Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ապրիլի 8֊ին, աշխատանքային շրջայցի ընթացքում ՀՀ ՏԿԵ նախարար Գնել Սանոսյանը, Լոռու մարզպետ Արամ Ղազարյանը, Ճանապարհային դեպարտամենտ հիմնադրամի տնօրեն Գոռ Ավետիսյանը պատասխանատու այլ պաշտոնյաների ուղեկցությամբ հետևել են նաև Մ-6 ավտոճանապարհի Օձունի խաչմերուկի վերականգնման և բարելավման աշխատանքների ընթացքին։ Աշխատանքներն իրականացվում են 2024թ-ի ՀՀ պետական բյուջեի պետական նշանակության ավտոճանապարհների հիմնանորոգման ծրագրի շրջանակներում` ՀՀ ՏԿԵ նախարարության պատվերով։ Պայմանագրային արժեքը կազմում է 977 330 966 ՀՀ դրամ։ Աշխատանքները մեկնարկել են 2023թ-ին։
Ապրիլի 8-ին Վանաձորում իրականացված շրջայցի ընթացքում ՀՀ ՏԿԵ նախարար Գնել Սանոսյանը, Լոռու մարզպետ Արամ Ղազարյանը, Ճանապարհային դեպարտամենտ հիմնադրամի տնօրեն Գոռ Ավետիսյանը Վանաձոր համայնքի ղեկավարի պաշտոնակատար Արկադի Փելեշյանի, պատասխանատու այլ պաշտոնյաների ուղեկցությամբ ծանոթացել են նաև Տիգրան Մեծ և Սանկտ Պետերբուրգ փողոցների հիմնանորոգման աշխատանքներին։ Տիգրան Մեծ պողոտայի հիմնանորոգման աշխատանքներն իրականացվում են 2024թ-ի ՀՀ պետական բյուջեի պետական նշանակության ավտոճանապարհների հիմնանորոգման ծրագրի շրջանակներում։
Մեծ պատասխանատվությամբ մոտենալ կրթական գործընթացին. Լոռու մարզպետի պահանջը 09.04.2024
Լոռու մարզպետի աշխատակազմի գլխավոր քարտուղար Կամո Աշրաֆյանն ապրիլի 8-ին մարզի հանրակրթական դպրոցների ղեկավարներին է ներկայացրել Լոռու մարզպետի աշխատակազմի կրթության, մշակույթի և սպորտի վարչության նորանշանակ պետ Գարեգին Քարհանյանին: Կամո Աշրաֆյանը նշել է, որ Գարեգին Քարհանյանը ոլորտում ունեցած իր փորձով և ներուժով կնպաստի Լոռու մարզում կրթությունը, մշակույթն ու սպորտը զարգացնելու և այս բնագավառներում շարունակական հաջողություններ գրացնելու գործընթացին:
Ապրիլի 8֊ին ՀՀ ՏԿԵ նախարար Գնել Սանոսյանը, Լոռու մարզպետ Արամ Ղազարյանը, Ճանապարհային դեպարտամենտ հիմնադրամի տնօրեն Գոռ Ավետիսյանը Լոռու մարզպետի աշխատակազմի պատասխանատու պաշտոնյաների, մարզի համայնքների ղեկավարների ուղեկցությամբ դիտարկել են Մ-3 միջպետական նշանակության ավտոճանապարհի Սպիտակ-Վանաձոր հատվածում իրականացվող ճանապարհաշինական աշխատանքների ընթացքը։ Նշված հատվածի հիմնանորոգման աշխատանքներն իրականացվում են ՀՀ պետական բյուջեի պետական նշանակության ավտոճանապարհների հիմնանորոգման ծրագրի շրջանակներում։
Տոնական օրը լի էր անակնկալներով 08.04.2024
Աշխատանքային երկուշաբթին հաճելի անակնկալով սկսվեց Լոռու մարզպետի աշխատակազմի կանանց համար: Մայրության և գեղեցկության տոնի կապակցությամբ կազմակերպված միջոցառման ընթացքում կին աշխատակիցներին շնորհավորեցին Լոռու մարզպետ Արամ Ղազարյանը, մարզպետի տեղակալներ Գոռ Ասրյանը, Հովհաննես Ավետիսյանը, մարզպետի աշխատակազմի գլխավոր քարտուղար Կամո Աշրաֆյանը, աշխատակազմի այլ պաշտոնյաներ:
Ապրիլի 4-ին Լոռու մարզպետարանում անցկացվեց հանրային քննարկում՝ «Լոռու մարզպետարանի 2025-2027 թվականների միջնաժամկետ ծախսային ծրագրի» և 2025 թվականի բյուջետային հայտի վերաբերյալ: Քննարկումը վարում էր Լոռու մարզպետի աշխատակազմի գլխավոր քարտուղար Կամո Աշրաֆյանը: Մասնակցում էին Լոռու մարզպետի աշխատակազմի ստորաբաժանումների ղեկավարները: Աշխատակազմի ֆինանսական վարչության հաշվապահական հաշվառման բաժնի պետ Արտավազդ Բեջանյանը ներկայացրեց 2025 թվականի բյուջետային հայտի, 2023 թվականի փաստացի, 2024-ի հաստատված բյուջեների համեմատականը: Մարզպետի աշխատակազմի ներկայացուցիչները քննարկեցին բարձրացված խնդիրների հետ կապված հարցեր:
