Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քաղաքացիների ընդունելություն՝ Լոռու մարզպետարանում 21.12.2018
Լոռու մարզպետ Անդրեյ Ղուկասյանի կողմից դեկտեմբերի 20-ին անցկացված քաղաքացիների ընդունելությանը մասնակցեց շուրջ 70 քաղաքացի Վանաձորից, Գուգարքի, Սպիտակի, Ստեփանավանի տարածաշրջաններից: Նրանց հարցերին առավել սպառիչ պատասխաններ տալու նպատակով ընդունելությանը ներկա էին նաև մարզպետարանի կառուցվածքային ստորաբաժնումների ղեկավարներ, այլ պատասխանատու պաշտոնյաներ: Ներկայացվող խնդիրները մեծ մասն առնչվում էին բնակապահովման խնդիրներին:
Կաթնաջուր համայնքի միջնակարգ դպրոցում բացվեց «Սմարթ» դասարան 21.12.2018
Լոռու մարզում այսօր բացվեց 22-րդ «Սմարթ» դասարանը, այս անգամ՝ «Յունիբանկի» ֆինանսավորմամբ: Վերջինս «Սմարթ» դասարանի շինարարությունը նախաձեռնել է ավերիչ երկրաշարժի 30-րդ տարելիցի առիթով՝ ընտրելով դպրոց հենց Սպիտակի տարածաշրջանում: Դասարանի հանդիսավոր բացմանը ներկա էին մարզպետի տեղակալ Արշակ Հովսեփյանը, մարզպետարանի կրթության, մշակույթի և սպորտի վարչության պետի պաշտոնակատար Ռաֆայել Հարությունյանը, «Յունիբանկի» ներկայացուցիչները, համայնքի ղեկավար Արմեն Պապոյանը, այլ հյուրեր:
Ամանորյա տոների ընդառաջ. հանդիպում՝ մարզպետարան-ոստիկանություն-համայնք 19.12.2018
Անցկացվեց Լոռու մարզպետարան-ոստիկանություն-համայնք ձևաչափով հերթական հանդիպում-քննարկումը, որը վարում էր մարզպետի տեղակալ Սերգեյ Սարուխանյանը:Հանդիպմանը մասնակցում էին նաև մարզպետի տեղակալներ Արամ Խաչատրյանը և Արշակ Հովսեփյանը, մարզպետարանի պատասախանատու պաշտոնյաներ, համայնքների ղեկավարներ:
ՀՀ կառավարության 2018թ. նոյեմբերի 22-ի, թիվ 1339-Ն որոշման համաձայն 2018թ. պետական բյուջեով նախատեսված է 458 մլն դրամ հատկացնել մարզի գյուղական համայնքներում բարձր պատրասատականություն ունեցող թվով 44 բնակելի տների կիսակառույցները ավարտին հասցնելու համար: Ծրագիրն իրականացնելու համար ՀՀ կառավարությունը կհամագործակցի «Հայաստանի Ֆուլլեր տնաշինական կենտրոն» բարեգործական հասարակական կազմակերպության հետ:
Հերթական «փոքրիկ տունը»՝ Վանաձորում 19.12.2018
ՀՀ կառավարության որդեգրած քաղաքականության շրջանակներում, այն է՝ յուրաքանչյուր երեխայի ընտանիքում ապրելու իրավունքի իրացումը, հերթական ծրագիրն իրականացվեց Վանաձորում: Հայաստանում Բուլղարիայի դեսպանատան և ՄԱԿ-ի Մանկական հիմնադրամի ֆինանսավորմամբ, ՀՀ աշխատանքի և սոցիալական հարցերի նախարարության հետ համագործակցությամբ հերթական «փոքրիկ տունն» է բացվել մարզկենտրոնում, որտեղ բնակվում է 5 երեխա: Նրանք այստեղ են տեղափոխվել մանկատնից, թեև ունեն կենսաբանական ծնողներ:
Մարզպետը հանդիպեց Աշոտաբերդ թաղամասի բնակիչների հետ 18.12.2018
Դեկտեմբերի 17-ին Լոռու մարզպետ Անդրեյ Ղուկասյանը աշխատանքային այց կատարեց Ստեփանավան՝ արտագնա խորհրդակցություն անցկացնելով՝ Ստեփանավանի քաղաքապետ Միքայել Ղարաքեշիշյանի և Ստեփանավանի Աշոտաբերդ թաղամասի փայտաշեն քոթեջների բնակիչների հետ: Մարզպետը բնակիչներին տեղեկացրեց, որ Լոռու մարզպետարանում դեռևս դեկտեմբերի սկզբին ստեղծված հանձնաժողովն առաջիկայում կգույքագրի մարզի տարբեր համայնքներում գտնվող փայտաշեն կացարաններում ու տնակային ավաններում ապրող անձանց տվյալները:
