Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Աշխատանքային այց Գյուլագարակ խոշորացված համայնք
17.12.2018
Դեկտեմբերի 15-ին մարզպետի տեղակալ Սերգեյ Սարուխանյանը մարզպետարանի պատասխանատու պաշտոնյաների ուղեկցությամբ այցելեց Գյուլագարակ խոշորացված համայնք՝ հանդիպում ունենալով համայնքի ղեկավարի և աշխատակազմի հետ, այնուհետև մասնակցություն ունենալով Գյուլագարակ համայնքի ավագանու հերթական նիստին, որին մասնակցում էին նաև համայնքի վարչական ղեկավարները:
Գյուլագարակ համայնքի ղեկավար Մհեր Գևորգյանը առաջարկեց հարկերի բնականոն վճարման համար գործող օրենքների սահմաններում մշակել լրացուցիչ մեխանիզմներ: Առաջարկին կողմ էին նաև ներկաները:
Փոխմարզպետ Ս.Սարուխանյանը նշեց, որ սեփական եկամուտների հավաքագրումը մինչև տարեվերջ անհրաժեշտ է իրականացնել նախատեսված ծավալով: Առաջարկվեց խիստ անհրաժեշտության դեպքում, իրավաբանի մասնակցությամբ, բացատրական աշխատանքներ կատարելու նպատակով առանձին բնակավայրերում կազմակերպել հանդիպումներ: Ս. Սարուխանյանը պարզաբանեց, որ սեփական եկամուտների բարձր տոկոս հավաքած համայնքները կունենան որոշակի արտոնություններ նոր ծրագրերի ներգրավման առումով:
Այնուհետև այցելություն կատարվեց Կուրթան համայնքի անասնաբուժական կենտրոն,որտեղ փոխմարզպետը հանդիպում ունեցավ գլխավոր անասնաբույժ Ցոլակ Սոֆյանի հետ: Քննարկվեցին նորաստեղծ անասնաբուժական կետի հետագա գործունեության, վերջինիս զարգացման հետ կապված հարցեր
Փոխմարզպետ Ս.Սարուխանյանը կարևորեց անասնաբուժական կետի գործունեությունը և հույս հայտնեց, որ այն կնպաստի համայնքում անասնաբուծության զարգացմանը:
