Տեղեկատվական կենտրոն
Նորություններ
![Լոռու մարզպետին կից ձևավորվում է Երիտասարդական աշխատանքային խումբ Լոռու մարզպետին կից ձևավորվում է Երիտասարդական աշխատանքային խումբ](http://lori.mtad.am/files/n_pics/22484_s.jpg)
Լոռու մարզպետին կից ձևավորվում է Երիտասարդական աշխատանքային խումբ 10.10.2019
Լոռու մարզպետին կից ձևավորվում է Երիտասարդական աշխատանքային խումբ, որի կազմում կընդգրկվեն 18-30 տարեկան ակտիվ ու նախաձեռնող երիտասարդներ մարզի տարբեր տարածաշրջաններից: Ամիսներ առաջ նախնական հավաք իրականացվել է, և այժմ այդ խմբում ընդգրկվելու թեկնածուները տասնմեկն են. այն դեռևս համալրման կարիք ունի: Նրանց հետ հանդիպում ունեցավ մարզպետ Անդրեյ Ղուկասյանը նախ՝ ծանոթանալու, ապա նաև՝ հասկանալու, թե երիտասարդներն ինչպե՞ս են պատկերացնում իրենց գործունեությունը աշխատանքային խմբում:Վերջինիս աշխատանքները կհամակարգի մարզպետի խորհրդական Հարություն Այվազյանը:
![ՀԱՅՏԱՐԱՐՈՒԹՅՈՒՆ ՀՐԱՎԻՐՎՈՒՄ ԵՆ ԱԿՏԻՎ ԵՎ ՆԱԽԱՁԵՌՆՈՂ ԵՐԻՏԱՍԱՐԴՆԵՐ ՀԱՅՏԱՐԱՐՈՒԹՅՈՒՆ ՀՐԱՎԻՐՎՈՒՄ ԵՆ ԱԿՏԻՎ ԵՎ ՆԱԽԱՁԵՌՆՈՂ ԵՐԻՏԱՍԱՐԴՆԵՐ](http://lori.mtad.am/files/n_pics/22485_s.jpg)
ՀԱՅՏԱՐԱՐՈՒԹՅՈՒՆ ՀՐԱՎԻՐՎՈՒՄ ԵՆ ԱԿՏԻՎ ԵՎ ՆԱԽԱՁԵՌՆՈՂ ԵՐԻՏԱՍԱՐԴՆԵՐ 10.10.2019
Լոռու մարզպետարանը հրավիրում է մարզի ակտիվ, նախաձեռնող երիտասարդներին (18-30 տարեկան), ովքեր լի են թարմ ու նորարարական գաղափարներով և չեն վախենում դժվարություններից, ընդգրկվելու Լոռու մարզպետին կից ձևավորվող Երիտասարդական աշխատանքային խմբում, որը կգործի հասարակական հիմունքներով: Տեղերը սահմանափակ են: Ցանկացողները կարող են մինչև հոկտեմբերի 18-ը ներառյալ դիմել Լոռու մարզպետարան, 201 սենյակ՝ մարզպետի խորհրդական Հարություն Այվազյանին, կամ զանգահարել (0322) 2-28 77, (099)060417 հեռախոսահամարներով:
![Ուսուցիչների օրվան նվիրված տոնական միջոցառմանը ներկա էր նաև մարզի ղեկավարը Ուսուցիչների օրվան նվիրված տոնական միջոցառմանը ներկա էր նաև մարզի ղեկավարը](http://lori.mtad.am/files/n_pics/22487_s.jpg)
Ուսուցիչների օրվան նվիրված տոնական միջոցառմանը ներկա էր նաև մարզի ղեկավարը 10.10.2019
Վանաձորի Կոմիտասի անվան արվեստի դպրոցում Ուսուցիչների օրվան նվիրված տոնական միջոցառմանը ներկա էր նաև մարզի ղեկավարը: Ծրագիրը համերգային էր, մասնակցում էին դպրոցի տնօրեն Վարդան Դոլմաջյանը և մանկավարժները: Միջոցառման ընթացքում հնչեցին Առնո Բաբաջանյանի, Կոմիտասի, Ազնավուրի գործերից, Լիլի Բաղինյանը կարդաց Կոմիտասին նվիրված բանախոսություն:
![ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՏԱՇԻՐԻ ՕՐՎԱ ԿԱՊԱԿՑՈՒԹՅԱՄԲ ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՏԱՇԻՐԻ ՕՐՎԱ ԿԱՊԱԿՑՈՒԹՅԱՄԲ](http://lori.mtad.am/files/n_pics/22490_s.jpg)
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՏԱՇԻՐԻ ՕՐՎԱ ԿԱՊԱԿՑՈՒԹՅԱՄԲ 10.10.2019
Սիրելի՛ տաշիրցիներ, բազում ավանդույթներով լի համայնքի հարգարժա՛ն բնակիչներ, ջերմորեն շնորհավորում եմ Ձեզ քաղաքի օրվա կապակցությամբ: Տաշիր քաղաքը մշտապես ունեցել է իր ուրույն դեմքն ու դիմագիծը, որով տարբերվել է ու այժմ էլ առանձնանում է հանրապետության այլ համայնքներից: Տաշիրցի լինելու մեծագույն հպարտությունն է, թերևս, որ ձեզ մղում է շենացնելու, է՛լ ավելի լավը դարձնելու Ձեր ծննդավայրը, պահպանելու և կայուն ավանդույթների վերածելու Ձեր պապերի նիստուկացը, վարքն ու բարքը:
![ԽԵԼԱՑԻ ԱՆԱՍՆԱԳՈՄԻ ԿԱՌՈՒՑՄԱՆ ԱՇԽԱՏԱՆՔՆԵՐՆ ԱՎԱՐՏԱԿԱՆ ՓՈՒԼՈՒՄ ԵՆ ԽԵԼԱՑԻ ԱՆԱՍՆԱԳՈՄԻ ԿԱՌՈՒՑՄԱՆ ԱՇԽԱՏԱՆՔՆԵՐՆ ԱՎԱՐՏԱԿԱՆ ՓՈՒԼՈՒՄ ԵՆ](http://lori.mtad.am/files/n_pics/22466_s.jpg)
ԽԵԼԱՑԻ ԱՆԱՍՆԱԳՈՄԻ ԿԱՌՈՒՑՄԱՆ ԱՇԽԱՏԱՆՔՆԵՐՆ ԱՎԱՐՏԱԿԱՆ ՓՈՒԼՈՒՄ ԵՆ 09.10.2019
ՀՀ կառավարության կողմից հաստատված պետական օժանդակության ծրագրերի շրջանակներում Տաշիր համայնքի բնակիչ Վահան Մկրտչյանը ձեռնամուխ է եղել > անասնաշենքի կառուցման աշխատանքներին: Անասնաշենքի կառուցման շինարարական աշխատանքները գտնվում են ավարտական փուլում, և հիմնադիրը պատրաստվում է այն վերազինել ժամանակակից սարքավորումներով (կաթի պահեստավորման սառնարաններով և կթի ագրեգատով): Վահան Մկրտչյանը ջանք չի խնայում անասնաշենքի սարքավորումներով վերազինման աշխատանքներն ավարտելու մինչև հոկտեմբեր ամսվա վերջ: Արդեն նոյեմբերին նախատեսում է արտերկրից ներկրել 30 գլուխ > ցեղատեսակի բարձր կաթնատվությամբ օժտված խոշոր եղջերավոր կենդանիներ, իսկ հաջորդ տարվա ընթացքում՝ ևս 30 գլուխ: Անասնաշենքը նախատեսված է ընդհանուր թվով 60 գլուխ խոշոր եղջերավոր կենդանիների համար:
![ՄԱՐԶՊԵՏԱՐԱՆԻՆ ՇԵՆՔԻՆ ԿԻՑ ԿՏԵՂԱԴՐՎԻ ԷԼԵԿՏՐԱԿԱՆ ԼԻՑՔԱՎՈՐՄԱՆ ԿԱՅԱՆ ՄԱՐԶՊԵՏԱՐԱՆԻՆ ՇԵՆՔԻՆ ԿԻՑ ԿՏԵՂԱԴՐՎԻ ԷԼԵԿՏՐԱԿԱՆ ԼԻՑՔԱՎՈՐՄԱՆ ԿԱՅԱՆ](http://lori.mtad.am/files/n_pics/22471_s.jpg)
ՄԱՐԶՊԵՏԱՐԱՆԻՆ ՇԵՆՔԻՆ ԿԻՑ ԿՏԵՂԱԴՐՎԻ ԷԼԵԿՏՐԱԿԱՆ ԼԻՑՔԱՎՈՐՄԱՆ ԿԱՅԱՆ 09.10.2019
Ամիսներ առաջ ձեռքբերված պայմանավորվածության համաձայն այսօր նվիրաբերության պայմանագիր կնքվեց Լոռու մարզպետարանի՝ ի դեմս մարզպետ Անդրեյ Ղուկասյանի և «Էներգետիկայի հայկական գործակալություն հիմնադրամի» միջև՝ ի դեմս գլխավոր տնօրեն Տիգրան Հարությունյանի: Պայմանագրով հիմնադրամը «Plug.am էլեկտրական մեքենաների խթանումը Հայաստանում» ծրագրի շրջանակներում Լոռու մարզպետարանի սեփականությանն է հանձնում էլեկտրական լիցքավորման կայան՝ նպատակ ունենալով դրանով իսկ նպաստելու ՀՀ-ում էներգետիկայի ոլորտի առաջընթացին: Կայանը կտեղադրվի մարզպետարանի շենքին կից: