Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քաղաքակիրթ առևտրի հրավեր 02.06.2014
2014 թվականի հունիսի 8-ին և դրան հաջորդող յուրաքանչյուր շաբաթ և կիրակի օրերին ՀՀ գյուղատնտեսության նախարարության և Երևանի քաղաքապետարանի նախաձեռնությամբ Երևան քաղաքի Արաբկիր վարչական շրջանում (Կասյան փողոցի վերին հատված) նախատեսվում է կազմակերպել գյուղատնտեսական մթերքների տոնավաճառ: Հայաստանի Հանրապետության մարզերի գյուղացիական տնտեսություններին հնարավորություն կընձեռվի անվճար մասնակցելու տոնավաճառին և Երևան քաղաքի սպառողներին ներկայացնելու բացառապես սեփական արտադրանքը, ինչը կնպաստի արտադրողների և սպառողների համար առավել շահավետ գյուղատնտեսական մթերքների գների ձևավորմանը:
Քաղաքացիների ընդունելություն Ալավերդում 31.05.2014
Մայիսի 30-ին Ալավերդու քաղաքապետարանում կազմակերպվել էր քաղաքացիների ընդունելություն: Ալավերդու և Թումանյանի տարածաշրջանի համայնքների 21 քաղաքացիների լսեց և նրանց հարցերին սպառիչ պատասխաններ տվեց Լոռու մարզպետ Արթուր Նալբանդյանը:
Հունիսի 1-ը երեխաների իրավունքների պաշտպանության օրն է 30.05.2014
Ամբողջ աշխարհում, ինչպես նաեւ Հայաստանում հունիսի 1-ին նշում են Երեխաների միջազգային օրը: Այդ տոնը Հայաստանում հայտնի է որպես երեխաների իրավունքների պաշտպանության օր: Օրվա կապակցությամբ նախատեսվում է մարզի պաշտոնատար անձանց այցելություններ մանկական հիմնարկություններ, կազմակերպություններ, մասնակցություն օրվան նվիրված միջոցառումներին:
ԴԱՍԸՆԹԱՑՆԵՐ՝ ՄԻՏՎԱԾ ԵՐԵԽԱՆԵՐԻ ԱՌՈՂՋՈՒԹՅԱՆ ԵՎ ԲՆԱՊԱՀՊԱՆԱԿԱՆ ԽՆԴԻՐՆԵՐԻՆ 30.05.2014
Երեք տարի առաջ ԱՄՆ Խաղության կորպուսի նախաձեռնությամբ Հայաստանի Հանրապետությունում մեկնարկեց Սահմանից Սահման քայլարշավ, որի նպատակն էր բոլոր համայնքներում քարոզել ու պրոպագանդել առողջ ապրելակերպի գաղափարներ: Այս տարի քայլարշավը կմեկնարկի հունիսի 1-ին և կավարտվի հունիսի 21-ին, նպատակ ունենալով կրթելու 1000 երեխայի, Հայաստանի ընդհանուր թվով 21 գյուղերում և քաղաքներում:
Գերխնդիրը երեխաների իրավունքների պաշտպանությունն է 30.05.2014
Ամերիկյան «Վորլդ Վիժըն» կազմակերպությունը ՀՀ մարզերում այլևայլ գործընթացների թվում իրակնացնում է ևս մի ինքնատիպ ծրագիր, որը ներառում է գյուղական համայնքների դպրոցականների ծանոթությունը տեղական ինքնակառավարման մարմինների՝ երեխաների իրավունքների պաշտպանությանն առնչվող գործառույթներին: Նման ծրագիր արդեն իրացվել է Լոռու մարզի Ալավերդու ենթաշրջանի գյուղերում, իսկ այս տարի դրանում ներառվեցին Ստեփանավանի տարածաշրջանի Վարդաբլուր, Գյուլագարակ և Գարգառ գյուղերի դպրոցականները:
Նշվեց Հանրապետության տոնը և Ղարաքիլիսայի հերոսամարտի 96-րդ տարելիցը 29.05.2014
Մայիսի 28-ին վանաձորցիները հանդիսավորությամբ նշեցին Հանրապետության տոնը և Ղարաքիլիսայի հերոսամարտի 96-րդ տարելիցը: Ավանդույթի համաձայն տոնական միջոցառում էր կազմակերպվել Ղարաքիլիսայի ճակատամարտի վայրում` հուշակոթողի մոտ: Ներկա էին մարզային և քաղաքային իշխանությունների, հոգևորականության, ուժային կառույցների ներկայացուցիչներ, Երկրապահ կամավորական միության անդամներ, մտավորականներ, արվեստագետներ, մշակույթի գործիչներ, հարյուրավոր վանաձորցիներ:
