Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ԿԳՄՍ նախարարն ու Լոռու մարզպետը շնորհավորել են Ալավերդու դպրոցականներին 03.06.2024
ԿԳՄՍ նախարար Ժաննա Անդրեասյանը, Լոռու մարզպետ Արամ Ղազարյանը, Լոռու մարզպետի աշխատակազմի պատասխանատու պաշտոնյաներ հունիսի 1-ին՝ Երեխաների պաշտպանության միջազգային օրվա կապակցությամբ, այցելել են Ալավերդի համայնքի Մ. Թանդիլյանի անվան թիվ 10 և Հովհ. Թումանյանի անվան թիվ 2 հիմնական դպրոցներ:
ՏԿԵ նախարար Գնել Սանոսյանի, Լոռու մարզպետ Արամ Ղազարյանի ուղեկցությամբ դիվանագիտական ներկայացուցչությունների և միջազգային կազմակերպությունների ավելի քան 40 ներկայացուցիչներ մայիսի 31-ին եղել են աղետի գոտում։ Հանդիպմանը ներկա են եղել ԱԳՆ փոխնախարար Վահան Կոստանյանը, ՆԳՆ Փրկարար ծառայության տնօրեն-ներքին գործերի նախարարի տեղակալ Կամո Ցուցուլյանը, ՄԻՊ Անահիտ Մանասյանը, ԱԺ պատգամավոր Արեն Մկրտչյանը, պաշտոնատար այլ անձինք:
ՏԿԵ նախարար Գնել Սանոսյանի, Լոռու մարզպետ Արամ Ղազարյանի ուղեկցությամբ դիվանագիտական ներկայացուցչությունների և միջազգային կազմակերպությունների ավելի քան 40 ներկայացուցիչներ այսօր այցելել են աղետի գոտի։ Նրանց է ներկայացվում աղետից վնասված թաղամասերի խնդիրները, վնասների չափը։
Ամփոփիչ խորհրդակցություն 31.05.2024
Լոռու մարզպետ Արամ Ղազարյանի գլխավորությամբ մայիսի 30֊ին՝ ուշ երեկոյան, անց է կացվել ամփոփիչ խորհրդակցություն, որին ներկա են եղել Քաղաքաշինության կոմիտեի նախագահ Եղիազար Վարդանյանը, ՀՎԿԱԿ, Սննդի անվտանգության պետական տեսչական մարմնի, ՀՀ ՏԿԵ նախարարության, Ճանապարհային դեպարտամենտի, ՀԷՑ, «Գազպրոմ Արմենիա»ՓԲԸ, Լոռու մարզպետի աշխատակազմի, Ալավերդու համայնքապետարանի պատասխանատու պաշտոնյաներ։ Ամփոփվել են օրվա ընթացքում իրականացված աշխատանքները, տրված հանձնարարականների կատարման արդյունքները։
Մարզպետը խորհրդակցություն է անցկացրել գույքագրման հանձնաժողովի մասնակցությամբ 30.05.2024
Լոռու մարզպետ Արամ Ղազարյանը մայիսի 29-ին խորհրդակցություն է անցկացրել ջրհեղեղից տուժած բնակավայրերում վնասների չափերը գույքագրելու նպատակով ստեղծված հանձնաժողովի աշխատանքային խմբի հետ: Մարզի ղեկավարը ծանոթացել է հանձնաժողովի կողմից կատարվող աշխատանքներին, տվել մի շարք հանձնարարականներ:
Անցկացվել է օպերատիվ շտաբի ընդլայնված նիստ 30.05.2024
Մայիսի 29֊ին անց է կացվել օպերատիվ շտաբի ընդլայնված կազմով հերթական նիստը, որին մասնակցել են Լոռու մարզպետ Արամ Ղազարյանը, ՆԳՆ փրկարար ծառայության տնօրեն Կամո Ցուցուլյանը, ՀՀ էկոնոմիկայի փոխնախարար Արման Խոջոյանը, ՀՀ առողջապահության փոխնախարար Լևոն Հակոբյանը, այլ պաշտոնատար անձինք։ Նախարարին զեկուցվել են օրվա անելիքները և առավոտյան տրված հանձնարարականների կատարման արդյունքը։ ՆԳՆ փրկարար ծառայության տնօրեն Կամո Ցուցուլյանը տեղեկացրել է, որ Թումանյան փողոցի մաքրման աշխատանքները 90 տոկոսով ավարտվել են։ Մնացած հատվածներում աշխատանքները մեծ ինտենսիվությամբ շարունակվում են։ Էկոնոմիկայի փոխնախարար Արման Խոջոյանը զեկուցել է անասնահամաճարակային իրավիճակի բացառման և կառավարման ուղղությամբ կատարվող աշխատանքների մասին: Առողջապահության փոխնախարար Լևոն Հակոբյանը զեկուցել է բնակիչներին անհրաժեշտ դեղորայքով ապահովելու և առողջապահական ուղղությամբ տարվող աշխատանքները։
