Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետը հյուրընկալել է «Իմ անտառ Հայաստան» կազմակերպության ներկայացուցիչներին 14.02.2024
Լոռու մարզպետ Արամ Ղազարյանն այսօր ընդունել է «Իմ անտառ Հայաստան» (My Forest Armenia) կազմակերպության հիմնադիր տնօրեն Անդրէ Գումուշճեանին և կազմակերպության գործառնական ղեկավար Վահե Մարտիրոսյանին: Հանդիպմանը մասնակցել են նաև Լոռու մարզպետի տեղակալ Գոռ Ասրյանը, Լոռու մարզպետի աշխատակազմի գյուղատնտեսության և շրջակա միջավայրի պահպանության վարչության պետ Արուս Թումանյանը: Հանդիպման նպատակն էր մարզի ղեկավարին ներկայացնել կազմակերպության կողմից Լոռու մարզում իրականացված անտառպատման և անտառտնկման աշխատանքները, գործունեության 5 տարիների ընթացքում գրանցված արդյունքները, քննարկել առաջիկա ծրագրերը:
Լոռու մարզպետ Արամ Ղազարյանն այսօր ընդունել է ՀՀ Շրջակա միջավայրի նախարարության «Բնապահպանական ծրագրերի իրականացման գրասենյակ» պետական հիմնարկի փոխտնօրեն Արմեն Խոջոյանին և ծրագրերի իրականացման և մոնիտորինգի բաժնի ղեկավար Ռուբիկ Շահազիզյանին: Հանդիպմանը ներկա են եղել նաև Լոռու մարզպետի տեղակալ Գոռ Ասրյանը, մարզպետի աշխատակազմի գյուղատնտեսության և շրջակա միջավայրի պահպանության վարչության պետ Արուս Թումանյանը:
Մարզի ղեկավարն անց է կացրել քաղաքացիների ընդունելություն 13.02.2024
Լոռու մարզպետ Արամ Ղազարյանն քաղաքացիների ընդունելություն է անցկացրել: Ներկա են եղել նաև մարզպետի աշխատակազմի պատասխանատու պաշտոնյաներ։ Ընդունելությանը մասնակցել է շուրջ 20 քաղաքացի Վանաձորից և մարզի այլ համայնքներից: Ներկայացվել են այնպիսի խնդիրներ, որոնք հիմնականում առնչվել են աշխատանքի տեղավորման, առողջապահական, ֆինանսական աջակցության, բնակապահովման՝ այդ թվում բնակարանային պայմանների բարելավման, գործատուների կողմից աշխատակիցների իրավունքների ոտնահարման, ինչպես նաև անձնական տարաբնույթ այլ հարցերի:
Մարզպետ Արամ Ղազարյանը խորհրդակցություն է անցկացրել համայնքների ղեկավարների մասնակցությամբ 12.02.2024
Լոռու մարզպետ Արամ Ղազարյանի գլխավորությամբ այսօր անց է կացվել խորհրդակցություն, որին մասնակցել են մարզպետի տեղակալներ Գոռ Ասրյանը, Հովհաննես Ավետիսյանը, մարզպետի աշխատակազմի գլխավոր քարտուղար Կամո Աշրաֆյանը, կառուցվածքային ստորաբաժանումների և մարզի խոշորացված համայնքների ղեկավարները: Հանդիպման նպատակն է եղել տեղում բարձրաձայնել և քննարկել համայնքներում առկա խնդիրները, վեր հանել պատճառները: Համայնքապետերն անդրադարձել են մի շարք խնդիրների և նշել, որ դրանց լուծման հարցում ակնկալում են մարզպետ Արամ Ղազարյանի աջակցությունը:
Լոռու մարզպետը խորհրդակցություն է անցկացրել մարզի հանրակրթական դպրոցների տնօրենների մասնակցությամբ 12.02.2024
Լոռու մարզպետ Արամ Ղազարյանն այսօր աշխատանքային խորհրդակցություն է անցկացրել մարզի հանրակրթական դպրոցների տնօրենների մասնակցությամբ: Հանդիպմանը ներկա էին նաև Լոռու մարզպետի տեղակալ Գոռ Ասրյանը, Լոռու մարզպետի աշխատակազմի գլխավոր քարտուղար Կամո Աշրաֆյանը, կրթության, մշակույթի և սպորտի վարչության պետ Արամ Գրիգորյանը, մարզպետի աշխատակազմի ոլորտային այլ պատասխանատուներ: Հանդիպման նպատակն էր դպրոցների պատասխանատուների հետ քննարկել կրթության որակի բարելավմանն ուղղված մի շարք հարցեր:
Աշխատանքային խորհրդակցություն 09.02.2024
Այսօր Լոռու մարզպետ Արամ Ղազարյանի գլխավորությամբ անց է կացվել աշխատանքային խորհրդակցություն, որին մասնակցել են մարզպետի տեղակալներ Գոռ Ասրյանը, Հովհաննես Ավետիսյանը, մարզպետի աշխատակազմի գլխավոր քարտուղար Կամո Աշրաֆյանը, մարզպետարանի կառուցվածքային ստորաբաժանումների ղեկավարները, պատասխանատու այլ պաշտոնյաներ: Կառուցվածքային ստորաբաժանումների ղեկավարները հանդես են եկել կատարված աշխատանքների վերաբերյալ ամփոփ հաշվետվություններով, ներկայացրել են ընթացքի մեջ գտնվող և առաջիկայում մեկնարկող ծրագրերը, ընթացիկ խնդիրները:
