Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քննարկվել են անտառպահպանությանն ու անտառվերականգնմանն ուղղված միջոցառումները 14.11.2023
Լոռու մարզպետ Արամ Խաչատրյանն այսօր ընդունել է Անտառային կոմիտեի նախագահ Վլադիմիր Կիրակոսյանին, առաջին տեղակալ Վարդան Սարգսյանին և «Հայանտառ» ՊՈԱԿ-ի տնօրեն Սևակ Մարկոսյանին: Հանդիպմանը մասնակցել են նաև Լոռու մարզպետի տեղակալ Գոռ Ասրյանը, աշխատակազմի գյուղատնտեսության և շրջակա միջավայրի պահպանության վարչության պետ Արուս Թումանյանը, պատասխանատու այլ պաշտոնյաներ: Հանդիպման ընթացքում քննարկվել են ապօրինի անտառահատումների կանխարգելման, անտառտնկման և անտառվերականգնման աշխատանքներին ուղղված մի շարք հարցեր:
Լոռու մարզը ճանաչվել է «Տարվա կրթական մարզ»՝ «Կորիզ»-2023 համադպրոցական մրցույթում 10.11.2023
Ալավերդու թիվ 12 հիմնական դպրոցում տեղի ունեցավ «Կորիզ»- 2023 մրցույթի «Տարվա կրթական մարզ» մրցանակի հանձնման հանդիսավոր արարողությունը, որին ներկա էին Լոռու մարզպետի տեղակալ Գոռ Ասրյանը, մարզպետի աշխատակազմի կրթության, մշակույթի և սպորտի վարչության պետ Արամ Գրիգորյանը, «Կորիզ» կրթական կենտրոնի հիմնադիր Սուրեն Ալոյանը։ Արդեն երրորդ տարին իրականացվող «Կորիզ» համադպրոցական մրցույթն այս տարի պատրաստել էր հատուկ նոմինացիա՝ «Տարվա կրթական մարզ»։
ՏԻՄ օրվա կապակցությամբ Լոռու մարզպետ Արամ Խաչատրյանը ներկա է եղել հանդիսավոր նիստի 10.11.2023
Լոռու մարզպետ Արամ Խաչատրյանն այսօր Տեղական ինքնակառավարման օրվա կապակցությամբ ներկա է եղել հանդիսավոր նիստի, որին մասնակցում էին փոխվարչապետ Տիգրան Խաչատրյանը, նախարար Գնել Սանոսյանը, Երևանի քաղաքապետ Տիգրան Ավինյանը, մյուս մարզերի մարզպետները, համայնքապետեր և միջազգային կառույցների ներկայացուցիչներ։ Նախարարը ողջունել է բոլորին և շնորհավորել Տեղական ինքնակառավարման համակարգի ձևավորման 27-ամյակի կապակցությամբ։ «ՏԻՄ բոլոր ներկայացուցիչներին շնորհավորում եմ այս կարևոր տոնի առթիվ՝ մաղթելով հաջողություններ և հաստատակամություն իրենց պատվաբեր և պատասխանատու գործում:
Լոռու մարզը` ՀՀ Ազգային Ժողովի գավաթի խաղարկության հանրապետական փուլի բացարձակ հաղթող 09.11.2023
Նոյեմբերի 8-9-ը Վանաձորի աթլետիկայի մասնագիտացված մարզադպրոցում անցկացվեց. ՀՀ Ազգային Ժողովի գավաթի խաղարկության հանրապետական փուլը, որին մասնակցում էին ՀՀ բոլոր մարզերի և Երևանի մարզային փուլում հաղթող ճանաչված 4-6 դասարանների թիմերը: Լոռու մարզային փուլի հաղթող էին ճանաչվել և մարզը ներկայացրեցին Վանաձորի թիվ 1 հիմնական դպրոցը (4-րդ դասարան ՝ուսուցիչ Էռնա Դալլաքյան) Վանաձորի թիվ 28 հիմնական դպրոցը(5-րդ դասարան՝ ուսուցիչ Լյովա Հարությունյան) Տաշիրի թիվ 1 հիմնական դպրոցը( 6-րդ դասարան՝ուսուցիչ Սերգեյ Գիքինյան)
«Երբ ոգուց է ծնվում երգը» 08.11.2023
Ալավերդու «Լազուր» ժողգործիքների համույթի «Երբ ոգուց է ծնվում երգը» խորագիրը կրող համերգային երեկոյին, նոյեմբերի 7-ին ներկա են եղել մարզպետի աշխատակազմի պաշտոնայներ: Լոռու մարզպետի խորհրդական Կարեն Ավետիսյանը մարզպետ Արամ Խաչատրյանի և իր անունից շնորհավորել է համույթին՝ փայլույն կատարումների համար և հանձնել մարզպետի շնորհակալագիր:
Պարգևատրումներ՝ Սոցիալական աշխատողի օրվա կապակցությամբ 07.11.2023
Սոցիալական աշխատողի օրվա կապակցությամբ այսօր մարզպետ Արամ Խաչատրյանը հյուրընկալել էր ՀՀ աշխատանքի և սոցիալական հարցերի նախարարության Միասնական սոցիալական ծառայության տարածքային կենտրոնների աշխատակիցներին, մարզպետի աշխատակազմի սոցիալական ոլորտի գործառույթներ ունեցող պաշտոնյաներին, համայնքապետարանների սոցիալական աշխատողներին, մի խումբ աշխատակիցների, ովքեր մեծագույն ջանքեր են ներդրել հատկապես Լեռնային Ղարաբաղից բռնի տեղահանված քաղաքացիների առաջնային խնդիրների կարգավորման հարցում:
