Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Արամ Ղազարյանի շնորհավորական ուղերձը Գրողների համաշխարհային օրվա առթիվ 03.03.2025
Գրական աշխարհի հարգելի՛ ներկայացուցիչներ, ստեղծագործողնե՛ր, սիրելի՛ ընթերցողներ, սրտանց շնորհավորում եմ Գրողների համաշխարհային օրվա կապակցությամբ: Սա բոլոր նրանց տոնն է, ովքեր հարստացնում են մեր՝ դարերից եկած անկրկնելի գրականությունը և բոլոր նրանց, ովքեր մեծագույն գոհունակությամբ ու սրտի թրթիռով կարդում են այդ գրվածքները։
Սիրելի՛ լոռեցիներ, զինված ուժերի հարգելի՛ ներկայացուցիչներ, զինծառայողնե՛ր ջերմորեն շնորհավորում եմ ձեզ Հայաստանի Հանրապետության զինված ուժերի կազմավորման օրվա կապակցությամբ: Այս օրը մեր տոնացույցի կարևոր օրերից մեկն է, քանզի նշում ենք Հայաստանի Հանրապետության անվտանգության երաշխավոր բանակի 33-րդ տարեդարձը: Հայ ժողովրդի՝ ազատ, անկախ երկիր ունենալու մեծագույն երազանքը դարերով մշտապես ուղեկցվել է սեփական հզոր բանակ ունենալու նպատակադրմամբ և այդ է նաև պատճառը, որ մեզնից յուրաքանչյուրը առանձնահատուկ ակնածանք է տածում բանակի և հայ զինվորի նկատմամբ:
Ազգային անվտանգության ծառայության հարգելի՛ աշխատակիցներ, ջերմորեն շնորհավորում եմ ձեզ մասնագիտական տոնի առթիվ: Բարձր գնահատանքի է արժանի ձեր դերն ու առաքելությունը մեր պետականության անվտանգության ապահովման կարևորագույն գործում: ԱԱԾ աշխատակիցների գործունեության առանցքում են Հայաստանի Հանրապետության ինքնիշխանության, տարածքային ամբողջականության ապահովումը, սահմանադրական կարգի պահպանությունը: Շատ բան է կախված նաև յուրաքանչյուր աշխատակցի նվիրումից, պատասխանատվության գիտակցումից, արհեստավարժությունից:
Լոռու մարզպետ Արամ Ղազարյանի Ամանորի շնորհավորական ուղերձը 03.01.2025
Սիրելի՛ հայրենակիցներ, լոռեցինե՛ր, շուտով կղողանջեն ամանորյա զանգերը և մենք կթևակոխենք 2025 թվական: Պատմություն է դառնում 2024 թվականը ևս, որը Հայաստանի Հանրապետության ու նրա պետականության պատմության, ժողովրդի կյանքում ու նրա հիշողության մեջ արձանագրվում է՝ որպես մարտահրավերների, միաժամանակ մի շարք բարեփոխումների ու ծրագրերի իրականացման տարի:
Սիրելի՛ հայրենակիցներ, լոռեցինե՛ր, այսօր լրանում է 1988 թվականի դեկտեմբերի 7-ի աղետալի երկրաշարժի 36-րդ տարելիցը։ Օրը ծանր հիշողություններով է համակում բոլոր նրանց, ովքեր տարերային աղետի վկան ու ականատեսն են եղել, ովքեր կորցրել են հարազատ ու սիրելի մարդկանց, ընկերների: Այսքան տարի անց էլ ծանր հիշողությունները չեն խամրում և ցավը չի մեղմանում: Հիշատակի այս օրը ուզում եմ ցավակցական խոսք հղել այն ընտանիքներին, ովքեր կորուստներ ունեցան: Ցավոք, կորստի վիշտն անամոքելի է անգամ այսքան տարիներ անց, սակայն կյանքը շարունակվում է՝ մեզ կոչելով արարել, ստեղծել ու զարգացնել մեր համայնքները, մարզը, երկիրը:
Լոռու մարզպետ Արամ Ղազարյանի շնորհավորական ուղերձը Կամավորների միջազգային օրվա առթիվ 05.12.2024
Սիրելի՛ հայրնակիցներ, դեկտեմբերի 5-ին նշում է Կամավորների միջազգային օրը, այն մարդկանց տոնն, ովքեր ընտրել են մարդկությանն անշահախնդիր ծառայելու ու բարդ իրավիճակներում հայտնված անձանց աջակցելու ուղին։ Այս օրը ևս մեկ առիթ է և հնարավորություն ընդգծելու կամավորական աշխատանք իրականացնելու պատրաստ բոլոր մարդկանց մեծ դերակատարությունը հասարակական կյանքի բոլոր բնագավառներում: Անշահախնդիր կերպով արված, առանց փոխհատուցման ակնկալիքի՝ թեկուզ ամենափոքր աշխատանքն անգամ մարդասիրության մեծագույն դրսևորում է և արդեն իսկ խոսում է անձի բարձր մարդկային հատկանիշների մասին:
