Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Նվիրաբերվել է ևս 3 համակարգիչ 17.04.2020
Հեռավար դասերի պատշաճ կազմակերպմանն ուղղված տեխնիկական միջոցների ձեռքբերման գործընթացը շարունակվում է, և այս անգամ իր աջակցությունն է առաջարկել «Իրավաբանների հայկական ասոցիացիա» ՀԿ-ն, որը Լոռու մարզպետարանին է նվիրաբերել 3 համակարգիչ: Վերջիններս այսօր հանձնվեցին տեխնիկական առավել սակավ հագեցվածություն ունեցող Վանաձորի թիվ 2, 21 հիմնական և Շահումյանի միջնակարգ դպրոցներին: Վերջիններիս կողմից այս օրերին համակարգիչները կտարամադրվեն դրանց կարիքն առավել շատ ունեցող ուսուցիչներին կամ աշակերտներին՝ ժամանակավոր օգտագործման նպատակով:
ՈՒՇԱԴՐՈՒԹՅՈՒՆ 15.04.2020
Սիրելի՛ լոռեցիներ Հանգամանքներից ելնելով՝ չե՞ք կարողացել մեկնել արտագնա աշխատանքի՝ արտերկրում շինարարական աշխատանքներով զբաղվելու նպատակով: Պատրա՞ստ եք մնալու հայրենի մարզում ու ձեր ներուժն օգտագործելու հանուն ծննդավայրի: Լոռու մարզպետարանը պատրաստ է աջակցել և իրականացնել մարզում առկա շինարարական ներուժի հավաքագրման աշխատանքներ՝ առաջիկայում մարզում իրականացվելիք շինաշխատանքների ժամանակ շինկազմակերպությունների հետ համագործակցելու և պահանջված աշխատուժը առաջարկելու նպատակով։ Հարցերի դեպքում աշխատանքային ժամերին կարող եք զանգահարել (0322) 2-31-02 հեռախոսահամարով:
Պահանջված ազոտական պարարտանյութի մի զգալի քանակություն արդեն իսկ մարզում է 15.04.2020
Լոռու մարզպետարանը, համագործակցելով հանրապետությունում պարարտանյութի ներկրմամբ զբաղվող մի շարք ընկերությունների հետ, ամենացածր գին ներկայացրած ընկերությունների ցանկը տրամադրել էր մարզի համայնքներին՝ առաջարկելով օգտվել ընձեռված հնարավորություններից: Ընդհանուր առմամբ պահանջարկ էր ներկայացրել 28 համայնք: Պահանջված ազոտական պարարտանյութի մի զգալի քանակություն արդեն իսկ մարզում է: Շուրջ 240 տոնն պարարտանյութ մարզպետարանի գյուղատնտեսության և բնապահպանության վարչության աշխատակիցների մասնակցությամբ արդեն իսկ բաշխվել է Սպիտակի, Թումանյանի, Ստեփանավանի և Գուգարքի տարածաշրջանների մի շարք համայնքների:
Այսօր մարզպետ Անդրեյ Ղուկասյանն ընդունեց չինական «Նյու իդա» ընկերության տնօրեն Լուո Գանգին: Հանդիպմանը ներկա էր նաև մարզպետի տեղակալ Գայանե Սարգսյանը: Ինչպես հայտնի է, ավելի քան մեկ տարի առաջ ընկերության կողմից մարզի ղեկավարին առաջարկվել էր Ստեփանավան խոշորացված համայնքի կազմում ընդգրկված Կաթնաղբյուրի վարչական տարածքում, որտեղ ջրի հորատանցք կա, իրականացնել հանքային ջրերի արդյունահանման ներդրումային ծրագիր: Մարզպետ Ա. Ղուկասյանի և ՀՀ տարածքային կառավարման և ենթակառուցվածքների նախարարության՝ ի դեմս նախարար Սուրեն Պապիկյանի, անմիջական աջակցության և հետևողականության շնորհիվ ծրագրին անմիջապես ընթացք էր տրվել: Նախորդ տարի մայիսին ՀՀ կառավարությունը համաձայնություն էր տվել Կաթնաղբյուրի վարչական տարածքում, համայնքային սեփականություն հանդիսացող 1,8348 հեկտար մակերեսով և 0,8822 հեկտար մակերեսով հողամասերը ուղղակի վաճառքի միջոցով ընկերությանն օտարելուն:
Արդեն իսկ հաստատվել է 2 սուբվենցիոն ծրագիր. գործընթացն առաջիկայում կընթանա մեծ թափով 14.04.2020
Սուբվենցիաներ ստանալու համար ծրագրային հայտերի գնահատման միջգերատեսչական հանձնաժողովի 2020 թվականի ապրիլի 10-ին կայացած նիստի ընթացքում քննարկվել և հավանության են արժանացել մարզի Լեռնապատ համայնքի «Համայնքի կարիքների համար գյուղտեխնիկայի և գյուղատնտեսական սարքավորումների ձեռքբերում» և Լուսաղբյուր համայնքի «Ոռոգման ցանցի նորոգում» ծրագրերը:
ՏԵՂԵԿԱՏՎՈՒԹՅՈՒՆ 13.04.2020
06.04–10.04.2020թ. ֆիզիկական և իրավաբանական անձանց կողմից խոցելի խմբերին տրամադրած նվիրատվությունների վերաբերյալ Փամբակ: Սմարթ-լայն ինտերնետ կապի ղեկավարությունը անապահով 3 բաժանորդի տրամադրել է սննդի փաթեթներ: Պետության աջակցությամբ Հայկական կարմիր խաչի ընկերության կամավորների կողմից 2 ընտանիքի տրամադրվել են սննդի փաթեթներ(պարունակությունը` 1 կգ ալյուր, 1 կգ շաքարավազ, 200 գ սուրճ, 2.5կգ լոլիկ, 2 կգ խոզի միս): Ձորագետ: Պետության աջակցությամբ Հայկական կարմիր խաչի ընկերության կամավորների կողմից 2 միայնակ թոշակառուի տրամադրվել են սննդի փաթեթներ (պարունակությունը՝ ալյուր 1կգ, շաքարավազ 1կգ, սուրճ 200գ, լոլիկ 2.5կգ, խոզի միս 2 կգ):
