Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետարանի, ԱՄՆ դեսպանատան ռազմական համագործակցության գրասենյակի և Վանաձորի բնակչուհի Լիլիա Աբրահամյանի համագործակցության արդյունքում Լոռու մարզպետարանին այսօր տրամադրվել է թվով 81 էլեկտրական ջերմաչափ՝ մարզի նախադպրոցական ուսումնական հաստատություններին և նախակրթարաններին բաշխելու նպատակով: Աջակցությունը մարզին ցուցաբերվել է ԱՄՆ դեսպանատան ռազմական համագործակցության գրասենյակի «ԱՄՆ ցամաքային ուժերի Եվրոպական հրամանատարության հումանիտար օգնության» ծրագրի շրջանակներում, որի համակարգողն է հանդիսանում Անի Մելքումյանը:
Կյանքի կոչվեց Լոռու մարզի գյուղական համայնքների կարիքավոր ընտանիքների աջակցության հերթական ծրագիրը: Լոռու մարզպետարանի և «Կամրջակ» սոցիալ-բարեգործական հասարակական կազմակերպության(նախագահ՝ Բենիամին Աղամալյան) համագործակցությամբ համավարակով պայմանավորված ստեղծված իրավիճակում գյուղատնտեսությամբ զբաղվող ընտանիքների սոցիալական բեռը թեթևացնելու նպատակով մարզի 18 գյուղական համայնքների ավելի քան 2100 անապահով ընտանիքի տրամադրվեց 65 տոննա(46 տոկոսանոց ազոտի պարունակությամբ) կարբամիդ տեսակի պարարտանյութ։
Կհիմնանորոգվի Ճոճկան բնակավայրի մանկապարտեզի շենքը 15.06.2020
Ախթալա համայնքի Ճոճկան բնակավայրի փոքրիկները շատ շուտով իրենց հագեցած առօրյան կկարողանան անցկացնել գեղեցիկ վերանորոգված մանկապարտեզում: Համայնքի ղեկավարի վստահեցմամբ վերնորոգման ավարտից հետո երեխաների թիվը 80-ից կհասնի 110-ի, ինչն իհարկե ուրախալի հանգամանք է: Ախթալա համայնքի «Ճոճկան բնակավայրի ՆՈՒՀ ՀՈԱԿ-ի շենքի հիմնանորոգում» ծրագրի ընդհանուր բյուջեն` նախահաշվային արժեքով, կազմում է 45.730.330 դրամ, որից 18.292.13 դրամը` համայնքային ներդրում: Ծրագրի իրականացման արդյունքում նախատեսվում է շենքի 1-ին հարկի մասնակի նորոգում, տանիքի և 2-րդ հարկի հիմնանորոգում:
Սարահարթ համայնքում այս տարի ֆուտբոլի դաշտ կկառուցվի 15.06.2020
Առողջ ապրելակերպի խթանմանն ուղղված ծրագրեր Սարահարթ համայնքում վաղուց էին մտմտում, և ահա այս տարի համայնքի հատկապես երիտասարդների և պատանիների համար երկար սպասված ֆուտբոլի դաշտի կառուցման նախաձեռնությունը կյանքի կկոչվի պետություն-համայնք համատեղ ներդրմամբ իրականացվող սուբվենցիոն ծրագրով:
Կհիմնանորոգվի Գուգարք համայնքի բազմաբնակարան շենքի տանիքը 15.06.2020
Այս տարի սուբվենցիոն միջոցներով կիրականացվեն նաև Գուգարք համայնքի էներգետիկների 5-րդ փողոցի 9-րդ շենքի տանիքի վերանորոգման աշխատանքներ: Սա ևս համայնքի համար հրատապ լուծում պահանջող խնդիրներից է, քանի որ շենքի տանիքը(շենքում բնակվում է 10 ընտանիք), ամբողջությամբ խարխուլ վիճակում է: Ծրագրի ընդհանուր բյուջեն` նախահաշվային արժեքով, կազմում է 17.506.600 դրամ, որից մոտ 7.002.600 դրամը` համայնքային ներդրումն է: Ծրագրի իրականացման արդյունքում նախատեսվում է հինգհարկանի շենքի տանիքի վերանորոգում` ազբոշիֆրերը փոխարինելով ցինկապատ թիթեղներով, ինչպես նաև նոր ջրհորդանի կառուցում:
Լոռու մարզպետ Անդրեյ Ղուկասյանն այսօր ընդունեց «Գազպրոմ Արմենիա» ՓԲԸ Լոռու ԳԳՄ տնօրեն Վարդան Բաղդասարյանին, ընկերության այլ պատասխանատու պաշտոնյաների, Ալավերդի խոշորացված համայնքի ղեկավար Սասուն Խեչումյանին՝ Ալավերդիում ստորգետնյա գազատարի մի հատվածը վերգետնյա, սակայն ոչ ակնահաճո` ճամփեզրյա հենապատին կից անցկացնելու հետ կապված ալավերդցիների բազմաթիվ դժգությունների պատճառները քննարկելու և լուծման արդյունավետ տարբերակներ գտնելու նպատակով: Քննարկմանը ներկա էր նաև մարզպետարանի քաղաքաշինության վարչության պետ Արմեն Ջանազյանը: Բնակչի ու համայնքի շահը գերակա համարելով` Ա. Ղուկասյանը «Գազպրոմ Արմենիայի» ներկայացուցիչներին հորդորեց. չնայած նրան, որ Ալավերդու համայնքապետը, մի շարք նրբություններ հաշվի չառնելով, տվել է գազատարը մայթեզրյա հենապատի վրայով անցկացնելու համաձայնությունը, նախընտրելի տարբերակը համայնքի համար կարող է լինել Թումանյան փողոցում իրականացվող ստորգետնյա գազատար խողովակը հենապատի դրսի կողմից կոնսուլային եղանակով տեղադրումը:
