Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Անցկացվեց Հաշմանդամություն ունեցող անձանց հարցերով զբաղվող Լոռու մարզային հանձնաժողովի նիստը 14.11.2018
Այսօր Լոռու մարզպետարանում հրավիրվել էր Հաշմանդամություն ունեցող անձանց հարցերով զբաղվող Լոռու մարզային հանձնաժողովի նիստը, որը վարում էր մարզպետարանի առողջապահության և սոցիալական-ապահովության վարչության սոցիալական ապահովության բաժնի պետ, հանձնաժողովի քարտուղար Վալերի Ջաղինյանը: Նիստին մասնակցում էր նաև Լոռու մարզպետ Անդրեյ Ղուկասյանը:
«Զբոսաշրջության խնդիրները և զարգացման հեռանկարները Լոռու մարզում» 13.11.2018
Վանաձորի «Կիրովական» հյուրանոցում անցկացված միջոցառումը կազմակերպվել էր Լոռու մարզպետարանի և ՄԱԶԾ Լոռու տուրիզմի զարգացման և հետազոտական կենտրոնի կողմից: «Զբոսաշրջության խնդիրները և զարգացման հեռանկարները Լոռու մարզում» խորագիրը կրող աշխատանքային քննարկմանը մասնակցում էին մարզպետ Անդրեյ Ղուկասյանը, մարզպետի տեղակալ Արշակ Հովսեփյանը, խորհրդական Լևոն Տեր- Սիմոնյանը, մարզպետարանի զարգացման ծրագրերի և վերլուծության բաժնի պետ Հասմիկ Մկրտչյանը, մարզպետարանի այլ պաշտոնյաներ, ՄԱԶԾ «Ինտեգրված գյուղական զբոսաշրջության զարգացում» ծրագրի համակարգող Արման Վալեսյանը, Լոռու տուրիզմի զարգացման և հետազոտական կենտրոնի համակարգող Գևորգ Վարդանյանը, համայնքային կառույցների պատասխանատուներ, շահագրգիռ այլ կազմակերպությունների ներկայացուցիչներ:
Սուբվենցիոն ծրագրերի գործընթացը շարունակվում է Լոռու մարզում 13.11.2018
ՀՀ կառավարության միջգերատեսչական հանձնաժողովի դրական եզրակացությունն ստացած ծրագրային հայտերի ֆինանսավորման գործընթացը շարունակվում է եւ հերթական անգամ ՀՀ կառավարության 2018թ. սեպտեմբերի 27-ի թիվ 1127-Ն որոշմամբ Լոռու մարզպետարանին տրամադրվեց 39,936.2 հազ. դրամ՝ համայնքներին սուբվենցիա հատկացնելու համար։
Ուշադրություն, իրազեկման միամսյակը մեկնարկել է 13.11.2018
Հաշմանդամություն ունեցող անձանց հարցերով զբաղվող Լոռու մարզային հանձնաժողովը 2018թ. նոյեմբերի 15-ից մինչև դեկտեմբերի 15-ը հայտարարում է հաշմանդամություն ունեցող անձանց իրավունքների և հիմնահարցերի լուծմանը նվիրված միամսյակ, որի ընթացքում պետք է իրականացվեն մի շարք միջոցառումներ, մասնավորապես՝ կազմակերպվեն կլոր սեղան-քննարկումներ, հաշմանդամություն ունեցող անձանց ստեղծագործությունների ցուցահանդեսներ, համերգներ և այլն:
Հանդիսավորությամբ բացվեց Վանաձորի բժշկական կենտրոնը 12.11.2018
Այսօր հանդիսավորությամբ բացվեց նորակառույց Վանաձորի բժշկական կենտրոնը: Մարզի ու մասնավորապես Վանաձորի ազգաբնակչության համար այս չափազանց կարևոր միջոցառմանը ներկա էին ՀՀ առողջապահության նախարարի պաշտոնակատար Արսեն Թորոսյանը, Քաղաքաշինության կոմիտեի նախագահ Ավետիք Էլոյանը, Լոռու մարզպետ Անդրեյ Ղուկասյանը, մարզպետի տեղակալներ Արամ Խաչատրյանը, Արշակ Հովսեփյանը, այլ պաշտոնատար անձինք, բժիշկներ, հյուրեր: Վանաձորի բժշկական կենտրոնի հիվանդանոցային մասնաշենքը կառուցվել է քաղաքաշինության պետական կոմիտեի կողմից` պետական բյուջեի միջոցների հաշվին, իսկ ծննդատան մասնաշենքը` «Տաշիր» բարեգործական հիմնադրամի աջակցությամբ, և հագեցվել Համաշխարհային բանկի վարկային միջոցներով` «Առողջապահական ծրագրերի իրականացման գրասենյակ» պետական հիմնարկի ուղղակի վերահսկողության ներքո:
«Իմ քայլը հանուն Լոռու մարզի» բիզնես-ֆորումի անցկացման նպատակով աշխատանքային խումբ է ձևավորվել 12.11.2018
«Իմ քայլը հանուն Լոռու մարզի» բիզնես-ֆորումի անցկացման նպատակով մարզպետի կարգադրությամբ աշխատանքային խումբ է ձևավորվել, որը գլխավորում է մարզպետի տեղակալ Արշակ Հովսեփյանը: Աշխատանքային խմբում ընդգրկված են մարզպետի խորհրդականներ Լևոն Ասլանյանը, Լևոն Տեր-Սիմոնյանը, Զարգացման ծրագրերի և վերլուծության բաժնի պետ Հասմիկ Մկրտչյանը, բաժնի աշխատակիցներ, ՏԻ և ՀԳՄ հարցերով վարչության պետ Դավիթ Մանուչարյանը, Տեղեկատվության և հասարակայնության հետ կապերի բաժնի պետի պաշտոնակատար Հրայր Հակոբյանը, շահագրգիռ այլ կառույցների ներկայացուցիչներ: Նոյեմբերի 9-ին անցկացվեց այդ խմբի հավաք-քննարկումը:
