Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

ՊԱՐԳԵՎԱՏՐՎԵՑԻՆ ՄԱՐԶՊԵՏԻ ՇՆՈՐՀԱԿԱԼԱԳՐԵՐՈՎ ԵՎ ՇՆՈՐՀԱՎՈՐԱԳՐԵՐՈՎ

17.10.2019

Այսօր մարզի ղեկավարն ընդունեց ՀՀ գրողների միության, Լոռու մարզային բաժանմունքի նախագահ, «Լոռու մարզ» թերթի գլխավոր խմբագիր Մանվել Միկոյանին, բանաստեղծ, թարգմանիչ Խորեն Գասպարյանին, բանասիրական գիտությունների թեկնածուներ, թարգմանիչներ Նինա Ջաղինյանին և Էլֆիք Զոհրաբյանին, ինչպես նաև «Սասնա ծռեր» կամ «Սասունցի Դավիթ» էպոսի պահպանման և տարածման ծրագրի շրջանակներում էպոսապահպանության մրցույթի եզրափակիչ փուլում առաջին տեղ գրաված Անի Տիրացույանին, մրցանակային տեղեր զբաղեցրած Էմմա Ղամբարյանին և Գևորգ Սիրունյանին:
Հանդիպմանը ներկա էին մարզպետարանի կրթության, մշակույթի և սպորտի վարչության պետի պաշտոնակատար Ռաֆայել Հարությունյանը, մշակույթի և սպորտի բաժնի պետ Արամ Ռևազյանը և առաջատար մասնագետ Մհեր Մելիքյանը:
Վերջիններս մարզի ղեկավարին նախ ներկայացրեցին Անի Տիրացույանի, Էմմա Ղամբարյանի և Գևորգ Սիրունյանի գրանցած հաջողությունները էպոսապահպանության մրցույթի եզրափակիչ փուլում՝ նշելով, որ մրցույթի պատմության մեջ առաջին անգամ, ի դեմս Անիի, ներկայացվել է երգ, ինչը արժանացել է ժյուրիի հիացմունքին, իսկ Էմման և Գևորգը միասին թատերականացված դրվագ են ներկայացրել էպոսից: Մարզի ղեկավարն իր ջերմ շնորհավորանքները և շնորհակալական խոսքը հղեց նրանց՝ մարզի պատիվը բարձր պահելու համար և հույս հայտնեց, որ նրանք իրենց լավագույնս կդրսևորեն նաև մշակութային այլ փառատոներում և մրցույթներում:
Մանվել Միկոյանը մարզի ղեկավարին ներկայացրեց Խորեն Գասպարյանի, Նինա Ջաղինյանի, Էլֆիք Զոհրաբյանի թարգմանական գործունեությունը՝ նշելով, որ նրանք ոչ միայն մարզի, այլև հանրապետության մակարդակով ներկայանում են որպես լավագույն գրող-թարգմանիչներ, ովքեր հանրության դատի են հանձնում ռուս և արտասահմանյան գրողների հայտնի գործեր՝ ինչպես բնագրից, այնպես էլ՝ ռուսերենից և անգլերենից թարգմանությամբ: Մ. Միկոյանը տեղեկացրեց նաև, որ այս տարի «Թարգմանչաց տոնն» առաջին անգամ Հայաստանում նշվել է որպես միջազգային տոն և չորս օր շարունակված միջոցառումներին իրենց ուրույն մասնակցությունն են ունեցել նաև Լոռու մարզի թարգմանիչները:
Ա. Ղուկասյանն, օգտվելով առիթից, նրանց ևս իր երախտիքի խոսքը հայտնեց արտերկրի հայտնի գրողների ստեղծագործությունները հայ ընթերցողին բարձրարվեստ կերպով մատուցելու համար: Նա կարևորեց մարզի գրողների և թարգմանիչների գործերի հանրահռչակումը, տարածումը, ինչու չէ նաև՝ ակտիվ գովազդը, որպեսզի ավելի շատ մարդիկ ցանկություն ունենան ծանոթանալու դրանց՝ նշելով նաև, որ մարզպետարանը պատրաստակամ է կազմակերպելու նրանց պարբերական հանդիպումները մարզային ենթակայության դպրոցներում:
Մարզի ղեկավարը Խորեն Գասպարյանին, Նինա Ջաղինյանին և Էլֆիք Զոհրաբյանին պարգևատրեց շնորհավորագրերով՝ բարձրարվեստ թարգմանությունների և «Թարգմանչած տոնի» կապակցությամբ՝ մաղթելով նրանց է՛լ ավելի բեղուն գրիչ և նորանոր ստեղծագործական հաջողություննե
 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-11-16 15:19:52