Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Գեղանկարը տեղ գտավ մարզի ղեկավարի աշխատասենյակում 11.03.2019
Հովհաննես Թումանյանի 150-ամյակին նվիրված միջոցառումների շրջանակներում օրերս «Մաշտոց» կրթամշակութային կենտրոնը «Թումանյանական օր» խորագրով միջոցառում էր կազմակերպել Երևանի գրականության և արվեստի թանգարանում: Միջոցառմանը հրավիրված էր, սակայն հարգելի պատճառով չկարողացավ ներկա գտնվել մարզպետ Անդրեյ Ղուկասյանը: Միջոցառման ընթացքում մարզպետի համար նախատեսված ընծան՝ գեղանկարիչ Մաքսիմ Գիքինյան վրձնած Լոռվա բնապատկերով գեղանկարն այսօր մարզպետին անձամբ հանձնեցին հեղինակը, «Մաշտոց» կրթամշակութային կենտրոնի տնօրեն Գագիկ Աթաբեկյանը և մարզպետարանի կրթության, մշակույթի և սպորտի վարչության մշակույթի և սպորտի բաժնի պետ Արամ Ռևազյանը:
«Առողջ ապրելու իմ քայլը» ծրագիրը՝ նաև Լոռու մարզում 07.03.2019
Լոռու մարզպետ Անդրեյ Ղուկասյանը մարտի 6-ին ընդունեց «Լե Լաբողատուաղ Սեղվիե» դեղագործական ընկերության հայաստանյան ներկայացուցչությանը՝ տնօրեն Գագիկ Վելիջանյանի գլխավորությամբ: Հանդիպմանը ներկա էր նաև մարզպեարանի առողջապահության և սոցիալական ապահովության վարչության պետ Արթուր Մխիթարյանը:
Օրեր առաջ համացանցը լեցուն էր Վանաձորի թիվ 1 հիմնական դպրոցի 8-րդ Բ դասարանի աշակերտներ Էդիկ Ղարաքեշիշյանի, Էդմոն Քոչարյանի և Վանաձորի թիվ 6 դպրոցի 7-րդ դասարանի աշակերտ Տիգրան Մարկոսյանի խիզախ ու անձնվեր արարքով հիացած օգտատերերի գրառումներով: Տղաները մարտի 3-ին ականատես էին եղել խոշոր ավտովթարի, ինչի արդյուքում է Վանաձոր-Ալավերդի ավտոճանապարհի Լոռի-1 հասցեի մոտ մեքենան դուրս էր եկել ճանապարհի երթևեկելի գոտուց, բախվել կամրջի երկաթյա ճաղավանդակներին և հայտնվել Տանձուտ գետում:
Շնորհակալագիր Լոռու մարզպետի կողմից 06.03.2019
Մարտի 5-ին Լոռու մարզպետ Անդրեյ Ղուկասյանը հանդիպման էր հրավիրել «Լոռու մարզ» թերթի գլխավոր խմբագիր Մանվել Միկոյանին: Հանդիպմանը ներկա էր նաև Լոռու մարզպետարանի լրատվության և հասարակայնության հետ կապերի բաժնի պետ Հրայր Հակոբյանը: Ա. Ղուկասյանը շնորհակալագիր հանձնեց Մ. Միկոյանին` «Լոռու մարզի համայնքների իրադարձությունները համակողմանի և օբյեկտիվ լուսաբանելու ու պաշտոնավարման 20-ամյակի կապակցությամբ»` մաղթելով աշխատանքային հետագա արդյունավետ գործունեություն:
Մարզպետը կարևորեց կրթության բարձր որակի ապահոնվումը կրթօջախներում 06.03.2019
Մարտի 6-ին Լոռու մարզպետ Անդրեյ Ղուկասյանն անակնկալ այցով եղավ Վանաձորի թիվ 18 միջնակարգ դպրոցում՝ նախ դպրոցի պայմաններին, կրթական պրոցեսին, դասասենյաների ջերմային ռեժիմին ծանոթանալու, ապա և կրթօջախի երկու մասնաշենքերում տարվող շինաշխատանքների ընթացքին հետևելու նպատակով: Մարզի ղեկավարին ուղեկցում էին մարզպետարանի մի խումբ պատասխանատու պաշտոնյաներ:
Մարտի 4-ին մարզպետ Անդրեյ Ղուկասյանն անցկացրեց աշխատանքային խորհրդակցություն մարզպետարանի մի խումբ պատասխանատու պաշտոնյաների մասնակցությամբ: Խորհրդակցության ընթացքում քննարկվեցին մասնավորապես տարածքային կառավարման և տեղական ինքնակառավարման, կրթության, քաղաքաշինության, առողջապահության, սոցիալական ապահովության, գյուղատնտեսության ոլորտներին առնչվող մի շարք օրախնդիր հարցեր, որոնց վերաբերյալ մարզի ղեկավարը հանդես եկավ ցուցումներով և հանձնարարականներով: Նա ստորաբաժանումների ղեկավարներին պահանջ ներկայացրեց քաղաքացիների դիմումներին տալ ամբողջական և հստակ պատասխաններ՝ անկախ նրանից՝ պատասխանը դրական, թե՝ բացասական բովանդակություն ունի:
