Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հայաստանի Հանրապետության ինտեգրված սոցիալական ծառայությունների տրամադրման ուղղությամբ իրականացվող բարեփոխումների շրջանակներում ՀՀ աշխատանքի և սոցիալական հարցերի նախարարությունը հունիսի 9-ին Լոռու մարզպետարանում անցկացրեց սեմինար-խորհրդակցություն՝ միջգերատեսչական սոցիալական համագործակցության կանոնակարգի, ինչպես նաև ՀՀ աշխատանքի և սոցիալական հարցերի նախարարի 25.01.2017թ.-ի «Տնային այցելություն կատարելու, սոցիալական գործակալության(բաժնի) աշխատողների կողմից կատարած տնային այցելությունների թվի մասին ամսական հաշվետվության օրինակելի ձևը հաստատելու մասին» հրամանի ներկայացման նպատակով:
Նախընտրական շրջանում հանդիպումների ընթացքում մարզպետ Ա. Նալբանդյանը ՀՀ նախագահին ներկայացրել էր մարզկենտրոնի ճանապարհների բարեկարգման հարցը: ՀՀ նախագահը հանձնարարել էր գարնանը կոնկրետ ներկայացնել, թե ինչ ծավալի աշխատանքներ է նախատեսվում իրականացնել, և այժմ, նրա հանձնարարությամբ, գնահատելով մարզկենտրոն Վանաձորի ներհամայնքային ճանապարհների անմխիթար վիճակն ու քաղաքային բյուջեի սուղ հնարավորությունները, փողոցների բարեկարգման համար կառավարության պահուստային ֆոնդից կհատկացվի 300 մլն դրամ:
Հունիսի 5-ին տեղի ունեցավ զոհված(մահացած) կամ հաշմանդամ դարձած զինծառայողների(ազատամարտիկների) ընտանիքների բնակարանային գործերն ուսումնասիրող Լոռու մարզային հանձնաժողովի նիստը, որը վարում էր Լոռու մարզպետարանի աշխատակազմի ղեկավար Նարեկ Սարգսյանը: Հրավիրյալները վերոնշյալ կատեգորիայի շահառու ունեցող 9 համայնքների ղեկավարներն ու համայնքապետարանների համապատասխան ստորաբաժանումների ներկայացուցիչներն էին:
Լոռու մարզում ավարտվեցին գարնանացանի աշխատանքները 05.06.2017
Մեծ Պարնին Լոռու մարզի այն առաջատար համայնքներից է, ուր տարեցտարի առաջընթաց ցուցանիշների են հասնում ցանքադաշտերի արդյունավետ օգտագործման առումով: Այս տարի բերքի տակ է դրվել 1350 հեկտար հողատարածք, որը մշակման ենթակա ընդհանուր տարածքի 90 տոկոսն է կազմում (մարզի միջին ցուցանիշը 78 % է): Համայնքի ֆերմերներն արդեն ավարտել են գարնանացանի աշխատանքները: Այստեղ բարձր բերքի ակնկալիքով ավարտվեցին նաև 180 հեկտար կարտոֆիլի ցանքի աշխատանքները:
Աշխատանքային խորհրդակցություն 05.06.2017
Լոռու մարզպետ Արթուր Նալբանդյանը մարզպետարանի պատասխանատու աշխատողների մասնակցությամբ այսօր անցկացրեց աշխատանքային խորհրդակցություն:
Արտ» բարեգործական ընկերությունը Լոռու մարզպետարանի և մարզի համայնքների հետ համագործակցությամբ Լոռու մարզում արդեն երկրորդ տարին իրականացնում է «Հատուցում ազատամարտիկներին» ծրագիրը, որի շրջանակներում Սև ծովի ափին ամառային հանգիստ անցկացնելու նպատակով անվճար ուղեգրեր են բաշխվում 1992-94թ.թ. և դրանից հետո զոհված, վիրավորված ազատամարտիկների ընտանիքների անդամներին, ազատամարտի վետերաններին:
