Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Լոռու  մարզի  խորհրդի  նիստում

Լոռու մարզի խորհրդի նիստում 01.06.2012

Մայիսի 30-ին տեղի ունեցավ Լոռու մարզխորհրդի հերթական նիստը, որը վարում էր մարզպետ Արթուր Նալբանդյանը: Լսվեցին զեկուցումներ հանրակրթական համակարգի բարեփոխումների ընթացքի, երեխաների պաշտպանության ոլորտում ինտեգրված սոցիալական ծառայության համակարգի բաղադրիչների վերաբերյալ, արվեցին օրախնդիր հայտարարություններ:

Մարզխորհրդի նիստ 29.05.2012

ՀՀ Լոռու մարզի խորհրդի նիստը տեղի կունենա մայիսի 30-ին ժամը 11-ին Վանաձորի «Լոռի» ժամանցի կենտրոնի (երկաթուղայինների մշակույթի տան) դահլիճում: Օրակարգում՝ 1. Լոռու մարզի հանրակրթական համակարգի բարեփոխումների ընթացքի մասին: (Զեկ.` ՀՀ Լոռու մարզպետարանի աշխատակազմի կրթության, մշակույթի և սպորտի վարչության պետ Մ.Սայադյան) 10 րոպե 2. Ինտեգրված սոցիալական ծառայության համակարգի բաղադրիչները երեխաների իրավունքների պաշտպանության ոլորտում: (Զեկ.՝ մարզպետարանի աշխատակազմի ընտանիքի, կանանց և երեխաների իրավունքների պաշտպանության բաժնի պետ Ն.Սարգսյան ) 15 րոպե 3. Հայտարարություններ.

Ղարաքիլիսայի ճակատամարտը վճռական էր հայ ժողովրդի համար

Ղարաքիլիսայի ճակատամարտը վճռական էր հայ ժողովրդի համար 28.05.2012

Մայիսի 28-ին, ավանդույթի համաձայն, Հայաստանի Առաջին Հանրապետության և 1918-ի մայիսյան հերոսամարտերին նվիրված միջոցառում էր կազմակերպվել Վանաձորի Կոտրած եկեղեցու հուշակոթողի մոտ։ Մասնակցում էին Լոռու մարզպետ Արթուր Նալբանդյանը, Վանաձորի քաղաքապետ Սամվել Դարբինյանը, Լոռու մարզային, Վանաձորի քաղաքային իշխանությունների, զինվորականության, իրավապահ մարմինների ներկայացուցիչներ, բազմահարյուր վանաձորցիներ։

Գուգարքում սեփական եկամուտների հավաքագրումը մտորելու տեղիք է տալիս 25.05.2012

Գուգարքի տարածաշրջանի համայնքները Լոռու մարզի այլ տարածաշրջանների համեմատությամբ 2012թ. անցած չորս ամիսներին աչքի են ընկել սեփական եկամուտների հավաքագրման ամենավատ ցուցանիշներով: Այս մասին մեկ անգամ ևս բարձրաձայնվեց Լոռու մարզպետի տեղակալ Աղվան Վարդերեսյանի մոտ հրավիրված խորհրդակցությունում, ուր տարածաշրջանի մի շարք համայնքների ղեկավարներ խիստ քննադատության արժանացան անհետևողականության, իրենց պարտականությունները պատշաճ չիրականացնելու համար: (Տեսանյութ)

Սեփական եկամուտների հավաքագրումը՝ օրախնդիր հարց

Սեփական եկամուտների հավաքագրումը՝ օրախնդիր հարց 24.05.2012

Մայիսի 23-ին Վանաձորի քաղաքապետարանի նիստերի դահլիճում Լոռու մարզի համայնքների ղեկավարների մասնակցությամբ տեղի ունեցավ ընդլայնված խորհրդակցություն, որը նվիրված էր համայնքներում սեփական եկամուտների հավաքագրման հիմնախնդրին: Լոռու մարզպետ Արթուր Նալբանդյանը հակիրճ անդրադառնալով ոլորտում առկա մտահոգիչ իրավիճակին, ներկայացրեց խորհրդակցությանը մասնակցելու համար Վանաձոր ժամանած Տարածքային կառավարման նախարարի առաջին տեղակալ Վաչե Տերտերյանին ու ՏԿՆ տեղական ինքնակառավարման վարչության պետ Աշոտ Գիլոյանին և համայնքների ղեկավարներին հորդորեց անբռնազբոս երկխոսություն ծավալել խնդրին առնչվող վիճահարույց հարցերի շուրջը:

Մայիսի 21-ին մարզպետ Արթուր Նալբանդյանը անցկացրեց հերթական աշխատանքային խորհրդակցությունը 22.05.2012

Սեփական եկամուտների հավաքագրման ցուցանիշները ներկայացրեց ֆինանսական և սոցիալ-տնտեսական վարչության պետ Սևակ Հովհաննիսյանը։ Նրա տեղեկացմամբ՝ մայիսի 18-ի դրությամբ մարզում սեփական եկամուտների հավաքագրման ցուցանիշը կազմել է շուրջ 30 մլն դրամ կամ մայիս ամսվա պլանի 17,8 տոկոսը, իսկ նախորդ տարվա մայիս ամսվա փաստացիի 29,9 տոկոսը։ Գուգարքի տարածաշրջանում սեփական եկամուտների հավաքագրումը կազմել է մայիս ամսվա պլանի 19,7 տոկոսը, նախորդ տարվա նույն ժամանակահատվածի համեմատությամբ՝ 35,1 տոկոս, Սպիտակի տարածաշրջանում՝ 15,7 տոկոսը, նախորդ տարվա համեմատությամբ՝ 19,4 տոկոս...

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2017-08-18 12:22:17