Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Արամ Խաչատրյանի շնորհավորական ուղերձը Հայոց բանակի օրվա կապակցությամբ 27.01.2023
Սիրելի՛ լոռեցիներ, այսօր մեր փառապանծ Հայոց բանակի օրն է, ինչի կապակցությամբ շնորհավորում եմ բոլորիս, քանզի բանակն է մեր պետության ու պետականության երաշխավորը, մեր ուժն ու հպարտությունը: Այս օրը հավասարապես բոլորինս է՝ սահմանին կանգնած զինվորինը, սպայինն ու գեներալինը, մեր քաջարի զինվորների ծնողներինն ու հարազատներինը և յուրաքանչյուր այն հայինը, ով իր աղոթքներում Աստծուց խաղաղություն և առողջություն է խնդրում հայ զինվորի համար:
Լոռու մարզպետ Արամ Խաչատրյանի Ամանորի շնորհավորական ուղերձը 29.12.2022
Սիրելի՛ լոռեցիներ, թանկագի՛ն բարեկամներ ժամեր անց հրաժեշտ կտանք նաև 2022թ-ին և մտովի կվերհիշենք այն բոլոր իրադարձություններն ու անցուդարձերը, որոնք կթողնենք այս տարում՝ հաջորդ տարին ավելի մեծ հույսերով ու սպասումներով, լավագույն ապագայի հանդեպ ավելի մեծ հավատով ու վստահությամբ սկսելու վճռականությամբ: Մենք ամփոփում ենք տարվա ձեռքբերումները, վերլուծում թերացումները, անդրադառնում այն բոլոր խնդիրներին, որոնք ունեցանք, նախանշում հաջորդ տարվա ծրագրերն ու անելիքները:
ԼՈՌՈՒ ՄԱՐԶՊԵՏ ԱՐԱՄ ԽԱՉԱՏՐՅԱՆԻ ՈՒՂԵՐՁԸ ԱԶԳԱՅԻՆ ԱՆՎՏԱՆԳՈՒԹՅԱՆ ԾԱՌԱՅՈՒԹՅԱՆ ԱՇԽԱՏԱԿՑԻ ՕՐՎԱ ԱՌԹԻՎ 20.12.2022
Ազգային անվտանգության ծառայության հարգելի՛ աշխատակիցներ, այս օրը ևս մեկ առիթ է արժևորելու և գնահատելու մեր երկրի անվտանգության մարմինների աշխատանքն ու գործունեությունը՝ ուղղված մեր Հայրենիքի անվտանգության ապահովմանն ու ամրապնդմանը: Մենք բարձր ենք գնահատում ձեր դերն ու առաքելությունը մեր պետականության անվտանգության ապահովման կարևորագույն գործում: Ձեր գործունեությունը հաճախ անտեսանելի է քաղաքացիների համար, ավելին, ձեր աշխատանքի արդյունքների մասին հանրությունը հաճախ իրազեկվում է տարիներ...
Դեկտեմբերի 3-ը Հաշմանդամություն ունեցող անձանց միջազգային օրն է 02.12.2022
Հաշմանդամություն ունեցող անձանց միջազգային օրն ամբողջ աշխարհում նշվում է դեկտեմբերի 3-ին՝ նպատակ ունենալով հանրության ուշադրությունը կրկին անգամ հրավիրելու հաշմանդամություն ունեցող անձանց խնդիրների նկատմամբ: Իսկ դրանք, չնայած աշխարհի տարբեր երկրներում, այդ թվում և մեր երկրում իրականացվող օրենսդրական բարեփոխումների և իրականացվող աշխատանքների, շատ են:
Լոռու մարզպետ Արամ Խաչատրյանի շնորհավորական ուղերձը Սոցիալական աշխատողի օրվա առթիվ 04.11.2022
Սոցիալական ոլորտի հարգելի՛ աշխատողներ, ջերմորեն շնորհավորում եմ Ձեզ մասնագիտական տոնի` Սոցիալական աշխատողի օրվա կապակցությամբ: Սոցիալական աշխատողի Ձեր ամենօրյա տքնաջան աշխատանքն ուղղված է բնակչության խոցելի խմբերի և նրանց առջև ծառացած սոցիալական խնդիրների լուծմանը, մարդկանց ցավերին ապրումակցելուն և հոգսերը փարատելուն։ Այս ամենը պահանջում է անմնացորդ նվիրում, սրտացավություն և բարձր պատասխանատվություն։ Դժվարին իրավիճակում հայտնված ընտանիքների համար դուք յուրովի հույսի փարոս եք դառնում՝ վստահություն արթնացնելով սեփական ուժերի և վաղվա օրվա նկատմամբ:
Լոռու մարզպետ Արամ Խաչատրյանի շնորհավորական ուղերձը Գրադարանավարի օրվա առթիվ 07.10.2022
Գրադարանային համակարգի հարգելի՛ աշխատակիցներ, սրտանց շնորհավորում եմ ձեզ մասնագիտական տոնի՝ Գրադարանավարի օրվա առթիվ: Այսօր տեղին է ընդգծել ու արժևորել ձեր մեծագույն ներդրումը արժեքավոր գրականության պահպանման ու հատկապես` երեխաների շրջանում գրքերի նկատմամբ սեր արթնացնելու գործում: Դուք առանձնահատուկ հոգատարությամբ եք վերաբերում համաշխարհային գրականության մտքի գոհարներին ու խնամքով դրանք փոխանցում եկող սերունդներին: Ձեր գործը արժանի է բարձր գնահատանքի:
