Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ֆրանսիացի հնագետ Ժակ Դե Մորգանի անվան ցուցասրահի շինարարությունն ընթացքի մեջ է 07.09.2018
Լոռու մարզպետ Հրանտ Մարգարյանն այսօր ընդունել է Ֆրանսիայի Պրովանս-Ալպեր Կոտ Դ՝Ազյուր ռեգիոնի տուրիստական գործակալության ծրագրերի ղեկավար Կարին Տարասկոնիին, որին ուղեկցում էր «Լոռի» տուրիզմի զարգացման գործադիր տնօրեն Քրիստինե Երիցյանը:
Մաքուր տուն՝ տնից դուրս․համապետական շաբաթօրյակ սեպտեմբերի 8-ին 06.09.2018
«Մաքուր Հայաստան» ծրագրի շրջանակներում սեպտեմբերի 8-ին հանրապետության ամբողջ տարածքում կանցկացվի համապետական շաբաթօրյակ: Շաբաթօրյակի ընթացքում հանրապետության բոլոր բնակավայրերում, զբոսաշրջային և պատմամշակութային վայրերում,միջպետական և միջհամայնքային ճանապարհների եզրերին և հանրայինօգտագործման տարածքներումնախատեսվում են սանիտարական մաքրման, բարեկարգման և կանաչապատման աշխատանքներ։ Աշխատանքների կազմակերպման նպատակով կներգրավվեն ինքնաթափեր, ամբարձիչ մեքենաներ, էքսկավատորներ, կցասայլեր։
Աշխատանքային խորհրդակցություն 03.09.2018թ. 04.09.2018
Այսօր Լոռու մարզպետարանի նիստերի դահլիճում մարզպետ Հրանտ Մարգարյանն անցկացրեց աշխատանքային խորհրդակցություն մարզպետարանի կառուցվածքային ստորաբաժանումների ղեկավարների, պատասխանատու այլ պաշտոնյաների մասնակցությամբ: Իր զեկույցում մարզի ղեկավարը տեղեկացրեց ՀՀ Տարածքային կառավարման և զարգացման նախարարի՝ Լոռու մարզ կատարած աշխատանքային այցի արդյունքների մասին: Նա նշեց, որ նախարար Սուրեն Պապիկյանը համայնքների ղեկավարներին հանձնարարել է հետևողական ու պատասխանատու վերաբերմունք դրսևորել սեփական եկամուտների հավաքագրման հարցում:
ՀՀ բնապահպանության նախարարությունը ՄԱԿ-ի պարենի և գյուղատնտեսության կազմակերպության հետ ծրագրային հայտ է պատրաստում «Կանաչ կլիմայի հիմնադրամի» համար, որպեսզի աջակցի մեր երկրին՝ իրականացնելու կլիմայի փոփոխության կոնվենցիայի շրջանակներում ստանձնած անտառային ծածկույթի բարելավման պարտավորությունները:
ՀՀ տարածքային կառավարման և զարգացման նախարար Սուրեն Պապիկյանին աշխատանքային եռօրյա այցի ընթացքում ուղեկցում էին Լոռու մարզպետ Հրանտ Մարգարյանը և մարզպետարանի տարբեր ստորաբաժանումների պատասխանատու պաշտոնյաները: Օձուն խոշորացված համայնքում նախարարը հանդիպեց բնակիչների, վարչական ղեկավարների և ավագանու անդամների հետ, լսեց նրանց առաջարկություններն ու խնդիրները, որոնք վերաբերվում էին գյուղատնտեսությանն ու ճանապարհաշինությանը, կրթական ու սոցիալական ոլորտներին: Նախարարը հորդորեց պատասխանատվությամբ վերաբերվել նախ և առաջ իրենց հարկային պարտավորություններին՝ ընդգծելով, որ նաև այդ ցուցանիշներից է կախված համայնքների համաչափ և արդյունավետ զարգացումը, տեղական խնդիրների հետևողական լուծումը:
Աշխատանքային այցի երկրորդ օրը նախարարն ու մարզի ղեկավարներն անցկացրին Թումանյանի տարածաշրջանի համայնքերում: Գիտելիքի օրը՝ սեպտեմբերի 1-ին, Թումանյանում նրանք ներկա գտնվեցին առաջին զանգի արարողությանը, իրենց շնորհավորանքի ու բարեմաղթանքի ջերմ խոսքերը հղեցին երեխաներին, նրանց ծնողներին, մանկավարժներին: Մարզպետ Հրանտ Մարգարյանը, օգտվելով առիթից, շնորհավորեց մարզի ու հանրապետության բոլոր դպրոցների աշակերտներին, հորդորեց նոր Հայաստանում նոր ու պատասխանատու մոտեցում դրսևորել գրի ու դպրության նկատմամբ՝ վստահ լինելով, որ մեր երկրի ապագան առավել կայուն ու կամային բարձր արժանիքներով օժտված հասարակության ձեռքերում է լինելու: Հյուրերը նաև շրջեցին դպրոցում, իսկ նախարար Ս. Պապիկյանը կարճատև զրույց ունեցավ աշակերտների հետ՝ նրանց փոխանցելով հեղափոխության էությունը:
