Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետի պաշտոնակատար Հովհաննես Ավետիսյանն հուլիսի 3-ին, խորհրդակցություն է անցկացրել ՀՀ Շրջակա միջավայրի նախարարության էկոպարեկային ծառայության Լոռու մարզային վարչության տեղամասերի, նախարարության «Հայանտառ»ՊՈԱԿ-ի Լոռու մարզի անտառնտեսությունների ղեկավարների և ոստիկանության ներկայացուցիչների մասնակցությամբ: Քննարկմանը ներկա են եղել նաև Լոռու մարզպետի աշխատակազմի գյուղատնտեսության և շրջակա միջավայրի պահպանության վարչության պետ Արուս Թումանյանը, մարզպետի աշխատակազմի այլ պատասխանատու պաշտոնյաներ։ Հանդիպման նպատակը մարզի անտառտնտեսություններում արձանագրվող ապօրինի ծառահատումների դեպքերի վերաբերյալ քննարկումն էր՝ խնդիրների վերհանման և արձանագրվող դեպքերը հնարավորինս նվազեցնելու կամ բացառելու համար:
413,9 միլիոն դրամ՝ Լոռու մարզի 6 սուբվենցիոն ծրագրի համաֆինանսավորման համար 27.06.2025
Կառավարությունը 413,9 միլիոն դրամով կհամաֆինանսավորի Լոռու մարզի համայնքների ենթակառուցվածքների զարգացմանն ուղղված 6 սուբվենցիոն ծրագիր: Այդ ծրագրերն են՝ • Վանաձոր համայնքի Վանաձոր բնակավայրի գլխավոր փողոցների լուսավորության համակարգի արդիականացում (աշխատանքներն իրականացվել են 95 տոկոսով), • Ստեփանավան համայնքի Ստեփանավան բնակավայրի քաղաքային այգու և Ալեայի անցուղու մի հատվածի բարեկարգում (աշխատանքներն իրականացվել են 95 տոկոսով),
«Վանաձորի երգի թատրոնի» 25-ամյակի կապակցությամբ պարգևատրվել են կոլեկտիվի անդամները 26.06.2025
Այսօր՝ հունիսի 25-ին, Լոռու մարզպետի պաշտոնակատար Հովհաննես Ավետիսյանը հյուրընկալել էր «Վանաձորի երգի թատրոնի» կոլեկտիվին՝ շնորհավորելու թատրոնի հիմնադրման 25-ամյակի կապակցությամբ: Հանդիպմանը ներկա էին նաև մարզպետի աշխատակազմի պատասխանատու պաշտոնյաներ: Հ. Ավետիսյանը «Վանաձորի երգի թատրոնի» հոբելյանական տարեդարձի առթիվ կոլեկտիվին մաղթել է երկար տարիների բեղմնավոր գործունեություն և մեծ բեմեր: -Ձևավորվելով դժվարին ժամանակահատվածում՝ դուք կարողացել եք հաղթահարել բազում դժվարություններ: Դուք ձեր արհեստավարժությամբ ճաշակ եք թելադրում մեր հանրությանը, ներկայացնում թե՛ հայկական և թե՛ համաշխարհային երաժշտարվեստի լավագույն գործերը: Մաղթում եմ ձեզ առավել մեծ բեմեր և լեփ-լեցուն դահլիճներ,-ասել է մարզպետի պաշտոնակատարը:
Գյուղատնտեսական կենդանիների համարակալման և հաշվառման ծրագրի իրազեկում՝ Լոռու մարզում 24.06.2025
Գյուղատնտեսական կենդանիների համարակալման և հաշվառման ծրագրի շրջանակում հունիսի 20-ին Լոռու մարզպետարանում անցկացվեց իրազեկման հանդիպում։ Հանդիպումը կազմակերպվել էր ՀՀ էկոնոմիկայի նախարարության, Լոռու մարզպետի աշխատակազմի և «Ագրոբիզնեսի և գյուղի զարգացման կենտրոն» հիմնադրամի փոխգործակցությամբ։ Մասնակցում էին Լոռու մարզպետի աշխատակազմի գյուղատնտեսության և շրջակա միջավայրի պահպանության վարչության պետ Արուս Թումանյանը, ՀՀ էկոնոմիկայի նախարարության անասնաբուժության բաժնի գլխավոր անասնաբույժներ Լուսինե Չոբանյանը և Լիլիթ Բաղադասարյանը:
Բուժաշխատողի մասնագիտական օրվա առթիվ պարգևատրվեցին մի խումբ նվիրյալներ 24.06.2025
Բուժաշխատողի օրվա առթիվ հունիսի 23-ին Լոռու մարզպետի աշխատակազմի կողմից Վանաձորի տիկնիկային թատրոնում կազմակերպվել էր հանդիսավոր միջոցառում: Այդ առիթով հրավիրվել էին մարզի առողջապահական հիմնարկների բուժաշխատողները: Մարզպետի պաշտոնակատար, մարզպետի տեղակալ Հովհաննես Ավետիսյանի կողմից գնահատանքի ջերմ խոսքերի արժանացան մարզի առողջապահության ոլորտի աշխատակիցները. -Ձեր ամենօրյա գործը պահանջում է բացառիկ պատասխանատվություն, համբերություն ու հոգատարություն, քանի որ ձեր ձեռքերում մարդկային կյանքեր են։ Ձեր նվիրումով է, որ մեր մարզի առողջապահական համակարգը շարունակում է կայունորեն զարգանալ՝ ապահովելով որակյալ ծառայություններ և հուսալի աջակցություն մեր քաղաքացիներին,- ասաց նա:
Լոռիում մեկնարկել է ԲՏՃՄ առարկաներ դասավանդող ուսուցիչների վերապատրաստումը 24.06.2025
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր՝ հունիսի 23֊ին, Լոռու մարզպետի ժամանակավոր պաշտոնակատար Հովհաննես Ավետիսյանի ուղեկցությամբ այցելել է Վանաձորի թիվ 18 միջնակարգ դպրոց, որտեղ մեկնարկել է ԲՏՃՄ առարկաներ դասավանդող ուսուցիչների վերապատրաստումը: 5-օրյա դասընթացի ընթացքում ուսուցիչները ծանոթանում են բնագիտական նոր լաբորատորիաներում առկա սարքավորումների գործարկման և տեխնիկական սպասարկման կանոններին՝ դրանց արդյունավետ օգտագործման նպատակով: Ողջունելով վերապատրաստման մասնակիցներին՝ ԿԳՄՍ նախարարը նշել է՝ բնագիտական և տեխնոլոգիական առարկաների դասավանդման որակի բարելավման նպատակով ՀՀ կառավարությունը մեծ ներդրումներ է կատարում՝ այդ թվում դպրոցներում ստեղծելով արդիական լաբորատորիաներ:
