Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մեկնարկեց ամառային զորակոչը 26.06.2023
Այսօր պարտադիր ժամկետային զինվորական ծառայության մեկնեցին ամառային զորակոչի առաջին հավաքի նորակոչիկները՝ Վանաձոր խոշորացված համայնքից։ Վանաձորի զինկոմիսարիատի տարածքից նորակոչիկներին հանդիսավորությամբ ճանապարհելու էին եկել Լոռու մարզպետի տեղակալ Գոռ Ասրյանը, Վանաձորի համայնքապետի պաշտոնակատար Արկադի Փելեշյանը, մարզային և համայնքային պաշտոնյաներ, ուժային կառույցների ղեկավարներ, ներկայացուցիչներ, զինակոչիկների ծնողները, հարազատներն ու ընկերները: Զորակոչիկներին օրհնության խոսք ասաց Գուգարաց թեմի Վանաձորի Սուրբ Աստվածածին եկեղեցու հոգևոր հովիվ տեր Գրիգորիս քահանա Դերմենջյանը: Ողջունելով ներկաներին՝ Գոռ Ասրյանը իր և Լոռու մարզպետ Արամ Խաչատրյանի անունից տղաներին մաղթեց առողջություն, խաղաղ ու անփորձանք ծառայություն և բարի վերադարձ:
Պարգևատրվեցին ոլորտի մի խումբ նվիրյալներ 22.06.2023
Բուժաշխատողի օրվա առթիվ այսօր Լոռու մարզպետարանում կազմակերպվել էր հանդիսավոր միջոցառում: Այդ առիթով մարզի գլխավոր կառույցում հյուրընկալվել էին մարզի առողջապահական հիմնարկների մի խումբ բուժաշխատողներ: Մարզպետ Արամ Խաչատրյանի կողմից գնահատանքի ջերմ խոսքերի արժանացան մարզի առողջապահության ոլորտի աշխատակիցները. -Ձեր գործունեությունը, որն, ինչ խոսք, առաքելություն է, կենսակերպ, պահանջում է ծայրաստիճան պատասխանատվություն և անձնուրացություն, քանզի երբ հիվանդը ձեր կարիքն է ունենում, մոռացության եք տալիս թե՛ ձեր անձնական կյանքը և թե՛ ցանկացած այլ գործ:Քչերին է տրված արհեստավարժ, հոգատար, մի խոսքով իսկական բժիշկ, բուժաշխատող լինելու շնորհը և հենց այդ նվիրյալներն են իրենց ուսերին տանում մարդկության հույսերն ու սպասումները՝ դեպի կյանք վերադարձնելով հուսահատության շեմին հայտնված զավակին ու ծնողին, քրոջն ու եղբորը, տատին ու պապին... Մաղթում եմ ձեզ քաջառողջություն և աշխատանքային հաջողություններ -,-ասաց մարզի ղեկավարը
Քաղաքացիների ընդունելություն՝ Լոռու մարզպետարանում 21.06.2023
Այսօր Լոռու մարզպետ Արամ Խաչատրյանն անց է կացրել քաղաքացիների ընդունելություն: Ա. Խաչատրյանին դիմել է թվով տասը քաղաքացի՝ մարզի տարբեր բնակավայրերից, բնակարանային ապահովման, բնակարանների նորոգման, սոցիալական աջակցության, առողջապահական, հողահատկացման հետ կապված վիճահարույց հարցերով: Ընդունելությանը ներկա են եղել նաև մարզպետարանի պատասխանատու պաշտոնյաներ՝ քաղաքացիներին մասնագիտական խորհրդատվություն տալու, ուղղորդելու նպատակով:
Աշխատանքային այցով Լոռու մարզում էր ՀՀ-ում ՌԴ արտակարգ և լիազոր դեսպան Սերգեյ Կոպիրկինը 20.06.2023
Այսօր Լոռու մարզպետ Արամ Խաչատրյանը հյուրընկալել էր աշխատանքային այցով Լոռու մարզում գտնվող ՀՀ-ում ՌԴ արտակարգ և լիազոր դեսպան Սերգեյ Կոպիրկինին: Վերջինիս ուղեկցում էին դեսպանատան, «Ռոսհամագործակցություն» կազմակերպության և Երևանում «Մոսկվայի տան» ներկայացուցիչները: Հանդիպմանը մասնակցում էին նաև Լոռու մարզպետի խորհրդական Արմեն Հարությունյանը և Վանաձոր համայնքի ղեկավարի պաշտոնակատար Արկադի Փելեշյանը: Ողջունելով հյուրերին և շնորհակալություն հայտնելով մարզ այցելելու համար՝ մարզպետ Արամ Խաչատրյանն իր խոսքում ընդգծել է հատկապես հայ-ռուսական դարավոր բարեկամությունը, սերտ համագործակցությունը տարբեր ոլորտներում, որը տարեցտարի ամրագրվում է նորանոր համատեղ ծրագրերով: Մարզի ղեկավարն ընդգծել է հատկապես սերտ գործակցությունը Վանաձորում գործող Ռուսական կենտրոնի, ռուսական համայնքի հետ՝ նշելով, որ տարվա ընթացքում համատեղ տոնվում են բոլոր կարևոր միջոցառումները՝ մասնավորապես Ռուսական լեզվի օրը՝ Պուշկինի օրը, Դիվանագիտական աշխատողի օրը, Ռուսաստանի օրը և այլն:
Հաղպատը շնչում էր Սայաթ Նովայով 19.06.2023
ԿԳՄՍ նախարարության նախաձեռնությամբ Հաղպատավանքի տարածքում կազմակերպվել էր աշխարհահառչակ աշուղ-բանաստեղծին՝ Սայաթ Նովային, նվիրված երկօրյա փառատոն: Հաղպատն այսօր աննախադեպ մարդաշատ էր: Հայաստանի տարբեր համայնքներից շտապել էին Լոռու մարզի այս գողտրիկ անկյունը՝ վայելելու մեծն աշուղի ստեծագործությունները՝ տարբեր համույթների կատարմամբ, ունկնդրելու նրա անզուգական տաղերի ասմունքը: Միջոցառման բացման արարողությանը ներկա էին ՀՀ ԿԳՄՍ փոխնախարար Արա Խզմալյանը, Լոռու մարզպետի տեղակալ Հովհաննես Ավետիսյանը, բազմաթիվ հյուրեր, զբոսաշրջիկներ:
Փամբակ համայնքում շաքարախտ ունեցող երեխաների համար ճամբար է բացվել 19.06.2023
Լոռու մարզպետի աշխատակազմի առողջապահության և սոցիալական ոլորտի հարցերի վարչության գլխավոր մասնագետ Լուսինե Վարդանյանը մասնակցել է շաքարախտ ունեցող երեխաների համար Փամբակ բնակավայրի դրախտային բնության գրկում տեղակայված ճամբարի բացման արարողությանը: Ճամբարը բացվել է «Շաքե» բարեգործական հիմնադրամի հովանավորությամբ և ջանքերով։ Միջոցառմանը ներկա էին նաև Գուգարաց թեմի առաջնորդ գերաշնորհ Տեր Հովնան եպիսկոպոս Հակոբյանը, «ՇԱՔԵ» բարեգործական հիմնադրամի հիմնադիր տնօրեն բժիշկ Սահակ Դաշյանը, մարզպետարանի պաշտոնյաներ և հյուրեր։ Լրագրողների հետ հարցազրույցում Լուսինե Վարդանյանը շեշտեց, որ ճամբարը միակն է տարածաշրջանում՝ նախատեսված շաքարախտով հիվանդ երեխաների համար և այն կնպաստի, որպեսզի երեխաները գիտակցված և ինքնուրույն հաղթահարեն հիվանդությունը։
