Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Անդրեյ Ղուկասյանի Ամանորի շնորհավորական ուղերձը 27.12.2018
Սիրելի՛ լոռեցիներ, պատմություն է դառնում 2018 թվականը: Յուրաքանչյուր տարվա ավարտ ևս մեկ անգամ առիթ է հետ նայելու, անցած ճանապարհը նորովի արժևորելու, այդ ճանապարհին ունեցած հաղթանակների բերկրանքը մեկ անգամ ևս վայելելու և նկատված բացթողումները շտկելու համար: Այսօր, կարծում եմ, կարող ենք բոլորս հպարտորեն արձանագրել, որ 2018-ը մեր երկրի համար բացառիկ տարի էր: Գարնանամուտով սկսված թավշյա, խաղաղ, ոչ բռնի, ժողովրդական հեղափոխությունը շրջադարձորեն փոխեց յուրաքանչյուրիս կյանքի ուղեգիծը: Հեղափոխությամբ մենք սկիզբ դրեցինք նոր, իրապես ազատ ու անկախ Հայաստանի կառուցմանը, որտեղ բոլոր քաղաքացիներն օրենքի առջև իրենց պետք է զգան անկաշկանդ և հավասար:
ՈՒՇԱԴՐՈՒԹՅՈՒՆ 26.12.2018
Հարգելի՛ վարորդներ, ինչպես տեղեկացնում են Լոռու մարզային փրկարարական վարչությունից, Մ-6 Ալավերդի-Վրաստանի սահման ավտոճանապարհի 1-ին կիլոմետրում՝ Էնգելս թաղամասի սկզբնամասից մոտ 300մ հեռավորության վրա կա քարաթափման վտանգ: Այդ իսկ պատճառով շինարարական աշխատանքներ կատարելու նպատակով ս/թ դեկտեմբերի 27-ին ժ.15:00-ից 17:00-ն ընկած ժամանակահատվածում պայթեցման աշխատանքների իրականացման համար հիշյալ տեղամասը փակ է լինելու երթևեկության համար:
«Իմ քայլը հանուն Լոռու մարզի» բիզնես-ֆորումի նախապատրաստական աշխատանքները շարունակվում են 25.12.2018
«Իմ քայլը հանուն Լոռու մարզի» բիզնես-ֆորումի կազմակերպման համար մարզպետարանի նիստերի դահլիճում կազմակերպվել էր բիզնես ծրագրերի քննարկում համայնքների պատասխանատումների և մասնավոր ընկերությունների մասնակցությամբ։ Հանդիպումն անց էր կացվում մարզպետ Անդրեյ Ղուկասյանի ղեկավարությամբ, հրավիրված էր «Ռեդինետ» կազմակերպությունը` որպես բիզնես ծրագրերի խորհրդատու։
Այսօր Լոռու մարզպետ Անդրեյ Ղուկասյանը տարեվերջյան ճեպազրույց ունեցավ մարզի լրատվամիջոցների հետ՝ պատասխանելով նրանց մի քանի հարցերի՝ կապված հիմնականում վերջին ամիսների ձեռքբերումների և 2019թ. անելիքների հետ:
Տիգրան Կիրակոսյանը և Աղասի Գալստյանը պարգևատրվեցին մարզպետի շնորհակալագրերով 25.12.2018
Այսօր մարզպետ Անդրեյ Ղուկասյանն ընդունեց Վանաձորի տասը լավագույն մարզիկներից մեծահասակների լավագույն տասնյակի 1-ին հորիզոնականում պատվավոր տեղ զբաղեցրած սամբո ըմբշամարտիկ, միջազգային կարգի սպորտի վարպետ, աշխարհի առաջնության արծաթե մեդալակիր, Եվրոպայի մեծահասակների առաջնության ոսկե մեդալակիր, աշխարհի գավաթի խաղարկության 3-րդ մրցանակակիր, ՀՀ մեծահասակների առաջնության ոսկե մեդալակիր ՕՀՄՄՄԴ-ի սան, «Գ.Ղազարյան» ակումբի սան Տիգրան Կիրակոսյանին և նրա մարզիչ՝ ՀՀ վաստակավոր մարզիչ, սպորտի վարպետ Աղասի Գալստյանին: Մարզպետը շնորհակալություն հայտնեց մարզիկին հաղթանակներ գրանցելու և մարզի պատիվը բարձր պահելու համար՝ մաղթելով նորանոր ձեռքբերումներ: Ա. Ղուկասյանը Տիգրան Կիրակոսյանին և Աղասի Գալստյանին պարգևատրեց շնորհակալագրերով և դրամական պարգև հանձնեց:
Վանաձորում բացվել է կոմպոզիտային բալոնների (գազաբալոնների) արտադրության առաջին հոսքագիծը 24.12.2018
Դեկտեմբերի 22-ին ՀՀ վարչապետի պաշտոնակատար Նիկոլ Փաշինյանը Վանաձորում ներկա գտնվեց ռուս-իրանական «ՌԱԴ ՍԱՆ ՎԱՇԱՄԻՐ ԳՐՈՒՊ» ՍՊԸ-ի կողմից հիմնադրված կոմպոզիտային բալոնների (գազաբալոնների) արտադրության առաջին հոսքագծի բացման արարողությանը: Ներկա էին նաև փոխվարչապետի պաշտոնակատար Տիգրան Ավինյանը, Լոռու մարզպետ Անդրեյ Ղուկասյանը, այլ պաշտոնյաներ, հյուրեր:
