Լոռու մարզպետի աշխատակազմ

Դեսպանը մարզի ղեկավարին խնդրեց ծանոթացնել առաջիկա տարիներին մարզում իրականացվելիք ծրագրերին ու հատկապես մարզի զարգացման համար գերակա ուղղություններ համարվող հանքարդյունաբերության, գյուղատնտեսության և տուրիզմի բնագավառներում կատարվող ձեռնարկումներին:
Ա. Նալբանդյանը նախ նշեց, որ Լոռիում հանքարդյունաբերությունը դարերի պատմություն ունի: Նա հանգամանորեն ներկայացրեց, Ախթալայի լեռնահարստացուցիչ կոմբինատի, Ալավերդու «Էյ-Սի-Փի», Արմանիսի «Սագամար» ընկերությունների գործունեությունը: Դեսպանին հատկապես հետաքրքրում էր, թե ինչպես են լուծվում բնապահպանական խնդիրները, քանի որ, գաղտնիք չէ, հանքարդյունաբերությունը ուղեկցվում է նաև բնապահպանական խնդիրներով: Մարզի ղեկավարը վստահեցրեց, որ հանքարդյունահանող ընկերությունները բնությանը հասցված վնասները մեղմելու նպատակով բնապահպանական լուրջ ծրագրեր են իրականացնում: Նա այս առումով կարևորեց նաև հասարակական կազմակերպությունների դերը, որոնց հետ համագործակցությամբ կարելի է հասնել ցանկալի արդյունքի: Ու քանի որ Լոռու մարզպետի հետ հանդիպման ժամանակ ՀՀ-ում ԱՄՆ դեսպան Ջոն Հեֆերնը ևս բարձրաձայնել էր այս խնդրի մասին, Ա. Նալբանդյանն առաջարկեց իր, երկու երկրների դեսպանների, հանքարդյունաբերող ընկերությունների և բնապահպանական ուղղվածություն ունեցող ՀԿ-ների մասնակցությամբ կլոր սեղան- քննարում կազմակերպել՝ խնդրահարույց հարցերը վեր հանելու, քննարկելու նպատակով: Տիկին դեսպանն ի պատասխան նշեց, որ իրենք ևս պատրաստ են աջակցել հանքարդյունաբերողների և հկ-ների միջև համագործակցությանը:
Մարզում գյուղատնտեսության և մասնավորապես՝ անասնապահության բնագավառում իրականացվող ծրագրերը ողջունելով` տիկին դեսպանը կարևորեց ՀՀ կառավարության աջակցությամբ իրականացվող Մոտկորի շրջանում և Ստեփանավանի տարածաշրջանում գյուղատնտեսական կոոպերատիվների, ֆերմերային տնտեսությունների ստեղծումը, անասնապահության և կաթի ու կաթնամթերքի արտադրության զարգացմանը խթանող ձեռնարկումները: Այս առումով նա չբացառեց նաև բրիտանական տարբեր կազմակերպությունների, գործարար ոլորտի հետ համագործակցությունը, տարաբնույթ ծրագրերի իրականացման և ներդրումների հնարավորությունը:
Մարզպետարանի զարգացման ծրագրերի և վերլուծության բաժնի պետ Հասմիկ Մկրտչյանը ներկայացրեց տուրիզմի բնագավառում իրականացվող ծրագրերը, մասնավորապես՝ համագործացկությունը Ֆրանսիայի ՊԱԿԱ և Ռհոն Ալպ ռեգիոնների հետ: Նա նշեց, որ ՊԱԿԱ-ի հետ գործակցության շրջանակներում Թումանյանի տարածաշրջանում ստեղծվել է տուրիստական կենտրոն, որի հանդիսավոր բացումը տեղի կունենա առաջիկայում: Ստեղծվել է նաև «Տուրիզմի զարգացման հիմնադրամ»: Ռհոն Ալպ ռեգիոնի աջակցությամբ ծրագրեր են իրականացվում Ստեփանավանի տարածաշրջանում: Հ.Մկրտչյանը նշեց, որ մարզում տուրիզմի զարգացման նպատակով խրախուսվում է նաև օթևանատների գործունեությունը: Այս ուղղությամբ ևս ծրագրեր են իրականացվում: Տիկին Քեթրին Ջեյն Լիչը կարևոր և ողջունելի համարեց բոլոր նախաձեռնությունները, կատարված աշխատանքները՝ վստահեցնելով, որ դրանք խթան կհանդիսանան տուրիզմի զարգացման համար: Նա ցանկություն հայտնեց ընտանիքով հանգստանալ մարզի որևէ գյուղական համայնքում և խոստացավ առավել հաճախ լինել Լոռու մարզում: