Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Լոռին իմ աչքերով». օբյեկտիվից այն կողմ 13.06.2014
Լոռու մարզպետարանի հովանավորությամբ, «Տրոյա Կրեդո» գովազդային գործակալության նախաձեռնությամբ և «Ֆորտունա» հեռուստաընկերության աջակցությամբ Վանաձորի Սբ. Գրիգոր Նարեկացի եկեղեցու դահլիճում անցկացվեց «Լոռին իմ աչքերով» լուսանկարչական մրցույթը: Մասնակիցները մարզի տարբեր համայնքներից էին. Ազգանուշ Մկրտչյանը՝ Ստեփանավանից, Գագիկ Շերմազանյանը, Կորյուն Ասլանյանը, Անի Անդրեասյանը, Լիլիթ Յոլչյանը, Անի Քալաշյանը, Սևակ Կոստանյանը, Վահան Աբրահամյանը, Վլադ Կոստանյանը՝ Վանաձորից, Նունե Աղաջանյանը՝ Եղեգնուտից, Վահե Աղամյանը՝ Թումանյանից, Աննա Վարոսյանը՝ Ալավերդուց և Լյուդմիլա Վելեգանը՝ Ռուսաստանի Դաշնությունից:
ՀՀ Լոռու մարզպետարանում ամփոփվել են 2014թ. «Տարվա լավագույն ուսուցիչ», «Տարվա լավագույն տնօրեն», «Տարվա լավագույն դաստիարակ» մրցույթների մարզային փուլերի արդյունքները:
Ամփոփվել է «Լավագույն ուսուցիչ» մրցույթի արդյունքն ըստ առարկաների 12.06.2014
Հայ առաքելական եկեղեցու և ՀՀ ԿԳՆ կողմից կազմակերպված «Հայոց լեզու և գրականություն», «Հայոց պատմություն», «Հայ եկեղեցու պատմություն», բնագիտական (ֆիզիկա, քիմիա, կենսաբանություն) առարկաների և դասվարների՝ «Լավագույն ուսուցիչ» մրցույթում, ըստ առարկաների Լոռու մարզային փուլի հաղթողներ են ճանաչվել ՝ «Ազնվաձորի միջնակարգ դպրոց» ՊՈԱԿ-ի դասվար Լիլիթ Խառատյանը, «Թումանյանի միջնակարգ դպրոց» ՊՈԱԿ-ի «Հայ եկեղեցու պատմություն» առարկայի ուսուցչուհի Լենա Շահվերդյանը, «ՀՀ Լոռու մարզի Շահումյանի միջնակարգ դպրոց» ՊՈԱԿ-ի հայոց լեզու և գրականության ուսուցչուհի Նարինե Գոգչյանը և «ՀՀ Լոռու մարզի Արջուտի միջնակարգ դպրոց» ՊՈԱԿ-ի քիմիայի ուսուցչուհի Նառա Ավինյանը:
«Կենգուրու» մրցույթի հաղթողներից 3-ը Լոռու մարզից են 12.06.2014
«Կենգուրու» միջազգային մաթեմատիկական մրցույթում Հայաստանի 8 հաղթողներից 3-ը Լոռու մարզի դպրոցների աշակերտներ են: Լավագույն արդյունքներ են ցուցաբերել Մղարթի հիմնական դպրոցի 4-րդ դասարանի աշակերտուհի Զինա Ղազարյանը, Վանաձորի Պ. Տիչինայի անվան թիվ 20 հիմնական դպրոցի 4-րդ դասարանի աշակերտ Էրիկ Մելիքյանը և Մեծավանի թիվ 2 միջնակարգ դպրոցի 4-րդ դասարանի աշակերտուհի Մերի Ավետիսյանը:
«Լավագույն մարզական ընտանիք- 2014» 11.06.2014
2014թ. հունիսի 21-23-ը Վանաձորի թեթև աթլետիկայի մարզադպրոցում տեղի կունենա ՀՀ նախագահի մրցանակի համար «Լավագույն մարզական ընտանիք- 2014» մրցույթի Լոռու մարզային փուլը, որին կմասնակցեն տարածաշրջանային փուլի չորս տարիքային խմբերում մրցանակային տեղեր զբաղեցրած ընտանիքները:
Նոր աշխատատեղեր Թումանյանում 11.06.2014
Խորհրդային պետության փլզումը իր ծանր ազդեցությունն ունեցավ նաև Թումանյան քաղաքի տնտեսության վրա: Հրակայուն աղյուսների գործարանը, որ բանավանի հարյուրավոր ընտանիքների ապրուստի երաշխավորն էր, ինչպես նաև մի շարք արտադրական կարողություններ աստիճանաբար կազմալուծվեցին և ահա երկու տասնամյակից ավելի քաղաքի գլխավոր հոգսը աշխատատեղերի պակասն է:
