Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Ծիծեռնակ» ճամբարի հանդիսավոր բացմանը ներկա գտնվեցին մարզի ղեկավարը և Գուգարաց թեմի առաջնորդը 17.07.2015
Գուգարաց թեմի առաջնորդ տեր Սեպուհ արքեպիսկոպոս Չուլջյանի հանդիսապետությամբ` մեծ շուքով տեղի ունեցավ «Ծիծեռնակ» մանկապատանեկան ամառային ճամբարի բացման արարողությունը, որին ներկա էին, Լոռու մարզպետ Արթուր Նալբանդյանը, մարզպետարանի մի խումբ պատասախանատու պաշտոնատար անձինք, ճամբարի բարերարները: Սրբազան հոր ջանքերով և մի խումբ բարերարների աջակցությամբ այստեղ վերանորոգման լայնածավալ աշխատանքներ են կատարվել, ճամբարի պայմաններն առավել հարմարավետ են դարձել մանուկների ակտիվ հանգստի կազմակերպման համար:
Մարզպետը հյուրընկալեց «Հայ ակնաբուժության նախագծի» ներկայացուցիչներին 17.07.2015
«Հայ ակնաբուժության նախագիծ» հիմնադրամը Լոռու մարզում 2005թ.-ից իրականացնում է «Լույս հայի աչքերին» բարեգործական ծրագիրը: Ծրագրի շրջանակներում կատարվել են աչքերի անվճար բժշկական հետազոտություններ բնակչության բոլոր խմբերի համար, որի արդյունքում նախնական ախտորոշման հիման վրա անհրաժեշտության դեպքում սոցիալապես անապահով և հատուկ խմբերում ընդգրկված քաղաքացիները համապատասխան բուժում ստանալու նպատակով ուղեգրվել են նույն ծրագրի շրջանակներում գործող «Աչքի շարժական հիվանդանոց»:
Ինչպես արդեն տեղեկացրել ենք, ՏՏ ոլորտում ՀՀ նախագահի «Լավագույն աշակերտ» անվանակարգում ամենամյա մրցանակաբաշխության մրցույթի ամփոփիչ փուլը տեղի ունեցավ 2015թ. հունիսի 25-ին Լոռու մարզպետարանում՝ ՀՀ ԿԳՆ Վանաձորի մաթեմատիկայի և բնագիտական առարկաներից խորացված ուսուցմամբ հատուկ դպրոցի և ՀՀ ԿԳՆ Գյումրու «Ֆոտոն» վարժարանի կողմից ներկայացված 10-ական աշակերտների մասնակցությամբ:
Աշխատանքային այցով Լոռու մարզում էր ՀՀ բնապահպանության նախարարը 15.07.2015
Հուլիսի 14-ին աշխատանքային այցով Լոռու մարզում էր ՀՀ բնապահպանության նախարար Արամայիս Գրիգորյանը: Այցի նպատակը ակտիվ հանքարդյունաբերությամբ զբաղվող և անտառածածկույթով հարուստ մարզի բնապահպանական խնդիրներին տեղում ծանոթանալն էր, ինչպես նաև բնապահպանական սուբվենցիաների տրամադրման խնդրին առնչվող մի շարք կարևոր հարցերի քննարկումը՝ մարզային իշխանություների և շահառու համայնքների ղեկավարների մասնակցությամբ:
Ամփոփվեց ճգնաժամային հաղորդակցության թեմայով եռօրյա ուսումնավարժությունը 10.07.2015
ՀՀ ՏԿԱԻՆ Ճգնաժամային կառավարման պետական ակադեմիայում ավարտվեց ՀՀ-ում աղետների ժամանակ «Ճգնաժամային հաղորդակցության և հանրային իրազեկման կազմակերպումը» թեմայով եռօրյա շտաբային ուսումնավարժության երրորդ` վերջին փուլը, որին մասնակցում էին նախարարություն-գերատես-չությունների, մարզպետարանների, միջազգային ու հասարակական կազմա-կերպությունների, խոշոր մասնավոր ընկերությունների լրատվական ծառայությունների պատասխանատուները, Լոռու մարզից՝ մարզպետարանի տեղեկատվության և հասարակայնության հետ կապերի բաժնի պետ Ս.Խալաթյանը:
«Սմարթ» կենտրոնի հիմնարկեքը Դեբեդ համայնքում (տեսանյութ) 09.07.2015
Թումանյանի տարածաշրջանի Դեբեդ գյուղի մերձակայքում տեղի ունեցավ ոչ միայն Լոռու մարզում, այլև հանրապետությունում եզակի ուսումնական մի նոր հաստատության հիմնարկեքի արարողություն: Բնության գողտրիկ անկյունում «Հայաստանի մանուկներ» հիմնադրամի միջոցներով կառուցվելու է նորարար կրթական հանգույցի՝ «Սմարթ» կենտրոնի առաջին մասնաշենքը: Կենտրոնը լինելու է այնպիսի կրթօջախ, ուր համադրվելու են ոչ ֆորմալ կրթական ծրագրերը, նորագույն տեխնոլոգիաները, նոր և հնագույն արհեստները, արվեստները, սպորտը և հասարակական նախաձեռնությունները:
