Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մեկնարկել է ուսումնական գործընթացը 13.01.2021
Հանրակրթական ուսումնական հաստատություններում մեկնարկել է ուսումնական գործընթացը բոլոր՝ 1-12-րդ դասարանների համար: Այս տարի գարնանային արձակուրդ կտրամադրվի միայն առաջին և երկրորդ դասարանի աշակերտներին: Առաջինդասարանցիներին երկշաբաթյա արձակուրդ կտրամադրվի՝ մարտի 22-ից մինչև ապրիլի 4-ը, երկրորդ դասարանցիներին՝ մեկշաբաթյա՝ մարտի 22-ից մինչև մարտի 28-ը: Դպրոցներում ուշադրություն է դարձվում անհրաժեշտ ջերմային ռեժիմի, ինչպես նաև՝ հակահամաճարակային կանոնների պահպանմանը:
Այսօր Լոռու մարզպետ Արամ Խաչատրյանն այս տարվա առաջին աշխատանքային խորհրդակցությունն անցկացրեց մարզպետարանի պատասխանատու պաշտոնյաների և կառուցվածքային ստորաբաժանումների ղեկավարների մասնակցությամբ: Մարզի ղեկավարը ներկաներին մաղթեց արդյունավետ աշխատանքային տարի. -Մեր երկրի՝ այդ թվում և մարզի առջև լուրջ մարտահրավերներ կան ծառացած՝ 2020թ.-ին մեզ պատուհասած համավարակի, ապա նաև պատերազմի պատճառով: Վստահ եմ համախմբվածությամբ և միասնականությամբ, զօր ու գիշեր աշխատանքով կկարողանանք միասին հաղթահարել բոլոր խնդիրերը՝ ի շահ մեր մարզի զարգացման և մարզի բնակիչների բարեկեցության: Կարևորում եմ հատկապես աշխատանքային ջերմ մթնոլորտի ապահովումը և բարձր կարգապահությունը,-ասաց Արամ Խաչատրյանը:
Լոռու մարզպետ Արամ Խաչատրյանը մեկնարկել է ճանաչողական այցերը արտադրական ձեռնարկություններ՝ մարզի արդյունաբերական պոտենցիալին, առկա խնդիրներին տեղում ծանոթանալու և մարզի գործարարներին աջակցելու հնարավորությունները քննարկելու նպատակով: Ա. Խաչատրյանը խորհրդական Հովհաննես Ավետիսյանի ուղեկցությամբ այսօր այցելեց Վանաձորում գործող «ԳազԱրտ» արտադրամաս: Մարզպետը ծանոթացավ արտադրամասի գործունեությանը, աշխատանքի կազմակերպմանը:
Սուրբ ծննդյան օրը մատուցված պատարագին ներկա էր նաև մարզի ղեկավարը 08.01.2021
Հունվարի 6-ին Հայ առաքելական բոլոր եկեղեցիներում ի լուր հավատավոր ժողովրդի հայտարարվեց Քրիստոսի Սուրբ ծննդյան ավետիսը: Սուրբ ծննդյան օրվա առթիվ Վանաձորի առաջնորդանիստ Սուրբ Գրիգոր Նարեկացի եկեղեցում մատուցվող Սուրբ պատարագին ներկա էին նաև Լոռու մարզպետ Արամ Խաչատրյանը, այլ պաշտոնատար անձինք: Սուրբ պատարագի ավարտին կատարվեց ջրօրհնյաց կարգ՝ ի խորհուրդ Հիսուս Քրիստոսի մկրտության: Նախօրեին մատուցվել էր Ճրագալույցի պատարագ:
Վերանորոգվել է Մեծավանի արվեստի դպրոցը 29.12.2020
Մեծավան համայնքում այս տարի պետություն-համայնք համատեղ ներդրմամբ իրականացվող սուբվենցիոն ծրագրի շրջանակներում Արվեստի դպրոցի երկհարկանի շինությունը (ընդհանուր տարածքը 500 քառ. մետր) վերանորոգվել է, կառուցվել են միջնորմեր, իրականացվել ներքին հարդարման աշխատանքներ, տեղադրվել են նոր դռներ, անց է կացվել նաև ջեռուցման համակարգ: Ծրագրի պայմանգրային արժեքը շուրջ 9 մլն դրամ է: Ծրագրի իրականացման արդյունքում նախատեսվում է բացել ևս 2-3 նոր խմբակ:
Ասֆալտապատվել են Կուրթան, Վարդաբլուր, Գյուլագարակ, Գարգառ բնակավայրերի համայնքային ճանապարհները 28.12.2020
Այս տարի պետություն-համայնք համատեղ ներդրմամբ իրականացվող սուբվենցիոն ծրագրով ասֆալտապատվել են Գյուլագարակ համայնքի Կուրթան, Վարդաբլուր, Գյուլագարակ, Գարգառ բնակավայրերի համայնքային ճանապարհները. Գարգառում` մոտ 130 գծամետր, Գյուլագարակում` մոտ 500 գծամետր, Կուրթանում` մոտ 270 գծամետր, Վարդաբլուրում` մոտ 220 գծամետր: Ծրագրի իրականացման արդյունքում վերանորոգվել են համապատասխան բնակավայրերի մանկապարտեզ և դպրոց տանող ճանապարհներն ու հարակից տարածքները, գյուղի Գ-2 և դպրոց տանող ճանապարհները, եկեղեցի տանող ճանապարհը, պոլիկլինիկա և դպրոց տանող ճանապարհներն ու հարակից տարածքները:
