Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կաթնաջուր համայնքի միջնակարգ դպրոցում բացվեց «Սմարթ» դասարան
21.12.2018
Լոռու մարզում այսօր բացվեց 22-րդ «Սմարթ» դասարանը, այս անգամ՝ «Յունիբանկի» ֆինանսավորմամբ: Վերջինս «Սմարթ» դասարանի շինարարությունը նախաձեռնել է ավերիչ երկրաշարժի 30-րդ տարելիցի առիթով՝ ընտրելով դպրոց հենց Սպիտակի տարածաշրջանում: Դասարանի հանդիսավոր բացմանը ներկա էին մարզպետի տեղակալ Արշակ Հովսեփյանը, մարզպետարանի կրթության, մշակույթի և սպորտի վարչության պետի պաշտոնակատար Ռաֆայել Հարությունյանը, «Յունիբանկի» ներկայացուցիչները, համայնքի ղեկավար Արմեն Պապոյանը, այլ հյուրեր:
Վարչության պետի պաշտոնակատարը շնորհակալություն հայտնեց «Յունիբանկի» ներկայացուցիչներին ծրագրի իրականացման համար՝ հույս հայտնելով, որ այն շարունակական բնույթ կկրի: Դպրոցի աշակերտները «Սմարթ» դասարանում, ժամանակակից տեխնոլոգիաների կիրառմամբ բաց դաս վարեցին: Ռաֆայել Հարությունյանն իր հերթին պատրաստակամություն հայտնեց միջնորդել, որպեսզի դպրոցի ուսուցիչը վերապատրաստվի Վանաձորի տեխնոլոգիական կենտրոնում՝ դասարանը առավելագույն ներուժով օգտագործելու նպատակադրմամբ: Նա նաև շրջայց կատարեց դպրոցում, ծանոթացավ դպրոցի պայմաններին, կրթական գործընթացին:
Հայաստանի Հանրապետություն, Երեւան 0010, Հանրապետության Հրապարակ, Կառավարական տուն 3
mta@mta.gov.am
Վերջին թարմացումը՝ 2024-04-19 17:46:36