Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Սպիտակ համայնքում մարզի ղեկավարը ծանոթացել է կապիտալ և սուբվենցիոն ծրագրերի ընթացքին 04.11.2024
Լոռու մարզպետ Արամ Ղազարյանը նոյեմբերի 1-ին շրջայց է կատարել Սպիտակ համայնքի մի շարք բնակավայրերում՝ տնտեսական և սոցիալական ենթակառուցվածքների զարգացմանն ուղղված սուբվենցիոն և պետական միջոցներով իրականացվող ծրագրերի շինհրապարակներում: Տեղակալ Հովհաննես Ավետիսյանի, Սպիտակ համայնքի ղեկավար Քաջայր Նիկողոսյանի, մարզային և համայնքային պատասխանատու պաշոնյաների, վարչական ղեկավարների ուղեկցությամբ դիտարկվել են շինարարական օբյեկտներում կատարվող ընթացիկ աշխատանքները և արդյունքները:
Կառավարությունը որոշում է կայացրել՝ պայմանավորված Հայաստանի Հանրապետության համայնքներից ստացված տնտեսական և սոցիալական ենթակառուցվածքների զարգացմանն ուղղված ծրագրերի արդյունավետ իրականացման ապահովման անհրաժեշտությամբ: Որոշմամբ առաջարկվում է 2024 թվականի բյուջեից ՀՀ մարզպետների աշխատակազմերին հատկացնել 2,903,727.4 հազար ՀՀ դրամ՝ համապատասխան շինարարական կազմակերպությունների նկատմամբ ֆինանսական պարտավորությունները կատարելու համար, որից Լոռու մարզին՝ 2 ծրագրի համար 224 մլն դրամ:
Անցկացվեց Լոռու մարզխորհրդի արտագնա նիստ 31.10.2024
Հոկտեմբերի 30-ին Լոռու մարզի Լոռի Բերդի համայնքապետարանի նորակառույց դահլիճում անցկացվել է Լոռու մարզխորհրդի արտագնա նիստ, որը վարել է մարզպետ Արամ Ղազարյանը: Լոռի Բերդի համայնքապետարանը նորամուտ է տոնել սեպտեմբերին: Այն վերակառուցվել է ՀՏԶՀ պատվիրատվությամբ, կառուցվել է նաև երկրորդ հարկ: Ողջունելով նիստի մասնակիցներին՝ մարզպետի աշխատակազմի ստորաբաժանումների ղեկավարներին, համայնքների ղեկավարներին, վարչական ղեկավարներին և ավագանու անդամներին, մարզպետը նշել է, որ մարզխորհրդի նիստի հրավիրման նպատակը, ըստ ոլորտների, առկա խնդիրների բարձրաձայնումն է և դրանց ուղղությամբ առաջիկայում իրականացվելիք աշխատանքների հստակ ժամկետների սահմանումը, հետևողական քայլերը:
Վանաձորցի ծանրամարտիկ Նարեկ Մկրտչյանը՝ ծանրամարտի Եվրոպայի Մ20 տարեկանների առաջնության հաղթող 31.10.2024
Վանաձորցի Նարեկ Մկրտչյանը Լեհաստանում ընթացող Մ20 տարեկանների ծանրամարտի Եվրոպայի երիտասարդների առաջնությունում 81 կգ քաշային կարգում երկամարտի 341 կգ արդյունքով (150+191 կգ) ոսկե մեդալ է նվաճել:
Արտաշատում հոկտեմբերի 30-ին անց է կացվել «Սպարտակիադա» մարզական միջոցառման ծրագրով նախատեսված հնգամարտի առաջնությունը՝ ՀՀ բոլոր մարզերի և Երևանի հավաքական թիմերի մասնակցությամբ: Թիմերը մրցում էին հետևյալ մրցաձևերում՝ կրոսավազք, վազք, հեռացատկ տեղից, գնդակի նետում, լցոնած գնդակի նետում հեռավորություն:
Երևանի թատրոնի և կինոյի պետական ինստիտուտի Վանաձորի մասնաճյուղի հիմնադրման 20-ամյակի կապակցությամբ Լոռու մարզպետ Արամ Ղազարյանը հյուրընկալել է բուհի տնօրեն Էլֆիք Զոհրաբյանին, պորֆեսորադասախոսական կազմին։ Հանդիպմանը ներկա են եղել նաև Լոռու մարզպետի տեղակալ Հովհաննես Ավետիսյանը, մարզպետի աշխատակազմի կրթության, մշակույթի և սպորտի վարչության պաշտոնյաները։ Շնորհավորելով կրթօջախի հիմնադրման 20-ամյակի առթիվ` Լոռու մարզպետը շնորհակալություն է հայտնել բուհի աշխատակիցներին և տնօրենությանը՝ հայ թատերարվեստի պահպանման, զարգացման և տարածման գործում ունեցած ավանդի, սերունդների գեղագիտական կրթությանն ու դաստիարակությանն ուղղված աշխատանքների համար:
