Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետարանի ոլորտային մասնագետները պատրաստ են անհատական խորհրդատվություն տրամադրելու 10.04.2020
Կորոնավիրուսի սոցիալական և տնտեսական հետևանքների չեզոքացման նպատակով, ինչպես հայտնի է, ՀՀ կառավարության կողմից հաստատվել է 9 միջոցառումների ծրագիր: Նշված ծրագրերի վերաբերյալ տեղեկատվություն հաղորդելու, ինչպես նաև քաղաքացիների և կազմակերպությունների անհետաձգելի կարիքներին արձագանքելու նպատակով Լոռու մարզպետարանում գործում է շուրջօրյա թեժ գիծ:
100 դիմավահան՝ «Արմաթ» ինժեներական լաբորատորիաների համայնքի կողմից 10.04.2020
«Արմաթ» ինժեներական լաբորատորիաների համայնքի ներկայացուցիչները մարզպետարանին այսօր հանձնել են իրենց կողմից եռաչափ տպիչներով պատրաստված թվով 100 պաշտպանիչ դիմավահան, որոնք կտրամադրվեն մարզի բուժհաստատություններին։ Լոռու մարզպետ Անդրեյ Ղուկասյանի անունից շնորհակալություն հայտնելով նման աջակցության համար՝ մարզպետարանի գլխավոր քարտուղար Արթուր Մխիթարյանը և կրթության, մշակույթի և սպորտի վարչության պետ Ռաֆայել Մխիթարյանը նշել են, որ այս աջակցությունը ևս «Արմաթի» հետ օպերատիվ և արդյունավետ համագործակցության լավագույն օրինակ է:
ՈՒՇԱԴՐՈՒԹՅՈՒՆ ԳՈՐԾՈՒՄ ԵՆ ԹԵԺ ՀԵՌԱԽՈՍԱԳԾԵՐ 09.04.2020
Հարգելի լոռեցինե՛ր Քաղաքացիների և կազմակերպությունների անհետաձգելի կարիքներին արձագանքելու և հուզող հարցերին պատասխանելու նպատակով, ինչպես Լոռու մարզպետարանում, այնպես էլ՝ մարզի համայնքներում գործում են շուրջօրյա թեժ գծեր: Մինչև իրավիճակի կարգավորումը դադարեցված է թղթային տարբերակով դիմումների, գրությունների և առաջարկությունների ընդունումը: Խնդրում ենք ձեր դիմումները, բողոքներն ու առաջարկություններն ուղարկել պաշտոնական էլ․ փոստի՝ marzpet.lori@mta.gov.am, lori@mta.gov.am, lori.qartughar@mta.gov.am կամ էլեկտրոնային հարցումների միասնական հարթակի՝ https://e-request.am/hy/ միջոցով:
Կորոնավիրուսի սոցիալական և տնտեսական հետևանքների չեզոքացման նպատակով, ինչպես հայտնի է, ՀՀ կառավարության կողմից հաստատվել են 9 միջոցառումների ծրագրեր: Նշված ծրագրերի վերաբերյալ տեղեկատվություն հաղորդելու, ինչպես նաև քաղաքացիների և կազմակերպությունների անհետաձգելի կարիքներին արձագանքելու նպատակով Լոռու մարզպետարանում գործում է շուրջօրյա թեժ գիծ, որի պատասխանատուն է Ֆինանսական և սոցիալ-տնտեսական զարգացման վարչության ավագ մասնագետ Քրիստինե Հովսեփյանը՝ հեռ. 0322-4-47-29(աշխ.), 099-85-25-52(բջջ.), ով հանգամանալի տեղեկատվություն կներկայացնի ծրագրերի վերաբերյալ:
56 նոր պլանշետ հեռավար դասապրոցեսն անխափան իրականացնելու նպատակով 07.04.2020
Կրթության, մշակույթի և սպորտի նախարարության կողմից Լոռու մարզպետարանին հատկացվել է 56 նոր պլանշետ, որոնք կտրամադրվեն մարզի թվով 24 համայնքների դպրոցների: Վերջիններիս կողմից ժամանակավոր օգտագործման նպատակով դրանք կտրվեն հեռավար դասապրոցեսին մասնակցելու համար տեխնիկական միջոցներ չունեցող, 4 և ավելի դպրոցահասակ երեխաներ ունեցող ընտանիքներին: Օգտագործման անհրաժեշտության ավարտից հետո պլանշետները կվերադարձվեն դպրոցներին՝ հետագա տնօրինման նպատակով: Գործընթացը կկրի շարունակական բնույթ:
Ռաֆայել Հրայրի Հարությունյանը՝ Լոռու մարզպետարանի կրթության,մշակույթի և սպորտի վարչության պետ 07.04.2020
Ղեկավարվելով մի շարք իրավական ակտերով և հիմք ընդունելով 2020 թվականի ապրիլի 2-ին մրցութային հանձնաժողովի կողմից տրված եզրակացությունը՝ ՀՀ Լոռու մարզպետարանի գլխավոր քարտուղարի ապրիլի 3-ի, թիվ 369 հրամանով Ռաֆայել Հրայրի Հարությունյանը նշանակվել է Լոռու մարզպետարանի կրթության,մշակույթի և սպորտի վարչության պետ: Շնորհավորում ենք, մաղթում աշխատանքային հաջողություններ:
