Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Համաձայն Լոռու մարզպետի համապատասխան որոշման և «ՀՀ Լոռու մարզի բնակչության պաշտպանության համակարգի նախապատրաստման 2019թ. հիմնական միջոցառումների պլանի» Լոռու մարզպետարանի դահլիճում մարզպետ Անդրեյ Ղուկասյանի ղեկավարությամբ անցկացվեց շտաբային ուսումնավարժություն «Մեծավանի ջրամբարի պատվարի փլուզման դեպքում բնակչության պաշտպանության կազմակերպումը և իրականացումը» թեմայով: Ուսումանվարժությանը մասնակցում էին Լոռու մարզի տարհանման հանձնաժողովի ներկայացուցիչները, մարզպետարանի պաշտոնյաներ, Լոռու մարզի արտակարգ իրավիճակների մշտական գործող հանձնաժողովի, մարզի փրկարարական վարչության, «Լոռու ջրանցք» ՋՕԸ, Տաշիր, Մեծավան համայնքների ղեկավարներ, Ձյունաշող, Սարատովկա, Միխայելովկա բնակավայրերի պատասխանատուներ, ՀՀ վարչապետին առընթեր ազգային անվտանգության ծառայության 1-ին սահմանապահ ջոկատի ներկայացուցիչներ :
Հայտնի են Լոռու մարզի տարվա լավագույն տնօրենը, ուսուցիչն ու դաստիարակը 30.05.2019
Հիմք ընդունելով ՀՀ կրթության և գիտության նախարարի 05.12.2013թ. թիվ 1354-Ն հրամանով հաստատված >, > և > մրցույթների կարգերը ՀՀ Լոռու մարզպետարանում ամփոփվել են 2019թ. >, > և > մրցույթների մարզային փուլեըը, որոնց արդյունքում հաղթողներ են ճանաչվել.
Հայաստանի առաջին Հանրապետությանը և մայիսյան հերոսամարտերին նվիրված տոնակատարությունն այս տարի ևս Վանաձորում կազմակերպվել էր հանդիսավորությամբ: Վանաձորի Կոտրած եկեղեցու տարածքում կազմակերպված միջոցառմանը մասնակցում էին Լոռու մարզպետ Անդրեյ Ղուկասյանը, ԱԺ պատգամավոր Արփինե Դավոյանը, Վանաձորի քաղաքապետ Մամիկոն Ասլանյանը, մարզային ու քաղաքային իշխանությունների ներկայացուցիչներ, ուժային կառույցների ղեկավարներ, Երկրապահ կամավորական միության ներկայացուցիչներ, հյուրեր:
Հանդիսավորությամբ բացվեց Տաշիրի մշակույթի կենտրոնի վերակառուցված շենքը 27.05.2019
Մայիսի 25-ին Տաշիր քաղաքում հանդիսավորությամբ բացվեց «Տաշիրի մշակույթի կենտրոն» ՀՈԱԿ-ի վերակառուցված շենքը: Միջոցառմանը ներկա էին ՀՀ Տարածքային կառավարման և զարգացման նախարար Սուրեն Պապիկյանը, Լոռու մարզպետ Անդրեյ Ղուկասյանը,Գուգարաց թեմի առաջնորդ տեր Սեպուհ արքեպիսկոպոս Չուլջյանը, Տաշիր խոշորացված համայնքի ղեկավար Էդգար Արշակյանը, «Տաշիր» հիմնադրամի ներկայացուցիչները, համայնքների ղեկավարներ, այլ պաշտոնատար անձինք, հյուրեր: Շինարարական աշխատանքները սկսվել են 2017 թ. «Տաշիր» բարեգործական հիմնադրամի նախաձեռնությամբ և ֆինանսական աջակցությամբ: Շենքի վերակառուցման և գույքի ձեռքբերման համար «Տաշիր» հիմնադրամը ներդրել է շուրջ 400 մլն. դրամ:
Առաջին տեղը գրավեց Վանաձորի թիվ 5 ՆՈՒՀ-ը 24.05.2019
Վանաձորի «Կենտրոն» համալիր մարզադպրոցի մարզադահլիճում անցկացվեց «Լավագույն մարզական նախադպրոցական հաստատություն» մրցույթի Լոռու մարզային փուլը: Մրցույթին մասնակցում էին մարզի 5 տարածաշրջաններում հաղթած մանկապարտեզների թիմերը:
Մարզպետն աշխատանքային այցով Տաշիրի տարածաշրջանում էր 24.05.2019
Մայիսի 23-ին մարզպետ Անդրեյ Ղուկասյանը մարզպետարանի մի խումբ պատասխանատու պաշտոնյաների ուղեկցությամբ աշխատանքային այցով եղավ Տաշիր խոշորացված համայնքի կազմում գտնվող Մեղրահովիտ և Բլագոդարնոե բնակավայրերում: Այցի նպատակը համայնքների խնդիրներին տեղում ծանոթանալն էր, բնակիչների կողմից բարձրացված հարցերին հաղորդակից դառնալը:
