Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Նոր Հայաստան» համահայկական փառատոնը՝ վանաձորյան բեմում 22.07.2019
Վանաձորի Շառլ Ազնավուրի անվան մշակույթի պալատում անցկացվեց «Նոր Հայաստան» համահայկական փառատոն՝ նվիրված Հովհաննես Թումանյանի և Կոմիտասի 150-ամյակներին: Փառատոնն անց էր կացվում ՀՀ Կրթության, գիտության, մշակույթի, սպորտի և երիտասարդության հարցերի նախարարության աջակցությամբ՝ հուլիսի 16-23-ը՝ հյուրընկալվելով Հայաստանի Հանարպետության մարզերում: Փառատոնի նպատակն էր աջակցել Հայաստան-Սփյուռք, Սփյուռք-Սփյուռք մշակութային կապերի ամ¬րապնդմա¬նը, սփյուռքում հայ մշակու¬թա¬յին ինք¬նու¬թյան պահպանմանն ու զարգացմանը, հայրենիքի և սփյուռքի երիտասարդ ստեղծագործողների միջև մշակութային կապերի խորացմանը, նոր նախա¬գծերի մշակմանը:
Աշխատանքային այց Մեծավան խոշորացված համայնք 19.07.2019
Հուլիսի 18-ին Լոռու մարզպետ Անդրեյ Ղուկասյանը մարզպետարանի մի խումբ պատասխանատու պաշտոնյաների ուղեկցությամբ աշխատանքային այցով եղավ Տաշիրի տարածաշրջանի Մեծավան խոշորացված համայնքի Ձյունաշող և Պաղաղբյուր բնակավայրերում։ Ձյունաշողի վարչական կենտրոնում մարզի ղեկավարը խոսեց հավաքագրումներից՝ նշելով, որ ցուցանիշները ցածր են, ինչի հետևանքով իրակացվող ծրագրերը ևս նվազել են։ Նա իր խոսքում նշեց, որ բնակավայրն ունի արոտավայրերի և վարելահողերի զգալի պաշարներ՝, ուստի հարկավոր է կարևորել դրանց նպատակային օգտագործումն ու նպաստավոր պայմաններ ստեղծել ներդրողների համար։
ՈւՇԱԴՐՈՒԹՅՈՒՆ 19.07.2019
Մեկնարկում է > նախագիծը Օգոստոսի 1-ից Լոռու մարզպետարանում կմեկնարկի > նախագիծը: Հավատարիմ մնալով թափանցիկ աշխատելաոճի սկզբունքներին՝ Լոռու մարզպետ Անդրեյ Ղուկասյանը ավագ դասարանների աշակերտներին հրավիրում է մեկօրյա համատեղ աշխատանքի: Ողջ օրն անցկացնելով մարզպետի հետ, նրա աշխատանքային օրակարգին համապատասխան մասնակցելով թե՛ հանդիպումների, թե՛ շրջայցերի՝ լոռեցի դեռահասները հնարավորություն կունենան ոչ միայն շփվելու մարզի ղեկավարի հետ, այլև ծանոթանալու մարզպետի ու մարզպետարանի գործառույթներին, աշխատանքի բնույթին, մարզում առկա խնդիրներին:
Ավարտին հասցվեց ևս 4 ծրագիր 19.07.2019
Հուլիսի 18-ին անցկացվեց ՀՀ Լոռու մարզի զբաղվածության աջակցության հանձնաժողովի նիստը, որը վարում էր հանձնաժողովի նախագահ, Լոռու մարզպետի տեղակալ Գայանե Մարկոսյանը: Օրակարգի առաջին հարցով հանձնաժողովի քարտուղար, մարզպետարանի առողջապահության և սոցիալական ապահովության վարչության սոցիալական ապահովության բաժնի պետ Վալերի Ջաղինյանը տեղեկատվություն ներկայացրեց ՀՀ կառավարության 17.04.2014թ. թիվ 534-Ն որոշմամբ հաստատված Հավելված 21-ի՝ վարձատրվող հասարակական աշխատանքների կազմակերպման միջոցով գործա¬զուրկ¬ների ժամանակավոր զբաղվածության ապահովման կարգի պահանջ-ներին համապատասխան նախորդ նիստից հետո ընկած ժամանակահատվածում կատարված աշխատանքների մասին՝ նշելով, որ բոլոր հանձնարարականները կատարվել են ժամկետների մեջ:
Հուլիսի 22-ից Վանաձորի բժշկական կենտրոնում կսկսի գործել ինվազիվ սրտաբանության բաժանմունքը 19.07.2019
Հուլիսի 22-ից Վանաձորի բժշկական կենտրոնում կսկսի գործել ինվազիվ սրտաբանության բաժանմունքը, կիրականացվի սրտի անոթների զոնդավորում և ստենդավորում: -Մարզի քաղաքացիներն այլևս անհրաժեշտություն չեն ունենա մեկնելու Երևան, ինչն իր հերթին լրացուցիչ ծախսեր է ենթադրում: Բացի այդ, դրա հիման վրա մարզին լրացուցիչ տրամադրվել է պետպատվեր՝ ինվազիվ սրտաբանության համար, որից օգտվելու հնարավորություն կունենան անապահովության նպաստ ստացող քաղաքացիները, հաշմանդամության խումբ ունեցողները, զինծառայողները, նրանց ընտանիքի անդամները և նրանց հավասարեցված անձինք: Գործելու է նաև «Ստենդ ֆոր լայֆ ծրագիրը»,- ասում է մարզպետարանի առողջապահության և սոցիալական ապահովության վարչության պետ Արթուր Մխիթարյանը:
Քննարկվեցին առողջապահական մի շարք խնդիրներ 19.07.2019
Հուլիսի 18-ին Լոռու մարզպետարանի առողջապահության և սոցիալական ապահովության վարչության նախաձեռնությամբ մարզպետարանի դահլիճում անցկացվեց խորհրդակցություն մարզի առողջապահական հիմնարկների ղեկավարների մասնակցությամբ: Խորհրդակցության ընթացքում վարչության պետ Արթուր Մխիթարյանն անդրադարձավ իմունոկանխարգելման խնդիրներին և իմունիզացիայի գործընթացի կազմակերպմանը մարզի տարածքում: Նա մտահոգություն հայտնեց, որ Հայաստանի Հանրապետությունում, այդ թվում և՝ Լոռու մարզում, գործընթացի հետ կապված նվազման միտում է նկատվում, ինչն առավելապես պայմանավորված է աշխարհում լայն տարածում գտած հակավակցինացիոն քարոզչական ակցիաներով:
