Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
ՀՀ ԼՈՌՈՒ ՄԱՐԶՊԵՏ ԱՐԱՄ ԽԱՉԱՏՐՅԱՆԻ ՈՒՂԵՐՁԸ ԹԱՏԵՐԱԿԱՆ ԼՈՌԻ 29-ՐԴ ՓԱՌԱՏՈՆԻ ԲԱՑՄԱՆ ԿԱՊԱԿՑՈՒԹՅԱՄԲ 25.09.2021
Սիրելի՛ թատերասերներ, հարգարժա՛ն հայրենակիցնե՛ր, հյուրե՛ր Ողջունում եմ բոլորիդ «Թատերական Լոռի» 29-րդ միջազգային փառատոնի մեկնարկի կապակցությամբ: Այն, սկիզբ առնելով դժվարին պայմաններում, կայացման խրթին ուղի է անցել ու այսօր թատերասեր հասարակության դատին է ներկայանում՝ որպես կայացած ու միջազգային ճանաչում ստացած փառատոն: Բարձր գնահատանքի է արժանի այն, որ հիմնվելով Լոռու մարզի Ալավերդի համայնքում, փառատոնը կարողանում է համախմբել թատերական խմբերի հանրապետության բոլոր տարածաշրջաններից, մայրաքաղաք Երևանից, մեր գեղեցիկ բնաշխարհում հյուրընկալում է նաև թատերական խմբերի աշխարհի տարբեր երկրներից։
Այսօր իմ, քո` բոլորիս հայրենիքի անկախության 30-ամյակն է: Այս չափազանց թանկ ու նվիրական օրվա առթիվ շնորհավորում եմ հայ ժողովրդին, աշխարհի որ անկյունում էլ, որ ապրելիս լինի, շնորհավորում եմ ձեզ՝ սիրելի՛ լոռեցիներ: Բոլորիս հայրենիքը մեկն է՝ այս մի բուռ հողակտորը, առանց որի մենք զուրկ կլինենք ինքնությունից, չենք ունենա անցյալ ու առավել ևս՝ ապագա: Այս մի բուռ հայրենիքը մեր սրտի և հոգու մեջ է, մեր մտքերում ու խոսքերում, հանուն որի, առանց երկմտելու, պատրաստ ենք զոհվելու:
Արտակարգ իրավիճակների համակարգի հարգելի՛ աշխատակիցներ, վետերաննե՛ր, ջերմորեն շնորհավորում եմ ձեզ մասնագիտական տոնի՝ Արտակարգ իրավիճակների աշխատողի օրվա առթիվ: Մեծագույն հարգանքով ու խորին երախտագիտության զգացումով եմ խոսքս ուղղում ձեզ, քանզի դուք այն եզակի մասնագիտություններից մեկի կրողն եք, որը մեծագույն նվիրում ու անձնազոհություն է պահանջում: Դուք ձեր գործի նվիրյալներն եք, այն մարդիկ եք, որոնց մեր քաղաքացիներն ապավինում են իրենց կյանքի դժվարին ու անլուծելի իրավիճակներում, ովքեր սեփական կյանքի գնով պատրաստ են կյանքեր փրկել:
Լոռու մարզպետ Արամ Խաչատրյանի շնորհավորական ուղերձը Գիտելիքի օրվա առթիվ 01.09.2021
Սիրելի՛ դպրոցականներ, ուսանողնե՛ր, մանկավարժնե՛ր, Կրթության բնագավառի հարգարժա՛ն ներկայացուցիչներ, Ի սրտե շնորհավորում եմ ձեզ Սեպտեմբերի 1-ի՝ Գիտելիքի օրվա առթիվ: Այս օրը հայկական ու համաշխարհային օրացույցում ամրագրված այն եզակի տոներից է, որը մեզ՝ բոլորիս անխտիր, ուրախություն ու անասելի բերկրանք է բերում, հավատ ու վստահություն ապագայի հանդեպ, քանզի ամեն նոր ուսումնական տարվա մեկնարկ նման է երեխայի ծննդյան, այն յուրովի խորհրդանշում է նոր կյանքի սկիզբ:
Լոռու մարզպետ Արամ Խաչատրյանի շնորհավորական ուղերձը ՀՀ անկախության հռչակագրի ընդունման օրվա առթիվ 23.08.2021
Սիրելի՛ լոռեցիներ, հայրենակիցնե՛ր Շնորհավորում եմ Անկախության հռչակագրի ընդունման 31-ամյակի առթիվ: Հայաստանի անկախության հռչակագիրը ողջ հայության իղձերի լավագույն արտահայտումն է: 31 տարի առաջ, 1990թ. օգոստոսի 23-ին, Հայաստանի համար ստեղծված չափազանց ծանր իրավիճակում Հայկական ԽՍՀ Գերագույն խորհրդի առաջին նստաշրջանում ընդունվեց Հռչակագիր Հայաստանի անկախության մասին, ինչն ազդարարում էր մի նոր դարաշրջանի սկիզբ հայ ժողովրդի համար. սա պատմական մեծ իրադարձություն էր յուրաքանչյուր հայի համար և այլևս անշրջելի հիմք դարձավ մեր անկախության ճանապարհին:
Լոռու մարզպետ Արամ Խաչատրյանի շնորհավորական ուղերձը Երիտասարդության միջազգային օրվա առթիվ 12.08.2021
Սիրելի՛ երիտասարդներ, ի սրտե շնորհավորում եմ Երիտասարդության միջազգային օրվա առթիվ: Մենք ուժեղ ենք մեր երիտասարդներով, հպարտ ենք որ մեր երկրին ու մեր հանճարեղ նախնիներին արժանի սերունդ է մեծանում, և նա է ստանձնելու մեր բազմաչարչար հայրենիքի ապագայի ղեկը: Ձեր նորանոր գաղափարները, ամուր կամքը, ճկուն միտքն և բազում ոլորտներում ունեցած նվաճումներն են այն հիմնաքարերը, որոնք Հայաստանի համար ապահովելու են զարգացում ու առաջընթաց, իսկ դա սարերի ետևում չէ: Մեր երիտասարդությանը սպասվում է լրջագույն աշխատանք պետականության ամրապնդման, զարգացման, հասարակական նորանոր նվաճումների, մեր պատմական հարուստ ժառանգության պահպանման գործում:
