Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Փետրվարի 8-ին, առավոտյան ժամը 4:30-ի սահմաններում հրդեհ է բռնկվել Ստեփանավանի Աշոտաբերդ թաղամասի փայտաշեն շենքերից մեկում: Օպերատիվ կերպով դեպքի վայր է ժամանել ՆԳՆ փրկարարական ծառայության Լոռու մարզային վարչության 8 մարտական հաշվարկ: Իրականացվել են հրդեհաշիջման աշխատանքներ, տարհանվել են բնակիչները, նախնական տվյալներով կա մեկ զոհ, 4 հոգի հոսպիտալացվել է, մեկն արդեն դուրս է գրվել։ Անմիջապես դեպքի վայր են ժամանել Լոռու մարզպետ Արամ Ղազարյանը, Ստեփանավան համայնքի ղեկավար Արմեն Գրիգորյանը, մարզպետի աշխատակազմի և համայնքապետարանի պաշտոնյաներ:
ՀՀ առողջապահության նախարարությունը տեղեկացնում է 10.02.2025
Ստեփանավան քաղաքի Աշոտաբերդ թաղամասում` բազմաբնակարան շենքում, բռնկված հրդեհի հետևանքով փետրվարի 8-ին բուժօգնության է դիմել 6 քաղաքացի:
Լոռու մարզպետը և Ստեփանավանի համայնքապետը ծանոթացել հրդեհից տուժածների կեցության պայմաններին 10.02.2025
Փետրվարի 9-ի օրվա ավարտին Լոռու մարզպետ Արամ Ղազարյանը և Ստեփանավանի համայնքապետ Արմեն Գրիգորյանն այցելել են հրդեհի հետևանքով հյուրանոցներում ապաստանած ընտանիքներին, ծանոթացել նրանց կեցության պայմաններին: Պաշտոնյաները շրջել են առանձնասենյակներում, զրուցել քաղաքացիների հետ, վստահեցրել, որ հրդեհից տուժած անձանց կարիքները ՀՀ կառավարության առաջնային ուշադրության կենտրոնում են և արվում է առավելագույնը նրանց խնդիրների լուծման և աստիաճանաբար բնականոն կյանքին վերադառնալու համար:
Մարզպետ Արամ Ղազարյանի հանձնարարությամբ Լոռու մարզպետի աշխատակազմի, Ստեփանավանի համայնքապետարանի պատասխանատու պաշտոնյաներն այսօր՝ փետրվարի 9-ին, այցելել են Աշոտաբերդ թաղամասի հրդեհից տուժած՝ հյուրանոցներում և հարազատների բնակարաններում ապաստանած ընտանիքներին, զրուցել նրանց հետ, ևս մեկ անգամ հետաքրքրվել քաղաքացիների առողջությամբ , կարիքներով: Պաշտոնյաները վստահեցրել են, որ հրդեհից տուժած քաղաքացիների խնդիրները ՀՀ կառավարության, Լոռու մարզպետի, Ստեփանավանի համայնքապետի և բոլոր պատասխանատու կառույցների ուշադրության կենտրոնում են և ամեն ինչ արվում է նրանց առկա խնդիրներին արագ լուծումներ տալու համար:
Ջրաշեն բնակավայրում հանդիպում է անցկացվել բնակիչների հետ 10.02.2025
Փետրվարի 7-ին Լոռու մարզպետ Արամ Ղազարյանի հանձնարարությամբ՝ մարզպետի տեղակալ Գոռ Ասրյանը Սպիտակ համայնքի ղեկավար Քաջայր Նիկողոսյանի, մարզպետի աշխատակազմի և Սպիտակի համայնքապետարանի պատասխանատու պաշտոնյաների ուղեկցությամբ այցելել է Ջրաշեն բնակավայր, հանդիպել բնակիչների հետ։ Հանդիպման ընթացքում Գոռ Ասրյանը և Քաջայր Նիկողոսյանը բնակիչներին տեղեկացրել են, որ նախորդ տարիներին բնակավայրում սուբվենցիոն ծրագրերով իրականացվել են ներհամայնքային ճանապարհների տուֆ քարով սալարկման, լուսավորության արդիականացման, գազաֆիկացման աշխատանքներ։
Անակնկալ այց՝ Դսեղի և Թումանյանի առողջության կենտրոններ 07.02.2025
Լոռու մարզպետ Արամ Ղազարյանի հանձնարարությամբ մարզպետի աշխատակազմի առողջապահության և սոցիալական ոլորտի հարցերի վարչության պետ Ռուզաննա Պողոսյանը փետրվարի 6-ին անակնկալ այցով այս անգամ եղել է Դսեղի և Թումանյանի առողջության կենտրոններում: Դսեղի առողջության կենտրոնի նոր շենքի կառուցումն իրականացվել է «Հայաստանի մանուկներ» բարեգործական հիմնադրամի («COAF») կողմից՝ ՀՀ առողջապահության նախարարության և Լոռու մարզպետի աշխատակազմի հետ համագործակցությամբ: Շինարարական աշխատանքներն իրականացվել են 2021-2023թ.թ.: Շենքի հանդիսավոր բացումը տեղի է ունեցել 2024թ. հունիսին: Բուժհաստատությունը հագեցած է բժշկական անհրաժեշտ սարքավորումներով և գույքով:
