Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քաղաքացիների կողմից բարձրաձայնված խնդիրների հրատապ լուծումը մարզպետարանի օրակարգում է 11.02.2021
Այսօր Լոռու մարզպետ Արամ Խաչատրյանն անցկացրեց քաղաքացիների հերթական ընդունելությունը: Շուրջ մեկ տասնյակ քաղաքացիներ մարզպետին դիմեցին հիմնականում աշխատանքի տեղավորման, բիզնեսի աջակցության, բնակարանային պայմանների բարելավման, սոցիալական աջակցության և վիրավոր զինծառայողի բուժման հարցերով: Ներկայացված խնդրներից մի մասին լուծում տրվեց հենց տեղում. մասնավորապես՝ մարզպետարանը հնարավորության սահմաններում դրամական աջակցություն կտրամադրի սոցիալապես անապահով ընտանիքի, կլուծի նաև վառելափայտի հարցը:
Գուգարաց թեմի հոգևոր սպասավորներն արժանացան Լոռու մարզպետի շնորհակալագրերի 11.02.2021
Արցախյան պատերազմի ընթացքում Գուգարաց թեմի հոգևոր սպասավորների հայրենանվեր և բարեխիղճ ծառայությունը մշտապես բարձր գնահատանքի է արժանացել Լոռու մարզպետի կողմից: Այսօր Վանաձորի Սուրբ Գրիգոր Նարեկացի առաջնորդանիստ եկեղեցու դահլիճում Արամ Խաչատրյանը շնորհակալագրեր հանձնեց թեմի հոգևոր հայրերին: Հանդիպումը Գուգարաց թեմի առաջնորդ Գերաշնորհ Տեր Հովնան եպիսկոպոս Հակոբյանն սկսեց Տերունական աղոթքով, որից հետո մարզպետը խոսեց պատերազմի և դրան հաջորդող օրերում հոգևորականների անձնվեր ծառայության մասին:
Նա Սրբազան հորը և թեմի հոգևոր հայրերին շնորհավորեց փետրվարի 9-ին Հայ Առաքելական Եկեղեցու կողմից նշվող Սուրբ Ղևոնդյանց քահանայական տոնի կապակցությամ՝ կարևորելով հայ առաքելական եկեղեցու դերը երկրի հոգևոր֊ մշակութային կյանքում. -Բազմիցս առիթներ են եղել ասելու՝ եկեղեցին այն կարևոր օղակն է, որը մշտապես կապել է ժողովրդի տարբեր շերտերին: Մարզային, համայնքային իշխանությունների և Հայ Առաքելական Սուրբ Եկեղեցու համագործակցությունը միայն մեկ նպատակ ունի՝ նպաստել հոգևոր մշակույթի զարգացմանը և գործել ի շահ Լոռու մարզի և լոռեցի հավատացյալների,- նշեց Արամ Խաչատրյանը:
Մարզի ղեկավարը հաջողություններ մաղթեց առարկայական օլիմպիադաների մարզային փուլի մասնակիցներին 10.02.2021
Այսօր մարզպետ Արամ Խաչատրյանը Վանաձորի թիվ 4 հիմնական դպրոցում հետևեց հայ գրականություն առարկայի օլիմպիադայի մարզային փուլի ընթացքին: Մարզի ղեկավարը մասնակիցներին հաջողություն մաղթեց և շեշտեց՝ այսօրվա նրանց հաջողությունները երաշխիք են վաղվա կիրթ, բազմակողմանի զարգացած քաղաքացի ունենալու գործում: ֊Կրթության ոլորտը մեզ համար առաջնահերթություն է, և որակյալ կրթություն ունենալու հիմքերը պիտի դրվեն դպրոցից: Այն, որ դուք այսօր ակտիվ եք, սովորելու ձգտում ունեք և մասնակցում եք օլիմպիադաների, արդեն իսկ ոգևորող է: Վստահ եմ՝ այս փուլը հաղթահարելու եք հաջողությամբ և հանրապետական փուլում գոհացնող արդյունքներ ենք գրանցելու,- նշեց Ա. Խաչատրյանը:
Առաջին զորակոչը՝ 2020թ.-ի արցախյան պատերազմից հետո 09.02.2021
ՀՀ ՊՆ Լոռու մարզի զինվորական կոմիսարիատի Տաշիրի և Ստեփանավանի բաժանմունքներում մեկնարկեց 2020 թվականի ձմեռային զորակոչը: Ծառայության մեկնողներին հայոց բանակ ճանապարհելու արարողությանը ներկա էին մարզային ու քաղաքային իշխանություների, հոգևոր դասի ներկայացուցիչներ, զինակոչիկների ծնողներ ու հարազատներ:
Անասնապահության զարգացմանն ուղղված ծրագիր՝ Լոռու մարզում ապաստանած արցախցիների համար 09.02.2021
«Աստղիկ» բարեգործական հիմնադրամը Լոռու մարզում ապաստանած արցախցիների համար հերթական ծրագիրն է իրականացնում: Ընտանիքներին, որոնք որոշել են վերջնականապես հաստատվել Լոռիում, հնարավորություն է տրվել զբաղվել ոչխարաբուծությամբ, հետագայում նաև՝ զարգացնել տնտեսությունը : Հիմնադրամը 110 ընտանիքի տրամադրում է 5 ոչխար, նաև՝ մինչև 100 տուկ խոտ՝ կախված տարածաշրջանի կլիմայական պայմաններից: Ընտանիքներին ընտրում են համայնքների հետ միասին։
