Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«ՀՀ Լոռու մարզպետի գավաթ-2017» 17.05.2017
Մայիսի 19-ին Վանաձորի մարզահամալիրի մարզադահլիճում կմեկնարկի Լոռու մարզպետի ավանդական դարձած ֆուտզալի գավաթի 6-րդ խաղարկությունը: Այսօր հայտագրված թիմերի ներկայացուցիչների և մրցավարների մասնակցությամբ մարզպետարանի դահլիճում տեղի ունեցավ առաջնության կազմկոմիտեի անդրանիկ նիստը Լոռու մարզպետի տեղակալ Տիգրան Բադոյանի նախագահությամբ:
Մայիսի 15-ին աշխատանքային այցով Լոռու մարզում էին ՀՀ գյուղատնտեսության նախարար Իգնատի Առաքելյանը ու Կրթության և գիտության նախարար Լևոն Մկրտչյանը: Նրանք մարզպետ Արթուր Նալբանդյանի ուղեկցությամբ եղան Վանաձորի պետական գյուղատնտեսական քոլեջում:
Մայիսի 15-ը ընտանիքի միջազգային օրն է Լոռու մարզպետ Արթուր Նալբանդյանի շնորհավորական ուղերձը 12.05.2017
Հարգելի բարեկամներ, ջերմորեն շնորհավորում եմ Լոռու ազգաբնակչությանը՝ Ընտանիքի միջազգային օրվա առթիվ. առանձնակի հարգանքով՝ ընտանիքի սյուն և ապավեն հայրերին, ջերմագին խոնարհումով՝ օջախների սերն ու հոգատարությունը պահպանող մայրերին, ընտանիքի հույսն ու լույսն ամփոփող զավակներին, խորին երախտագիտությամբ՝ պապիկներին ու տատիկներին:
Այսօր աշխատանքային այցով Լոռու մարզում էր ՀՀ աշխատանքի և սոցիալական հարցերի նախարար Արտեմ Ասատրյանը: Լոռու մարզպետ Արթուր Նալբանդյանի ուղեկցությամբ նախարարը նախ եղավ Վանաձորի մանկատանը, ծանոթացավ երեխաների խնամքի պայմաններին, իրականացվող աշխատանքներին, ապա այցելեց Վանաձորի երեխաների խնամքի և պաշտպանության թիվ 1 գիշերօթիկ հաստատություն, այնուհետև նաև՝ Հայկական Կարիտաս բարեսիրական հասարակական կազմակերպության Վանաձորի «Փոքրիկ խշխան» երեխաների ցերեկային խնամքի կենտրոն, որտեղ նույնպես ծանոթացավ երեխաների հետ տարվող աշխատանքներին, ստեղծված պայմաններին:
Քաղաքացիների ընդունելություն 11.05.2017
Մայիսի 11-ին մարզպետ Արթուր Նալբանդյանն անցակցրեց քաղաքացիների հերթական ընդունելությունը: Մարզի ղեկավարին սոցիալական, առողջապահական, աշխատանքի տեղավորման, հողային, կոմունալ-կենցաղային տարաբնույթ խնդիրներով դիմեց շուրջ 40 քաղաքացի Վանաձորից, Գուգարքի, Սպիտակի, Թումանյանի տարածաշրջաններից: Նրանց հարցերին առավել սպառիչ պատասխաններ տալու նպատակով ընդունելությանը մասնակցում էին նաև մարզպետարանի պատասխանատու պաշտոնյաներ: Նրանց հարցերին տրվեցին պատասխաններ օրենքով սահմանված կարգով:
ՀԱՅՏԱՐԱՐՈՒԹՅՈՒՆ 11.05.2017
Հարգելի գործընկերներ, Ի կատարումն 2017 թվականի ապրիլի 20-ին ՀՀ կառավարության նիստի ընթացքում ՀՀ վարչապետի տրված հանձնարարականի և հաշվի առնելով, որ Հայաստանում արդեն իսկ մեկնարկել է զբոսաշրջային ակտիվ սեզոնը ՀՀ տնտեսական զարգացման և ներդրումների նախարարության Զբոսաշրջության պետական կոմիտեն` կարևորելով համաշխարհային զբոսաշրջային շուկայում Հայաստանի, որպես զբոսաշրջության համար բարենպաստ և գրավիչ երկրի նկարագրի ձևավորումը, «ՄաքուրՀայաստան» ծրագրի շրջանակներում հայտարարում է արշավ, որի նպատակն է ՀՀ քաղաքացուն ակտիվ մասնակից դարձնել «ՄաքուրՀայաստան» ծրագրին։
