Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տեսախորհրդակցություն՝ փորձի փոխանակման նպատակով 01.06.2020
Լոռու մարզի աշխատանքային խումբը քույր մարզ` Չինաստանի Շանսի նահանգի հրավերով մասնակցեց պանդեմիայով պայմանավորված հակահամաճարակային փորձի փոխանակման տեսախորհրդակցության՝ > թեմայի շուրջ: Տեսախորհրդակցությանը մասնակցում էին նաև Ճապոնիայի, Չեխիայի, Թայլանդի, Քենիայի, Ուկրայինայի պատվիրակությունները: Լոռու մարզը ներկայացնում էին մարզպետի տեղակալ Գայանե Մարկոսյանը, մարզպետարանի առողջապահության և սոցիալական ապահովության վարչության պետի պարտականությունները կատարող Լուսինե Վարդանյանը, մարզպետարանի,Վանաձորի բժշկական կենտրոնի, թիվ 1 համաբուժարանի, ՀՎԿԱԿ Վանաձորի մասնաճյուղի պատասխանատու պաշտոնյաներ:
Փա'ռք մեր հերոսներին Կեցցե' Հայաստանի Հանրապետությունը 01.06.2020
Հայաստանի առաջին Հանրապետության և մայիսյան հերոսամարտերի տոնական օրվան նվիրված միջոցառումներն այս տարի համավարակի տարածման վտանգի պատճառով սակավամարդ էին: Լոռու մարզպետ Անդրեյ Ղուկասյանը, փոխմարզպետ Գայանե Մարկոսյանը,Գուգարաց թեմի առաջնորդ տեր Սեպուհ արքեպիսկոպոս Չուլջյանը, մարզպետարանի մի խումբ պաշտոնյաներ, այսօր վաղ առավոտյան այցելեցին Վանաձորի Կոտրած եկեղեցու տարածք։ Սեպուհ սրբազանը աղոթք հնչեցրեց առ Աստված հերոսամարտերում զոհված քաջորդիների հիշատակի համար, ապա ներկաները մեկ րոպե լռությամբ հարգեցին նահատակների հիշատակը և ծաղիկների խոնարհեցին Ղարաքիլիսայի հերոսամարտի հուշակոթողի մոտ:
ՀԱՅՏԱՐԱՐՈՒԹՅՈՒՆ 27.05.2020
Հայաստանի Հանրապետության Լոռու մարզպետարանը հայտարարում է մրցույթ Պետական մարմնին վերապահված գործունեության ոլորտում որոշակի ծրագրերի իրականացման նպատակով ՀՀ Լոռու մարզպետարանում ֆինանսատնտեսական բնագավառի ռազմավարության մշակման և համակարգման աշխատանքներն իրականացնելու նպատակով փորձագետ ներգրավելու համար:
Ամփոփ տվյալները կներկայացվեն ՀՀ արտակարգ իրավիճակների նախարարությանը 27.05.2020
Այսօր Լոռու մարզպետարանում անցկացվեց «Արտակարգ իրավիճակների հետևանքով ֆիզիկական և իրավաբանական անձանց վնասի գնահատման մարզային հանձնաժողվի» նիստը՝ հանձնաժողովի նախագահ, Լոռու մարզպետի տեղակալ Գայանե Մարկոսյանի գլխավորությամբ: Նիստում քննարկվեցին վերջին օրերին մարզի մի շարք համայնքներում ուժեղ քամու հետևանքով տուժած քաղաքացիների կրած վնասների վերաբերյալ ակտերը, որոնք կազմվել և մարզպետարան են ներկայացվել համայնքապետարաններում գործող մշտական գործող հանձնաժողովների կողմից, կային նաև անհատական դիմումներ:
Հաշվի առնելով հանրապետությունում կորոնավիրուսով պայմանավորված արտակարգ իրավիճակը և գյուղմթերքների արտադրությամբ զբաղվող տնտեսվարողների գյուղատնտեսական տեխնիկայի կարիքները` Եվրոպական միությունն ու Ավստրիական զարգացման գործակալությունը «ԵՄ կանաչ գյուղատնտեսության նախաձեռնություն(EU-GAIA)» ծրագրի շրջանակներում Լոռու մարզի համայնքների թվով 10 գյուղատնտեսների և ֆերմերային տնտեսությունների (Սպիտակի, Ստեփանավանի, Գուգարքի, Թումանյանի տարածաշրջաններից) այսօր հանդիսավոր պայմաններում տրամադրեցին հողամշակման փոքրամասշտաբ մեքենաներ՝ բարձրակարգ մոտոբլոկներ հարակից կցագործիքներով: Գյուղատնտեսներն ընտրվել են Լոռու մարզպետարանի օգնությամբ՝ հաշվի առնելով գյուղատնտեսների կարիքները, նրանց ակտիվությունը և հետագայում ընդլայնվելու և ավելի շատ հողատարածքներ մշակելու հեռանկարները: Նրանց համար նոր սարքավորումները կստեղծեն կայուն եկամուտ ստանալու հնարավորություն:
Լոռու մարզպետարանը պատրաստակամ է աջակցելու ծրագրի հաջող ընթացքն ապահովելու հարցում 26.05.2020
Մարզպետ Անդրեյ Ղուկասյանն այսօր ընդունեց «Կանաչ արահետ» կազմակերության նախագահ Նունե Սարուխանյանին: Հանդիպմանը մասնակցում էր նաև մարզպետի տեղակալ Գայանե Մարկոսյանը: Ն. Սարուխանյանը հանգամանորեն ներկայացրեց «Սոցիալական ձեռներեցության էկոհամակարգի զարգացում՝ սահմանային գյուղերում կանաչ առաջընթացի համար» ծրագրի մանրամասները և ակնկալվող արդյունքները: Նա նշեց, որ Լոռու մարզի երիտասարդներն ամենաակտիվն են հայտերի ներկայացման առումով և հույս հայտնեց, որ ծրագրի արդյունքնում շուկայում մրցունակ և հետաքրքիր գաղափարներով օժտված, նախաձեռնող երիտասարդներ կունենանք: Մարզի ղեկավարն, իր հերթին շնորհակալություն հայտնելով Լոռու մարզը ծրագրում ընդգրկելու համար, նշեց, որ մարզպետարանը պատրաստակամ է աջակցելու ծրագրի հաջող ընթացքն ապահովելու հարցում:
