Լոռու մարզպետի աշխատակազմ

Պատերազմական գործողությունների առաջին իսկ օրերից, Լոռու մարզում ապաստան գտած արցախցի ընտանիքների խնդիրների հոգածությունը Լոռու մարզպետ Անդրեյ Ղուկասյանի գլխավորությամբ և մարզպետի տեղակալ Գայանե Մարկոսյանի համակարգմամբ ստանձնել է Լոռու մարզպետարանում ձևավորված համակարգման կենտրոնը:
Մի խումբ բարեգործական կազակերպություններ և անհատներ Լոռու մարզից Հայաստանի Հանրապետության այլ բնակավայրերից և արտերկրից սրտաբուխ ու անշահախնդիր կերպով, սերտորեն համագործակցելով կենտրոնի հետ, պատրաստակամություն են հայտնել իրենց աջակցությունը ցուցաբերելու այդ ընտանիքներին, ինչը և մինչ օրս իրականացվում է:
Հընթացս հստակեցվել են նաև պետական աջակցության ծրագրերը՝ ուղղված արցախցի ընտանիքներին. ամբողջությամբ կվճարվեն մարզի տարբեր կենտրոնացված կացարաններում ապաստան գտած ընտանիքների կոմունալ վճարները: ՀՀ կառավարության նոյեմբերի 6-ի որոշմամբ Լոռու մարզպետարանին նախատեսվում է հատկացնել շուրջ 93 մլն դրամ՝ մարզում ապաստանած ընտանիքների համար, ըստ անհրաժեշտության, համապատասխան գնումներ կատարելու համար:
Լոռու մարզպետարանն այս օրերին արդեն բանակցել է մի շարք կազմակերպությունների հետ. տարբեր չափաբաժիններով անհրաժեշտ ապրանքատեսականու գնումների նպատակով կնքվել են համապատասխան պայմանագրեր: 1016 անձանց համար առաջնային կարիքների բավարարման նպատակով(ցանկը ներառում է շուրջ 30 անուն ապրանքատեսականի՝ սնունդ, հիգիենիկ պարագաներ, տնտեսական ապրանքներ) անհրաժեշտ գումարն այս փուլում կազմել է 19.2 մլն դրամ: Մինչդեռ համակարգման կենտրոնի հետ այս ընթացքում ակտիվորեն համագործակցող կազմակերպությունները դարձյալ ստանձնել են 8 անուն ապարանքատեսականու նվիրատվությունը, ինչի շնորհիվ հնարավոր է եղել ունենալ ավելի քան 7 մլն դրամի տնտեսում:
-Համագործակցված և հետևողական աշխատանքի շնորհիվ, պետական հոգածությամբ ու բարերաների աջակցությամբ, հնարավոր է լինում լուծում տալ ցանկացած խնդրի, միասին հաղթահարելի են բոլոր՝ անգամ անհաղթահարելի թվացող դժվարությունները,-ասում է Գայանե Մարկոսյանը: