Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Միջսահմանային համագործակցությունը բարելավելու նպատակով 28.04.2013
Եվրամիության Արևելյան գործընկերության տարածաշրջանային համագործակցության ծրագրի, վերջինիս նպատակների մասին տեղեկատվություն տրամադրելու, քննարկումներ կազմակերպելու նպատակով Լոռու մարզում էին Արևելյան գործընկերության տարածաշրջանային համագործակցության ծրագրի կարողությունների զարգացման փորձագետները: Ապրիլի 26-ին մարզպետարանի դահլիճում նրանք ուսուցողական ծրագրի ներկայացման համար քննարկում էին կազմակերպել մարզպետարանի գյուղատնտեսության և բնապահպանության, Տի և ՀԳՄ վարչությունների,զարգացման ծրագրերի ու վերլուծության բաժնի աշխատակիցների, համայնքերի ղեկավարների, Վանաձորի հասարակական կազմակերպությունների և լրատվամիջոցների մասնակցությամբ:
«Թատրոն-X»-ի կազմակերպիչները հանդիպեցին մարզպետ Արթուր Նալբանդյանի հետ 27.04.2013
Ապրիլի 10-ից մայիսի 2-ը հանրապետությունում անցկացվում է «Թատրոն-X» հանրապետական 6-րդ փառատոնը՝ «Բանավեճի փառատոն, մշակութային միասնություն» կարգախոսի ներքո: Այս տարի փառատոնին մասնակցում են հայաստանյան 17 թատրոններ և թատերախմբեր: Լոռու մարզից փառատոնին մասնակցում են Վանաձորի քաղաքապետարանի տիկնիկային և Հովհաննես Աբելյանի անվան պետական դրամատիկական թատրոննները:
Անցկացվեց Լոռու մարզխորհրդի հերթական նիստը 26.04.2013
Ապրիլի 26-ին Վանաձորի «Լոռի» ժամանցի կենտրոնում անցկացվեց Լոռու մարզխորհրդի հերթական նիստը, որը վարում էր մարզպետ Արթուր Նալբանդյանը: Համայնքներում 2013թ. ապրիլի 1-ի դրությամբ սեփական եկամուտների հավաքագրման և համայնքային հիմնարկներում աշխատավարձերի պարտքերի մարման ընթացքի վերաբերյալ զեկուցմամբ հանդես եկավ Լոռու մարզպետարանի ֆինանսական և սոցիալ-տնտեսական զարգացման վարչության պետ Սևակ Հովհաննիսյանը:
Սուրբ Պատարագ Մեծ Եղեռնի զոհերի հիշատակին 25.04.2013
Ապրիլի 24-ին վաղ առավոտյան Սուրբ պատարագ մատուցվեց Վանաձորի Սուրբ Աստվածածին եկեղեցում: Ապա Գուգարաց թեմի առաջնորդ Սեպուհ արքեպիսկոպոս Չուլջյանի հանդիսապետությամբ հոգևոր դասը հոգեհանգստի կարգ կատարեց եկեղեցու նահատակաց պուրակում տեղադրված հուշակոթողի մոտ՝ նվիրված 1915թ. Հայոց Մեծ եղեռնի զոհերի հիշատակին:
Երթ՝ Եղեռնը դատապարտող կոչերով 24.04.2013
Ապրիլի 23-ին երեկոյան մեկնարկեց Հայոց Մեծ Եղեռնին նվիրված երթ՝ Վանաձորի Սուրբ Գրիգոր Նարեկացի եկեղեցուց մինչև Սուրբ Աստվածածին եկեղեցի: Երթը կազմակերպվել էր «Երիտասարդական հիմնադրամի» Լոռու մարզային կենտրոնի, «Լոռու երիտասարդ սերունդ» հասարակական կազմակերպության, Գուգարաց թեմի և մարզկենտրոնի բուհերի ուսանողական խորհուրդների նախաձեռնությամբ:
Պտղատու այգիներն էական վնաս չեն կրել 23.04.2013
Մարզպետ Արթուր Նալբանդյանն ապրիլի 22-ին անցկացրեց հերթական աշխատանքային խորհրդակցությունը: Ապրիլի երկրորդ կեսին եղանակային անբարենպաստ պայմանները մտահոգվելու առիթ տվեցին հատկապես մարզի գյուղատնտեսներին: Ստեղծված իրավիճակին ծանոթանալու նպատակով մարզի ղեկավարի հանձնարարությամբ գյուղատնտեսության և բնապահպանության վարչության պետ Գրիգոր Հակոբյանը, վարչության աշխատակիցները եղել են համայնքներում: Խորհրդակցության ընթացքում Գ. Հակոբյանը ներկայացրեց այցի արդյունքները:
