Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Էներգաարդյունավետության բարձրացման նոր ծրագիր Փամբակ և Թումանյան համայնքների 100 ընտանիքների համար 26.02.2024
Լոռու մարզպետի տեղակալ Գոռ Ասրյանն այսօր ընդունել է Գերմանիայի միջազգային համագործակցության ընկերության (ԳՄՀԸ/GIZ) ԷԿՈսերվ բնապահպանական ծրագրի աշխատանքային թիմին՝ ծրագրի խորհրդատուներին և համագործակցող կազմակերպությունների ներկայացուցիչներին: Հանդիպմանը մասնակցել են նաև Լոռու մարզպետի աշխատակազմի պատասխանատու պաշտոնյաներ: Ծրագրի տնային տնտեսությունների ջեռուցման կարիքների բարելավմանն ուղղված բաղադրիչի շրջանակում նախատեսվում է Լոռու մարզի Փամբակ և Թումանյան համայնքներում բնակվող խոցելի, ցածր եկամուտ ունեցող, հատկապես Լեռնային Ղարաբաղից բռնի տեղահանված 100 ընտանիքների (70 անվճար, 30 համավճարով) ապահովել կոշտ կենսավառելիքով աշխատող էներգաարդյունավետ մետաղական վառարաններով:
Գլխուղեղի սուր և/կամ ենթասուր իշեմիկ կաթվածների թրոմբոլիտիկ բուժման ծրագիրն ընդլայնվել է 21.02.2024
Մարզային բնակչության համար ծառայություններն առավել հասանելի դարձնելու նպատակով այսուհետ ծրագիրը կգործի նաև «Վանաձորի բժշկական կենտրոնում»` պետության կողմից երաշխավորված անվճար բժշկական օգնության և սպասարկման շրջանակներում: «Գլխուղեղի սուր և/կամ ենթասուր իշեմիկ կաթված» ախտորոշմամբ պացիենտներին «Վանաձորի բժշկական կենտրոնում» կիրականացվի ներերակային թրոմբոլիտիկ թերապիա` «Գյումրու բժշկական կենտրոնի» կաթվածի թիմի մասնագետների ցուցումով՝ կիրառելով «Արմեդ» էլեկտրոնային առողջապահության համակարգում գործող հեռաբժշկության բաղադրիչը, որից հետո` հետագա բուժօգնության կազմակերպման նպատակով, պացիենտը կտեղափոխվի «Գյումրու բժշկական կենտրոն»:
«Շենքերի էներգաարդյունավետ արդիականացմանն ուղղված ներդրումների ռիսկերի նվազեցում» ծրագրի վերաբրյալ իրազեկման նպատակով փետրվարի 19-ին հանդիպում-քննարկում էր կազմակերպվել Լոռու մարզպետարանում: Քննարկումը վարում էր Լոռու մարզպետի տեղակալ Հովհաննես Ավետիսյանը: Ներկա էին ՀՀ տարածքային կառավարման և ենթակառուցվածքների նախարարության Տեղական ինքնակառավարման քաղաքականության վարչության պետ Աշոտ Գիլոյանը, մարզպետարանի պատասխանատու պաշտոնյաներ, մարզի համայնքների ղեկավարներ և ներկայացուցիչներ, ծրագրի պատասխանատուները:
Մեկնարկել է դպրոցական առարկայական օլիմպադաների հանրապետական փուլը 20.02.2024
Դպրոցական առարկայական օլիմպիադաների հանրապետական փուլին Լոռու մարզն աննախադեպ մասնակցություն ունի: Մարզային փուլին մասնակցած 663 աշակերտներից (նախորդ տարի՝ 576), հանրապետակիան փուլին մասնակցելու իրավունք է ստացել 181 դպրոցական (նախորդ տարի` 156): Առավել ակտիվ մասնակցություն է առկա հատկապես քիմիա՝ 41 աշակերտ (նախորդ տարի՝ 35), կենսաբանություն՝ 21 աշակերտ (նախորդ տարի՝ 19), մաթեմատիկա՝ 15 աշակերտ (նախորդ տարի՝ 9) առարկաներից: Առարկայական օլիմպիադաների հանրապատական փուլի մեկնարկը տրվել է մաթեմատիկա առարկայով: Հանրապատական փուլը կշարունակվի մինչև ապրիլի 30-ը:
Ամփոփվել են «Կաթ դպրոցներում» ծրագրի արդյունքները 19.02.2024
Փետրվարի 16-ին Լոռու մարզպետի տեղակալ Գոռ Ասրյանը, մարզպետի աշխատակազմի գյուղատնտեսության և շրջակա միջավայրի պահպանության վարչության պետ Արուս Թումանյանը Տաշիր համայնքում գտնվող «Երեմյան ֆարմ» անասնապահական համալիրի հանդիպումների սրահում մասնակցել են ՄԱԿ-ի Պարենի համաշխարհային ծրագրի և «Երեմյան Փրոջեքթս» ընկերության կողմից համատեղ իրականացված «Կաթ դպրոցներում» ծրագրի արդյունքների ամփոփիչ միջոցառմանը։ Ներկա են եղել նաև «Երեմյան Փրոջեքթս» ընկերության գլխավոր տնօրեն Դավիթ Երեմյանը, ՄԱԿ-ի Պարենի համաշխարհային ծրագրի հայաստանյան գրասենյակի տնօրեն Նաննա Սկաուն, հյուրեր։
Քննարկվել են գյուղատնտեսական անցած տարվա ցուցանիշները և 2024 թվականի ծրագրերը 17.02.2024
Լոռու մարզպետ Արամ Ղազարյանը փետրվարի 17-ին անցկացրել է խորհրդակցություն մարզում գյուղատնտեսական աշխատանքների նախապատրաստության, գյուղատնտեսության զարգացման նպատակով պետական աջակցության ծրագրերի քննարկման, անասնապահութան զարգացման, բուսաբուծության, այգիների, պտուղ-հատապտուղների և այլ մշակաբույսերի մշակվող հողատարածքների ավելացման, գյուղատնտեսական սննդամթերքի, մթերումների կազմակերպման գործընթացի և ոլորտի վերահսկողության հետ կապված մի շարք հարցերի վերաբերյալ:
