Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հունվարի 24-ին Լոռու մարզպետ Անդրեյ Ղուկասյանի և ՀՀ սննդի անվտանգության տեսչական մարմնի ղեկավար Գերոգի Ավետիսյանի նախաձեռնությամբ Լոռու մարզպետարանում համայնքների ղեկավարների, ֆերմերների և մի շարք այլ կառույցների մասնակցությամբ անցկացվեց հանդիպում սպանդանոցներում իրականացվելիք պարտադիր մորթի պայմանի շուրջ ծագած դժգոհությունների քննարկման և կառավարության նոր առաջարկի ներկայացման նպատակով: Քննարկումը վարում էր մարզի ղեկավարը: Նրա տեղեկացմամբ, ներկայում մարզում գործում է 3 սպանդանոց, առաջիկայում կգործարկվեն ևս մի քանիսը: Մարզի ղեկավարի ներկայացմամբ, ինչպես հայտնի է՝ Կառավարությունը պատրաստ է մինչև հուլիսի 1-ը հետաձգելու պարտադիր սպանդանոցային մորթի կիրառման գործընթացը։
Տոնվեց Հայկական բանակի կազմավորման 28-րդ տարեդարձը 29.01.2020
Հունվարի 28-ին Հայոց Բանակի օրվան նվիրված միջոցառումների շարքը մեկնարկեց Սպարապետ Վազգեն Սարգսյանի արձանի մոտ մատուցված հոգեհանգստյան կարգով և ծաղիկների խոնարհման արարողությամբ, որին մասնակցում էին Լոռու մարզպետ Անդրեյ Ղուկասյանը, փոխմարզպետ Գայանե Մարկոսյանը, մարզպետարանի գլխավոր քարտուղար Արթուր Մխիթարյանը, մարզպետարանի այլ պաշտոնյաներ, Գուգարաց թեմի առաջնորդ, գերաշնորհ Տեր Սեպուհ արքեպիսկոպոս Չուլջյանը, Վանաձոր համայնքի ղեկավար Մամիկոն Ասլանյանը, մարզային ու համայնքային իշխանությունների, զինվորական և հոգևոր դասի ներկայացուցիչներ: Միջոցառումը շարունակվեց Վանաձորի զինվորական պանթեոնում:
ՀԵՐՈՍ ԳՈՌ ԽՈՒԴԻՆՅԱՆԻ ԸՆՏԱՆԻՔԻՆ ՄԱՐԶԻ ՂԵԿԱՎԱՐՆ ԱՆՁԱՄԲ ՇՆՈՐՀԱՎՈՐԵՑ 29.01.2020
Հունավարի 28-ին Լոռու մարզպետ Անդրեյ Ղուկասյանը մարզպետարանի զորահավաքային նախապատրաստության բաժնի պետ Սպարտակ Ղուբաթյանի և կրթության, մշակույթի և սպորտի վարչության պետի ժամանակավոր պաշտոնակատար Ռաֆայել Հարությունյանի ուղեկցությամբ եղավ զոհված ժամկետային զինծառայող Գոռ Խուդինյանի ընտանիքում՝ շնորհավորելու նրաց Հայոց փառապանծ բանակի տարեդարձի առիթով ու ևս մեկ անգամ իր խորը երախտիքի խոսքն ասելու հերոս ծնած ու դաստիարակած ծնողներին՝ Ֆրունզիկին և Անահիտին:
ԱԼԱՎԵՐԴԻ ՀԱՄԱՅՆՔՈՒՄ ԿԻՐԱԿԱՆԱՑՎԻ ԹԱՓՈՆՆԵՐԻ ԿԱՅՈՒՆ ԿԱՌԱՎԱՐՄԱՆ ԾՐԱԳԻՐ 29.01.2020
Լոռու մարզպետ Անդրեյ Ղուկասյանն ընդունեց ՄԱԿ-ի արդյունաբերական զարգացման կազմակերպության ծրագրի և «Ուրբան» կայուն զարգացման հիմնադրամի ներկայացուցիչներին: Հանդիպմանը ներկա էին նաև մարզպետի տեղակալ Գայանե Մարկոսյանը և Ալավերդի խոշորացված համայնքի ղեկավար Սասուն Խեչումյանը: «Մարդկային անվտանգության բարելավումը Հայաստանի համայնքներում» ծրագրի շրջանակներում ՄԱԿ-ի արդյունաբերական զարգացման կազմակերպությունը, «Ուրբան» կայուն զարգացման հիմնադրամը և Ալավերդու համայնքապետարանը համատեղ նախաձեռնել են իրականացնելու թափոնների կայուն կառավարման ծրագիրը և այն արդյունավետ իրականացնելու հարցում ակնկալում են Լոռու մարզպետարանի աջակցությունը:
Լոռու մարզպետ Անդրեյ Ղուկասյանը հունվարի 24-ին սուբվենցիոն ծրագրերի նախնական հայտերի քննարկումներ անցկացրեց Թումանյանի, Սպիտակի և Տաշիրի տարածաշրջանների համայնքների ղեկավարների հետ՝ այսպիսով ավարտելով նախնական քննարկումները: Ներկա էին նաև մարզպետի տեղակալ Գայանե Մարկոսյանը, մարզպետարանի կառուցվածքային ստրաբաժանումների ղեկավարներ, պատասխանատու այլ պաշտոնյաներ: Եվս մեկ անգամ հիշեցնելով, որ այս տարի պետություն-համայնք համատեղ ներդրմամբ իրականացվող սուբվենցիոն ծրագրերի մեկնարկը կտրվի ավելի վաղ՝ մարզի ղեկավարը նշեց, որ նախնական հայտերը ՀՀ տարածքային կառավարման և ենթակառուցվածքների նախարարություն մարզպետարանը պետք է ներկայացնի մինչև փետրվարի 2-ը: -Նպատակն այն է, որ կարողանանք ծրագրերը մեկնարկել և ավարտին հասցնել մինչև տարեվերջ,-ասաց Անդրեյ Ղուկասյանը՝ միաժամանակ հորդորելով համայնքերին առավել ակտիվ լինել:
Դեռևս 2019թ. նոյեմբերին ՀՀ տարածքային կառավարման և ենթակառուցվածքների նախարարությունում ՄԱԿ-ի զարգացման ծրագրի, մարզային և քաղաքային իշխանությունների ներկայացուցիչների մասնակցությամբ անցկացված խորհրդակցության ընթացքում քննարկվել էր ՀՀ մարզերում բազմաբնակարան շենքերի էներգախնայողության և ջերմաարդյունավետության բարձրացման ծրագիրըլ: Արդյունքում նախարարությունը ՄԱԿ-ի Զարգացման ծրագրի հետ համագործակցության շրջանակում նպատակ ունի 2020 թ. սուբվենցիոն ծրագրերով աջակցելու համայնքներում բազմաբնակարան շենքերի էներգաարդյունավետ վերակառուցման նախագծերի իրականացմանը՝ հայտերի մշակման փուլից մինչև իրականացման համար լրացուցիչ միջոցների տրամադրումը:
