Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Անկացվեց Հաշմանդամություն ունեցող անձանց հարցերով զբաղվող մարզային հանձնաժողովի նիստը 28.02.2019
Այսօր Լոռու մարզպետարանի դահլիճում տեղի ունեցավ Հաշմանդամություն ունեցող անձանց հարցերով զբաղվող մարզային հանձնաժողովի այս տարվա առաջին նիստը, որը վարում էր Լոռու մարզպետ, հանձնաժողովի նախագահ Անդրեյ Ղուկասյանը: Օրակարգի առաջին հարցով մարզպետարանի առողջապահության և սոցիալական ապահովության վարչության սոցիալական ապահովության բաժնի պետ, հանձնաժողովի քարտուղար Վալերի Ջաղինյանը ներկայացրեց հաշմանդամություն ունեցող անձանց շրջանում 2018թ. ընթացքում կատարված աշխատանքների մասին տեղեկատվություն՝ մասնավորապես անդրադառնալով տարվա ընթացքում մարզպետարանի և մարզի հասարակական կազմակերպությունների կողմից իրականացված ծրագրերին, անցկացված միջոցառումներին, հանրային նշանակության վայրերը մատչելի դարձնելու ուղղությամբ կատարված աշխատանքներին, ուսուցման ծրագրերին և այլն:
Լոռու մարզում 2019 թ. գյուղատնտեսության ոլորտում իրականացվելու են հետևյալ ծրագրերը. • «Գյուղատնտեսության ոլորտին տրամադրվող վարկերի տոկոսադրույք¬ների սուբսիդավորման» ծրագիրը, որի շրջանակներում վարկերը տրամադրվում են 3-10 մլն դրամ գումարի սահմաններում մինչև 5 տարի մարման ժամկետով` 12 % տոկո¬սադրույքով: Սոցիալական աջակցություն ստացող սահմանամերձ բնակա¬վայ¬րերի և գյուղատնտեսական կոոպերատիվների համար վարկերի տոկոսադրույք¬ների սուբ¬սի¬դավորումն իրականացվում է այնպիսի չափաքանակով, որպեսզի վար¬կերը տնտե¬սավարողներին տրամադրվեն 3 %, իսկ մնացած համայնքների համար 5 % տոկոսադրույքով: Ինչպես տոկոսադրույքի, այնպես էլ՝ մայր գումարի համար ֆինան¬սական կառույցի կողմից կարող է սահմանվել արտոնյալ ժամկետ՝ առավելագույնը 12 ամիս:
Թբիլիսիում Հովհաննես Թումանյանի հոբելյանական միջոցառմանը մասնակցում էին նաև մարզի ներկայացուցիչները 27.02.2019
Մեծ լոռեցու ծննդյան 150-ամյակին նվիրված, «Թումանյանը մեզ հետ է» խորագրով հանդիսություն էր կազմակերպվել Վրաստանի խորհրդարանի գրադարանի մեծ դահլիճում, որտեղ բացվել էր գեղանկարիչ Թենգիզ Միկոյանցի աշխատանքների «Թումանյանի հետքերով» խորագիրը կրող անհատական ցուցահանդեսը: Մինչ այդ հոբելյանական հանձնաժողովի նիստ էր տեղի ունեցել Հովհ. Թումանյանի Թբիլիսիում գտնվող տանը, ուր բացվել էր գրողի հուշարձանը:
Նախարար Սուրեն Պապիկյանը խորհրդակցություն է անցկացրել ՀՀ մարզպետների մասնակցությամբ 27.02.2019
ՀՀ տարածքային կառավարման և զարգացման նախարար Սուրեն Պապիկյանն այսօր հերթական աշխատանքային խորհրդակցությունն է անցկացրել ՀՀ մարզպետների մասնակցությամբ, որին ներկա է գտնվել նաև ՀՀ կրթության և գիտության նախարար Արայիկ Հարությունյանը։
Փետրվարի 26-ին մարզպետ Անդրեյ Ղուկասյանը խորհրդակցություն էր հրավիրել Ստեփանավանի, Թումանյանի, Սպիտակի և Տաշիրի սոցիալական ապահովության ծառայության գործակալությունների (ՍԱԾԳ-ների) պետերի մասնակցությամբ: Խորհրդակցությանը ներկա էին նաև մարզպետարանի գլխավոր քարտուղարի պաշտոնակատար Վալերի Խաչատրյանը, առողջապահության և սոցիալական ապահովության վարչության պետ Արթուր Մխիթարյանը, վարչության սոցիալական ապահովության բաժնի պետ Վալերի Ջաղինյանը, բաժնի աշխատակիցները:
Վանաձորում 2018 թվականին իրականացված ասֆալտապատման աշխատանքները հանձնաժողովը գնահատել է անբավարար 26.02.2019
2018 թվականին Լոռու մարզում իրականացված ասֆալտապատման աշխատանքների նկատմամբ մարզպետ Անդրեյ Ղուկասյանը տևական ժամանակ դրսևորում էր հետևողական վերաբերմունք: Բնակիչների բողոքների արդյունքում մարզի ղեկավարն ինքն էլ շրջայց էր կատարել մի շարք փողոցներում՝ տեղում ծանոթանալու իրական պատկերին: Նկատված թերացումները շտկելու առաջարկով մարզպետը նախ հանդիպում ունեցավ շինարարական ընկերությունների ներկայացուցիչների հետ՝ ընդգծելով, որ անօրակ որևէ աշխատանք չի ընդունվելու, և պետական միջոցները ծախսվելու են բացառապես նպատակային: Նա նաև բազմաթիվ միջնորդություններ էր ուղարկել կառավարությանը՝ դրանց նկատմամբ պետական հսկողություն սահմանելու առաջարկությամբ:
