Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Աշխատանքային խորհրդակցություն 05.10.2018 05.10.2018
Հոկտեմբերի 5-ին կայացավ աշխատանքային խորհրդակցություն: Օրակարգում երեք հարց էր: Լոռու մարզպետարանի գլխավոր քարտուղար Նարեկ Սարգսյանը նախ տեղեկացրեց, որ Լոռու նախկին մարզպետ Հրանտ Մարգարյանի հրաժարականի դիմումից հետո կառավարության նիստում մարզպետի նշանակման մասին որևէ հայտարարություն չհնչեց, ուստի հաշվի առնելով այդ հանգամանքը՝ Լոռու փոխմարզպետներից նա, ով ամենաերկարն է աշխատում այդ պաշտոնում, օրենքի ուժով ժամանակավորապես ստանձնելու է մարզպետի պաշտոնը:
«Բերքի տոնը»՝ հոկտեմբերի 20-ին 04.10.2018
Հոկտեմբերի 20-ին, ժամը 12-ին Վանաձորի Հայքի հրապարակում տեղի կունենա ավանդական դարձած տոնահանդեսը և գյուղմթերքների տոնավաճառ: Կցուցադրվեն մարզի գյուղական համայնքներից բերված բերքն ու բարիքը, տեղական արտադրության մթերքներ, տոհմային անասուններ, գյուղտեխնիկա, այլ արտադրանքներ ու ծառայություններ: Տոնական տրամադրություն կապահովեն մարզի գեղարվեստական խմբերը և անհատ կատարողներ: Սիրով սպասում ենք Ձեզ մասնակցելու այս գեղեցիկ տոնակատարությանը:
Այսուհետ ևս գործելու եմ հանուն մեր պետականության ամրապնդման 04.10.2018
Հարգելի՛ լոռեցիներ, ստեղծված քաղաքական նոր իրավիճակի թելադրանքով, աշխատանքից ազատվելու դիմում եմ ներկայացրել ՀՀ վարչապետ պարոն Նիկոլ Փաշինյանին: Լոռու մարզպետի պաշտոնում ընդամենը չորս ամիս տևած իմ գործունեությունն անցավ աշխատանքային անչափ լարված ծանրաբեռնվածությամբ: Անընդմեջ այցելությունները համայնքներ, շարունակական ծրագրերի իրականացմանն ուղղված խորհրդակցություններն ու տեղերում շրջայցերը, գործնական տարբեր հանդիպումները, սահմանված օրերին և գրաֆիկից դուրս հարյուրավոր քաղաքացիների ընդունելությունը, տարբեր միջոցառումներին մասնակցելը և այլ բազմաբնույթ անհրաժեշտ գործեր, մեծ ծանրաբեռնվածություն էին, որը ես կրեցի տոկալով՝ մեր ժողովրդի, Հանրապետության կառավարության ու ինձ մարզպետի պաշտոնում առաջադրած քաղաքական ուժի նկատմամբ մեծ պատասխանատվությամբ:
Պարգևատրվեցին մարզիկիներն ու նրանց մարզիչները 03.10.2018
Այսօր Լոռու մարզպետարանում մարզպետ Հրանտ Մարգարյանը պատվոգրեր և դրամական պարգևներ հանձնեց 2018թ ընթացքում միջազգային տարբեր մրցաշարերում Լոռու մարզը հաջողությամբ ներկայացրած մարզիկներին և նրանց մարզիչներին: Նա շնորհավորեց մարզիկներին հաղթանակների կապակցությամբ և շնորհակալություն հայտնեց նրանց միջազգային հարթակում մարզի պատիվը բարձր պահելու համար:
Անկացվեց «Բերքի տոն-2018» միջոցառման աշխատանքային խմբի նիստը 02.10.2018
Հոկտեմբերի 2-ին Լոռու մարզպետարանում անցկացվեց Լոռու մարզային «Բերքի տոն-2018» միջոցառման աշխատանքային խմբի նիստը, որը վարում էր խմբի ղեկավար, մարզպետի տեղակալ Արամ Խաչատրյանը:
Վանաձորի տարեցների տան հյուրն էր Լոռու մարզպետը 01.10.2018
Տարեցների միջազգային օրվա կապակցությամբ այսօր մարզպետ Հրանտ Մարգարյանը, մարզպետարանի առողջապահության և սոցիալական ապահովության վարչության սոցիալական ապահովության բաժնի պետ Վալերի Ջաղինյանը և այլ պաշտոնյաներ հյուրընկալվեցին Վանաձորի տարեցների տանը, որտեղ մարզպետարանի ֆինանսական աջակցությամբ տոնական հյուրասիրություն էր կազմակերպվել այստեղի բնակիչների համար:
