Տեղեկատվական կենտրոն
Նորություններ
![Օծվեց Դսեղի Սուրբ Գրիգոր Լուսավորիչ եկեղեցու զանգակատան խաչը Օծվեց Դսեղի Սուրբ Գրիգոր Լուսավորիչ եկեղեցու զանգակատան խաչը](http://lori.mtad.am/files/n_pics/17024_s.jpg)
Օծվեց Դսեղի Սուրբ Գրիգոր Լուսավորիչ եկեղեցու զանգակատան խաչը 07.09.2018
Սեպտեմբերի 7-ին, ձեռամբ Գուգարաց թեմի առաջնորդ գերաշնորհ Տեր Սեպուհ արքեպիսկոպոս Չուլջյանի, օծվեց Դսեղի Սուրբ Գրիգոր Լուսավորիչ եկեղեցու զանգակատան խաչը: Օծման հանդիսությանը ներկա էին Լոռու մարզպետ Հրանտ Մարգարյանը, կրթական ծրագրերի համակարգող Դավիթ Հակոբյանը, համայնքի բնակիչներ, առավելապես դպրոցահասակներ, հավատավոր հայորդիներ, հյուրեր: Զանգակատան վերականգնման և խաչի պատրաստման աշխատանքները իրականցվել են Կամո և Ալիկ Գասպարյան եղբայրների և Արմեն Թումանյանի բարերարությամբ: Բարերար այլ հայորդիների կողմից նույն օրը եկեղեցուն նվիրաբերվեցին նաև սրբապատկերներ, որոնք ևս սրբազան հայրն օրհնեց և մաքրագործեց սուրբ մյուռոնով:
![Ֆրանսիացի հնագետ Ժակ Դե Մորգանի անվան ցուցասրահի շինարարությունն ընթացքի մեջ է Ֆրանսիացի հնագետ Ժակ Դե Մորգանի անվան ցուցասրահի շինարարությունն ընթացքի մեջ է](http://lori.mtad.am/files/n_pics/17026_s.jpg)
Ֆրանսիացի հնագետ Ժակ Դե Մորգանի անվան ցուցասրահի շինարարությունն ընթացքի մեջ է 07.09.2018
Լոռու մարզպետ Հրանտ Մարգարյանն այսօր ընդունել է Ֆրանսիայի Պրովանս-Ալպեր Կոտ Դ՝Ազյուր ռեգիոնի տուրիստական գործակալության ծրագրերի ղեկավար Կարին Տարասկոնիին, որին ուղեկցում էր «Լոռի» տուրիզմի զարգացման գործադիր տնօրեն Քրիստինե Երիցյանը:
Մաքուր տուն՝ տնից դուրս․համապետական շաբաթօրյակ սեպտեմբերի 8-ին 06.09.2018
«Մաքուր Հայաստան» ծրագրի շրջանակներում սեպտեմբերի 8-ին հանրապետության ամբողջ տարածքում կանցկացվի համապետական շաբաթօրյակ: Շաբաթօրյակի ընթացքում հանրապետության բոլոր բնակավայրերում, զբոսաշրջային և պատմամշակութային վայրերում,միջպետական և միջհամայնքային ճանապարհների եզրերին և հանրայինօգտագործման տարածքներումնախատեսվում են սանիտարական մաքրման, բարեկարգման և կանաչապատման աշխատանքներ։ Աշխատանքների կազմակերպման նպատակով կներգրավվեն ինքնաթափեր, ամբարձիչ մեքենաներ, էքսկավատորներ, կցասայլեր։
![Աշխատանքային խորհրդակցություն 03.09.2018թ. Աշխատանքային խորհրդակցություն 03.09.2018թ.](http://lori.mtad.am/files/n_pics/16949_s.jpg)
Աշխատանքային խորհրդակցություն 03.09.2018թ. 04.09.2018
Այսօր Լոռու մարզպետարանի նիստերի դահլիճում մարզպետ Հրանտ Մարգարյանն անցկացրեց աշխատանքային խորհրդակցություն մարզպետարանի կառուցվածքային ստորաբաժանումների ղեկավարների, պատասխանատու այլ պաշտոնյաների մասնակցությամբ: Իր զեկույցում մարզի ղեկավարը տեղեկացրեց ՀՀ Տարածքային կառավարման և զարգացման նախարարի՝ Լոռու մարզ կատարած աշխատանքային այցի արդյունքների մասին: Նա նշեց, որ նախարար Սուրեն Պապիկյանը համայնքների ղեկավարներին հանձնարարել է հետևողական ու պատասխանատու վերաբերմունք դրսևորել սեփական եկամուտների հավաքագրման հարցում:
![ՀՀ տարածքային կառավարման և զարգացման նախարար Սուրեն Պապիկյանը ճանաչողական այցով գտնվում էր Լոռու մարզում ՀՀ տարածքային կառավարման և զարգացման նախարար Սուրեն Պապիկյանը ճանաչողական այցով գտնվում էր Լոռու մարզում](http://lori.mtad.am/files/n_pics/16939_s.jpg)
ՀՀ տարածքային կառավարման և զարգացման նախարար Սուրեն Պապիկյանին աշխատանքային եռօրյա այցի ընթացքում ուղեկցում էին Լոռու մարզպետ Հրանտ Մարգարյանը և մարզպետարանի տարբեր ստորաբաժանումների պատասխանատու պաշտոնյաները: Օձուն խոշորացված համայնքում նախարարը հանդիպեց բնակիչների, վարչական ղեկավարների և ավագանու անդամների հետ, լսեց նրանց առաջարկություններն ու խնդիրները, որոնք վերաբերվում էին գյուղատնտեսությանն ու ճանապարհաշինությանը, կրթական ու սոցիալական ոլորտներին: Նախարարը հորդորեց պատասխանատվությամբ վերաբերվել նախ և առաջ իրենց հարկային պարտավորություններին՝ ընդգծելով, որ նաև այդ ցուցանիշներից է կախված համայնքների համաչափ և արդյունավետ զարգացումը, տեղական խնդիրների հետևողական լուծումը: