Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Արամ Ղազարյանի շնորհավորական ուղերձը «Գյուղատնտեսության աշխատողի օրվա» կապակցությամբ 21.10.2024
Լոռու մարզի գյուղատնտեսության ոլորտի հարգելի՛ աշխատողներ, ջերմորեն շնորհավորում եմ ձեզ «Գյուղատնտեսության աշխատողի օրվա» կապակցությամբ: Գյուղատնտեսությունը երկրի զարգացումն ու հասարակության բարեկեցության ապահովումը պայմանավորող կարևորագույն, ռազմավարական նշանակություն ունեցող ոլորտ է, և յուրաքանչյուրիդ փորձը, հմտությունը, տքնանքն ու դրանց արգասիքը մշտապես գտնվում են պետության ու հասարակության ուշադրության կենտրոնում: Գաղտնիք չէ, որ պարենային անվտանգության խնդիրը առաջնային է բոլոր երկրների համար ու այդ անվտագության ապահովման առաջամարտիկները հենց դուք եք, սիրելի՛ գյուղատնտեսներ:
Լոռու մարզպետ Արամ Ղազարյանի շնորհավորական ուղերձը «Տաշիրի օրվա» առթիվ 10.10.2024
Սիրելի՛ տաշիրցիներ, ջերմորեն շնորհավորում եմ «Տաշիրի օրվա» կապակցությամբ: Այսօր Տաշիրը տոնում է հիմնադրման 180-ամյակը: Շուրջ երկու հարյուրամյակ Տաշիր քաղաքը պահպանում է հայի դիմագիծն ու դարերից եկող ազգային սովորությունները՝ վերածելով դրանք կայուն ավանդույթների: Դրանով է նաև Տաշիրը տարբերվել ու այժմ էլ առանձնանում է հանրապետության այլ համայնքներից: Տաշիրցի լինելը մեծագույն հպարտություն է, որը մղում է շենացնելու, է՛լ ավելի լավը դարձնելու սիրելի ծննդավայրը, պահպանելու և հաջորդ սերունդներին փոխանցելու նախնիների նիստուկացը, վարքն ու բարքը:
Լոռու մարզպետ Արամ Ղազարյանի շնորհավորական ուղերձը «Ուսուցչի օրվա» կապակցությամբ 07.10.2024
Սիրելի՛ ուսուցիչներ, շնորհավորում եմ ձեզ «Ուսուցչի օրվա» կապակցությամբ: Մեր ժողովուրդն իր դարավոր պատմության ընթացքում առանձնակի սիրով ու գնահատանքով է վերաբերվել ուսուցչին՝ հասարակական կյանքում նրան վերապահելով ամենապատվավոր տեղը։ Ավելին՝ յուրաքանչյուր հայի համար ուսուցիչ և ծնող բառերը շատ հաճախ նույնացվում են, քանզի դպրոցն ընտանիքի շարունակությունն է, որտեղ երեխաները կրթվում, դաստիարակվում են, հասունանում՝ որպես հասարակության լիարժեք անդամներ:
Լոռու մարզպետ Արամ Ղազարյանի շնորհավորական ուղերձը «Գրադարանավարի օրվա» առթիվ 07.10.2024
Գրադարանային համակարգի հարգելի՛ աշխատակիցներ, շնորհավորում եմ ձեզ մասնագիտական տոնի կապակցությամբ: Գրադարանները մշտապես առանձնահատուկ դեր են ունեցել հասարակության կրթական մակարդակի բարձրացման, հայրենասիրություն, հոգևոր և մշակութային արժեքներ սերմանելու, արժանապատիվ քաղաքացի դաստիարակելու գործում։ Ու այժմ էլ՝ չնայած մեր կյանքի բոլոր ոլորտներում տեղեկատվական տեխնոլոգիաների և հաղորդակցության միջոցների լայն տարածմանը՝ գրադարանները շարունակում են լինել կրթական և գիտական կարևոր ու անփոխարինելի կենտրոններ:
ՀՀ Լոռու մարզպետ Արամ Ղազարյանի շնորհավորական ուղերձը Վանաձորի օրվա կապակցությամբ 04.10.2024
Սիրելի՛ վանաձորցիներ, ջերմորեն շնորհավորում եմ հարազատ քաղաքի տոնի կապակցությամբ: Վանաձորցին աշխատանքի, գիտության, մշակույթի հարգն իմացող քաղաքացի է, ով յուրահատուկ աշխատասիրությամբ ու լավատեսությամբ շարունակում է իր քաղաքի պատմությունը՝ Ղարաքիլիսա-Կիրովական-Վանաձորի լավագույն ավանդույթները՝ նոր, արժանահիշատակ դրվագներ արձանագրելով դրանում: Վանաձորը միշտո յուրահատուկ է եղել իր բնակիչներով` մտավորականներով ու արվեստագետներով, երաժիշտներով, գեղանկարիչներով, արտիստներով, քանդակագործներով ու շինարարներով, մարզիկներով, շատ այլ մասնագիտություններ պատվով կրող կոլորիտային մարդկանցով, որոնցից շատերը, թեև այսօր չկան, սակայն նրանց թողած ահռելի մտավոր ու նյութական ժառանգությունը, նրանց մասին պատմությունները, լիացնում եմ մեր հոգիներն ու հպարտության առիթներ տալիս:
Լոռու մարզպետ Արամ Ղազարյանի շնորհավորական ուղերձը Տարեցների միջազգային օրվա կապակցությամբ 01.10.2024
Թանկագի՛ն տարեցներ, սիրելի՛ ծնողներ, պապիկնե՛ր, տատիկնե՛ր, ջերմորեն շնորհավորում եմ ձեզ Տարեցների միջազգային օրվա առթիվ: Տարեցների միջազգային օրը ձեր զավակների, թոռ ու ծոռների կողմից ձեր նկատմամբ տածած սիրո ու երախտագիտության մատուցման օրն է: Բոլոր զավակների անունից ընդունեք իմ ջերմ շնորհավորանքները Տարեցների միջազգային օրվա առթիվ: Թող ձեր բարի օրհնանքն անպակաս լինի մեզնից: Հայ ընտանիքն ավանդաբար ջերմ վերաբերմունք, անկեղծ հարգանք է ցուցաբերել ընտանիքի մեծի, ավագի նկատմամբ, բազմաթիվ ասացվածքներ ու առածներ ձոնել՝ ընդգծելով տարեցի նկատմամբ հոգատարություն ցուցաբերելու կարևորությունը, անհրաժեշտությունը:
