Միջոցառմանը հրավիրված էր, սակայն հարգելի պատճառով չկարողացավ ներկա գտնվել մարզպետ Անդրեյ Ղուկասյանը: Միջոցառման ընթացքում մարզպետի համար նախատեսված ընծան՝ գեղանկարիչ Մաքսիմ Գիքինյան վրձնած Լոռվա բնապատկերով գեղանկարն այսօր մարզպետին անձամբ հանձնեցին հեղինակը, «Մաշտոց» կրթամշակութային կենտրոնի տնօրեն Գագիկ Աթաբեկյանը և մարզպետարանի կրթության, մշակույթի և սպորտի վարչության մշակույթի և սպորտի բաժնի պետ Արամ Ռևազյանը:
«Առողջ ապրելու իմ քայլը» ծրագիրը՝ նաև Լոռու մարզում 07.03.2019
Լոռու մարզպետ Անդրեյ Ղուկասյանը մարտի 6-ին ընդունեց «Լե Լաբողատուաղ Սեղվիե» դեղագործական ընկերության հայաստանյան ներկայացուցչությանը՝ տնօրեն Գագիկ Վելիջանյանի գլխավորությամբ: Հանդիպմանը ներկա էր նաև մարզպեարանի առողջապահության և սոցիալական ապահովության վարչության պետ Արթուր Մխիթարյանը:
