Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀՀ ԱՆԿԱԽՈՒԹՅԱՆ ՀՌՉԱԿԱԳՐԻ 30-ՐԴ ՏԱՐԵԴԱՐՁԻ ԱՌԹԻՎ 24.08.2020
Սիրելի՛ հայրենակիցներ, Այսօր համայն հայութունը նշում է մեր նորանկախ պետության ամենանվիրական տոներից մեկը՝ Անկախության հռչակագրի ընդունման 30-րդ տարեդարձը, ինչի առթիվ ջերմորեն շնորհավորում եմ մեզ բոլորիս: Հայաստանը ազատ ու անկախ տեսնելու մեր պապերի դարավոր երազանքն ի վերջո հնարավոր է եղել իրագործել 1990թ. օգոստոսի 23-ին: Այդ հռչակագրով ազդարարվել է Հայաստանի ինքնիշխանության իրական մեկնարկը: Անկախության ձեռքբերման գինը շատ ծանր է եղել մեր ժողովրդի համար: Այն չափազանց թանկ է, և յուրաքանչյուր հայ քաջ գիտակցում է անկախությունը պահպանելու գործում իր մեծագույն դերակատարությունը, քանզի դարավոր ընդմիջումից հետո մենք պատասխանատվություն ենք ստանձնել մեր իսկ ապագայի համար:
Լոռու մարզպետ Ա. Ղուկասյանի ցավակցական ուղերձը Աշոտ Լևոնի Սահակյանի մահվան կապակցությամբ 21.08.2020
Ցավով տեղեկացա վաստակաշատ պատմաբան և մեծ հայրենասեր Աշոտ Լևոնի Սահակյանի մահվան մասին: Լոռու մարզպետարանի աշխատակազմի և անձամբ իմ անունից խորին ցավակցություն եմ հայտնում վաստակաշատ հայորդու ընտանիքի անդամներին, հարազատներին և մերձավորներին նրա՝ երկրային կյանքին հրաժեշտ տալու կապակցությամբ: Աշոտ Լևոնի Սահակյանի ողջ կյանքն անմնացորդ նվիրում էր ու արյան կանչ՝ առ պատմական հայրենիք ու հայրենաճանաչողություն: Նա հայկական ավանդական արժեքները կրող ու շարունակող լավագույն գեն էր, ով պատկառանք էր վայելում՝ իբրև ընտանիքի հայր, հավատարիմ ընկեր ու երախտաշատ դասախոս: Իր աշխատանքային-մասնագիտական գործունեության ընթացքում Աշոտ Սահակյանը մշտապես վայելել է գործընկերների, համաքաղաքացիների և բոլոր իրեն ճանաչողների մեծ հարգանքն ու սերը: Վստահ եմ, որ Աշոտ Լևոնի Սահակյանի թողած մեծարժեք վաստակն ու բարի անունը վառ կմնա լոռեցիների սրտերում՝ սերունդներին ժառանգելով հայրենիքի նվիրյալի նրա կերպարը:
Լոռու մարզպետ Անդրեյ Ղուկասյանի շնորհավորանքը՝ ՀՀ ժողովրդական արտիստ,Վահե Շահվերդյանին 20.08.2020
Սիրելի և հարգարժան Վահե Շահվերդյան, Ընդունեք ջերմագին շնորհավորանքներս Ձեր հոբելյանի՝ 75-ամյակի առթիվ։ Անուրանալի է Ձեր ավանդն ու ներդրումը հայ թատրոնի զարգացման պատմության մեջ։ Դուք Ձեր անցած ստեղծագործական հարուստ ու բովանդակալից ճանապարհով նոր շունչ ու նոր ոգի եք տալիս այն բոլոր թատրոններին, որտեղ Ձեր փորձառությունն ու դրական էներգիան փոխանցելու հնարավորություն եք ունենում։
ԼՈՌՈՒ ՄԱՐԶՊԵՏ ԱՆԴՐԵՅ ՂՈՒԿԱՍՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ԵՐԻՏԱՍԱՐԴՆԵՐԻ ՄԻՋԱԶԳԱՅԻՆ ՕՐՎԱ ԱՌԹԻՎ 12.08.2020
Սիրելի՛ երիտասարդներ Ջերմորեն շնորհավորում եմ ձեզ Երիտասարդների միջազգային օրվա առթիվ: Ինձ համար շատ ուրախալի է, որ երիտասարդներին նվիրված տոնը տարվա մեջ նշվում է երկու անգամ՝ նախ հայկական, ապա նաև՝ միջազգային տոնացույցով։ Երիտասարդ մարդկանց գիտելիքներից, ձգտումներից, աշխատասիրությունից ու հայրենասիրությունից է կախված մեր հայրենիքի ապագան: Այսօրվա երիտասարդությանն սպասվում է լրջագույն աշխատանք պետականության ամրապնդման, զարգացման, հասարակական նոր նվաճումների, պատմական հարուստ եւ մշակութային արժեքների պահպանման գործում: Մենք մեծ հույսեր ենք կապում ձեզնից յուրաքանչյուրի հետ՝ վստահ լինելով, որ դուք լավագույններից մեկը կլինեք ձեր նախընտրած մասնագիտություններում։ Ապագան ձերն է ու ձեզնից է կախված՝ ինչպիսին կլինի մեր երկրի վաղվա օրը: Վստահ եմ՝ որ մեր հայրենիքը ապահով ձեռքերում է, որովհետև ձեզնից շատերի հետ ամենօրյա շփումներում՝ հպարտանալու, ինչու չէ նաև՝ հուզվելու բազմաթիվ առիթներ եմ ունենում ու բարեմաղթում՝ ձգտեք առավելագույնին, եղեք նպատակասլաց։ Որպես մարզի ղեկավար, ընկեր, բարեկամ, եւս մեկ ա
Լոռու մարզպետ Անդրեյ Ղուկասյանի շնորհավորական ուղերձը Շամլուղի օրվա առթիվ 08.08.2020
Սիրելի՛ շամլուղցիներ Սրտանց շնորհավորում եմ ձեզ սիրելի բնակավայրի օրվա կապակցությամբ: Ստեղծվելով որպես հանքագործական արդյունաբերական համայնք՝ այն լուրջ դերակատարություն է ունեցել Հայաստանի լեռնամետալուրգիայի զարգացման գործում: Այստեղ տասնամյակներ շարունակ ապրել, աշխատել ու արարել են ամենատարբեր ազգերի ներկայացուցիչներ, այստեղ խաչվել են տարբեր մշակույթներ ու ավանդույթներ ու նաև դա է պատճառը, որ Շամլուղը մշտապես առանձնացել է յուրօրինակ կոլորիտով:
Լոռու մարզպետ Անդրեյ Ղուկասյանի շնորհավորական ուղերձը Շինարարի օրվա կապակցությամբ 07.08.2020
Հարգելի շինարարնե՛ր Ջերմորեն շնորհավորում եմ ձեզ մասնագիտական տոնի առթիվ: Սա ևս մեկ հրաշալի առիթ է` արտահայտելու մեր ակնածանքն և երախտագիտությունը ձեր հանդեպ: Շինարարի մասնագիտությունն այն եզակիներից է, որը վայելում է մեր ժողովրդի անվերապահ սերն ու հարգանքը: Ձեր ուժերով կյանքի են կոչվում մի շարք պետական ծրագրեր, վերականգնվում են պատմամշակութային արժեքներ, նորոգվում են ճանապարհներ, կոմունալ-կենցաղային ենթակառուցվածքներ: Կառուցելը հայ մարդու համար կենսական պահանջ է՝ աշխարհի որ երկրում էլ նա ապրելիս լինի. ձեր ձեռքերով կերտված մշակութային գոհարները, շենք-շինությունները, ճանապարհները դարեր շարունակ զարդարել են ոչ միայն մեր պատմական հայրենիքը, այլև աշխարհի շատուշատ քաղաքներ:
