Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արթուր Նալբանդյանի շնորհավորական ուղերձը Ուսանողության միջազգային օրվա կապակցությամբ 17.11.2014
Սիրելի ուսանողներ, ջերմորեն շնորհավորում եմ ձեզ Ուսանողության միջազգային օրվա կապակցությամբ: Կրթության և գիտության բնագավառում տեղի ունեցող արագընթաց զարգացումներն առաջին հերթին մարտահրավեր են երիտասարդության համար՝ պարտավորեցնելով նրանց համաքայլ ընթանալ, ավելին՝ լինել առաջամարտիկի դերում:
Մասնակցենք հայրենաշահ մարաթոնին 13.11.2014
Հարգելի հայրենակիցներ. «Հայաստան» համահայկական հիմնադրամը նախաձեռնել է կարևորագույն մի ծրագիր, որի նպատակն է նպաստել Արցախը Մայր հայրենիքին կապող ավտոմայրուղու կառուցմանը: Այդ նպատակին է ծառայելու Հայաստանի Հանրապետությունում և սփյուռքում անցկացվելիք առաջիկա դրամահավաք մարաթոնը:
Միամսյակ՝ նվիրված հաշմանդամություն ունեցող անձանց 13.11.2014
Հաշմանդամություն ունեցող անձանց հարցերով զբաղվող Լոռու մարզային հանձնաժողովը 2014թ. նոյեմբերի 15-ից մինչև դեկտեմբերի 15-ը հայտարարում է հաշմանդամություն ունեցող անձանց իրավունքների և հիմնահարցերի լուծմանը նվիրված միամսյակ, որի ընթացքում կիրականացվեն մի շարք միջոցառումներ, մասնավորապես՝ կկազմակերպվեն կլոր սեղան-քննարկումներ, հաշմանդամություն ունեցող անձանց ստեղծագործությունների ցուցահանդեսներ, համերգներ, իսկ գրական լավագույն ստեղծագործությունները կտպագրվեն «Լիարժեք կյանք» պարբերականի էջերում:
Քաղաքացիների ընդունելություն 13.11.2014
Նոյեմբերի 13-ին Լոռու մարզպետարանում անցկացվեց քաղաքացիների հերթական ընդունելությունը: Վանաձորից, Գուգարքի, Ստեփանավանի, Թումանյանի տարածաշրջաններից եկած մոտ երկու տասնյակ քաղաքացիների հարցերը լսեց և սպառիչ պատասխաններ տվեց մարզպետ Արթուր Նալբանդյանը: Մարզի բնակիչներին հուզող խնդիրներն այս անգամ ևս հիմնականում սոցիալական բնույթի էին:
«Թումո» կենտրոնի կառուցմանն աջակցելու նպատակով 11.11.2014
Ինչպես հայտնի է, «Շանթ» հեռուստաընկերությունն իր հիմնադրման 20-ամյա հոբելյանի կապակցությամբ, ձեռնմուխ է եղել մի նախագծի իրագործման, որը կարող է նպաստել աղետի գոտում մատաղ սերնդի կրթությանն ու դաստիարակությանը:
Համայնքներում կձևավորվեն երիտասարդական կենտրոններ 11.11.2014
Նոյեմբերի 11-ին Լոռու մարզպետարանում անցկացվեց Լոռու մարզպետին կից երիտասարդական խորհրդի հերթական նիստը, որը վարում էր խորհրդի նախագահ, մարզպետ Արթուր Նալբանդյանը:
