Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Վանաձորի «ԻՏԵՔՍ» ընկերությունն աշխատանքով է ապահովել 1115 անձի 26.08.2024
Սեպտեմբերի 24-ին Վանաձոր կատարած այցի շրջանակներում ՀՀ Էկոնոմիկայի նախարար Գևորգ Պապոյանը Լոռու մարզպետ Արամ Ղազարյանի, նախարարի տեղակալ Նարեկ Տերյանի և այլ պատասխանատու պաշտոնյաների ուղեկցությամբ այց է կատարել «ԻՏԵՔՍ» ընկերության արտադրամասեր։ Պաշտոնատար անձինք տեղում ծանոթացել են ընկերության գործունեությանը և արտադրվող տեսականուն։ «ԻՏԵՔՍ» ընկերության տնօրեն Արթուր Եթիմյանը համառոտ ներկայացրել է ընկերության հաջողությունները, արտադրական գործընթացը։ 2022 թ.-ի մայիսին հիմնադրված ընկերությունը զբաղվում է իտալական հայտնի բրենդերի հագուստի արտադրությամբ և աշխատանքով է ապահովել 1115 անձի։
Հերթական անգամ դիտարկվել են Գյուլագարակ համայնքում սուբվենցիոն ծրագրով իրականացվող աշխատանքները 26.08.2024
Լոռու մարզպետ Արամ Ղազարյանի հանձնարարությամբ օգոստոսի 23-ին Լոռու մարզպետի տեղակալ Հովհաննես Ավետիսյանը, Լոռու մարզպետի աշխատակազմի պատասխանատու պաշտոնյաներ աշխատանքային այց են կատարել Գյուլագարակ համայնք: Համայնքի ղեկավար Խաչիկ Վարդանյանի, ավագանու անդամների ուղեկցությամբ նրանք շրջել են համայնքում, դիտարկել սուբվենցիոն ծրագրով իրականացվող աշխատանքները: Գյուլագարակ համայնքի Գարգառ բնակավայում կառուցվում է օրվա կարգավորիչ ջրամբար և ներքին ցանց: Ծրագրի ընդհանուր արժեքը կազմում է շուրջ 278 միլիոն դրամ: Աշխատանքներն ընթացքի մեջ են: Ծրագրի ավարտից հետո կլուծվի մոտ 1400 բնակիչ ունեցող բնակավայրի առաջնահերթ լուծում պահանջող ջրամատակարարման խնդիրը: Ճապոնիայի կառավարության ֆինանսավորմամբ և «Ուրբան» կայուն զարգացման հիմնադրամի աջակցությամբ կառուցվում է նաև Գարգառի հանրակրթական դպրոցի 2-րդ հարկը: Դպրոցում և դպրոցին կից գործող նախակրթարանում սովորում է 163 սան: Շինարարության ավարտից հետո առավել հարմարավետ պայմաններ կստեղծվեն սովորողների համար:
«Շառլ-Ռոք» խորագրով համերգ՝ Վանաձորի Հայքի հրապարակում 23.08.2024
Շառլ Ազնավուրի 100-ամյակին նվիրված հոբելյանական միջոցառումների շարքը շարունակվում է «Համազնավուր», «Տարազնավուր» տարաբնույթ համերգների շարքը եզրափակող՝ «Երազնավուր» Ազնավուրյան երգերի համաստեղությունն այս անգամ ունկնդրին կտանի երաժշտական երկու հզոր ուղղություններով՝ սիմֆոնիկ և ռոք։ «Շառլ-Ռոք» խորագրով համերգը կկայանա Վանաձորի Հայքի հրապարակում: Բացօթյա համերգի ծրագրում հանդես կգան Հայաստանի պետական սիմֆոնիկ նվագախումբը՝ գեղարվեստական ղեկավար և դիրիժոր Սերգեյ Սմբատյանի ղեկավարությամբ և հրավիրված հայտնի ու սիրված ռոք երաժիշտները։ Եվ այսպես սպասում ենք ձեզ գեղատեսիլ Վանաձորում՝ սեպտեմբեր 8-ին, ժամը 19:00։
ՏԿԵ նախարարը մարզպետների մասնակցությամբ խորհրդակցություն է անցկացրել 23.08.2024
Լոռու մարզպետ Արամ Ղազարյանն օգոստոսի 22-ին մասնակցել է ՀՀ ՏԿԵ նախարար Գնել Սանոսյանի գլխավորությամբ մարզպետների մասնակցությամբ անցկացված հերթական խորհրդակցությանը։ Խորհրդակցությանը մասնակցել են նաև ԿԳՄՍ նախարար Ժաննա Անդրեասյանը, փոխվարչապետ Տիգրան Խաչատրյանի գրասենյակի ղեկավար Արման Ադիլխանյանը, ՆԳՆ փոխնախարար Արփինե Սարգսյանը, Քաղաքաշինության կոմիտեի նախագահ Եղիազար Վարդանյանը, Հայաստանի տարածքային զարգացման հիմնադրամի տնօրեն Սարգիս Բաղինյանը, «Ճանապարհային դեպարտամենտ» հիմնադրամի տնօրենի պաշտոնակատար Սերժիկ Պետրոսյանը, Քաղաքաշինության, տեխնիկական և հրդեհային անվտանգության տեսչական մարմնի ղեկավար Գարեգին Խաչատրյանը։
Մարզի ղեկավարն աշխատանքային այցով եղել է Չկալով բնակավայրում 22.08.2024
Օգոստոսի 21-ին Լոռու մարզպետ Արամ Ղազարյանն աշխատանքային այց է կատարել Թումանյան խոշորացված համայնքի Չկալով բնակավայր։ Մարզի ղեկավարը՝ տեղակալ Հովհաննես Ավետիսյանի, Թումանյան համայնքի ղեկավար Սուրեն Թումանյանի, պատասխանատու այլ պաշտոնայների ուղեկցությամբ շրջել է բնակավայրում, զրուցել բնակիչների հետ։ Բնակիչները մարզի ղեկավարին հայտնել են, որ բնակավայրի հյուսիսային սարալանջին գտնվող ավելի քան 10 տներ վթարային վիճակում են, մի քանի տներում առկա է փլուզման վտանգ։
Օգոստոսյան խորհրդակցություն և կրթական էքսպո՝ Լոռու մարզում 21.08.2024
Նոր ուսումնական տարվա մեկնարկին ընդառաջ Լոռու մարզի հանրակրթական ուսումնական հաստատությունների տնօրենների մասնակցությամբ անցկացվել է օգոստոսյան խորհրդակցություն, որն ուղեկցվել է «Կրթական էքսպո» միջոցառմամբ: Խորհրդակցությանը մասնակցել են Լոռու մարզպետ Արամ Ղազարյանը, ՀՀ Կրթության, գիտության, մշակույթի և սպորտի նախարարի տեղակալ Արաքսիա Սվաջյանը, ԿԳՄՍ նախարարության և Լոռու մարզպետի աշխատակազմի պատասխանատու պաշտոնյաներ: Քննարկվել և ամփոփվել են նախորդ ուսումնական տարվա արդյունքները և առաջիկա անելիքները:
