Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ալավերդի համայնքի և է Ֆրանսիայի Հանրապետության Գարդան քաղաքի միջև համագործակցություն կստեղծի 17.09.2024
Ալավերդի համայնքի ղեկավար Դավիթ Ղումաշյանը Ալավերդու համայնքապետարանում հյուրընկալել է Ֆրանսիայի Հանրապետության Գարդան քաղաքի պատվիրակությանը՝ քաղաքապետ Հերվե Գրանիերի գլխավորությամբ։ Հանդիպմանը մասնակցել են ԱԺ պատգամավոր Արեն Մկրտչյանը, Լոռու մարզպետի տեղակալ Գոռ Ասրյանը, Ալավերդու համայնքապետարանի պատասխանատու պաշտոնյաներ, ավագանու անդամներ: Ալավերդու համայնքապետարանում կայացած հանդիպմանը քննարկվել են երկու քաղաքների գործակցությանը, քույր քաղաքներ դառնալու, համատեղ ծրագրերի իրականացմանն ուղղված մի շարք հարցեր և նախաձեռնություն է ցուցաբերվել առաջիկում Ալավերդու համայնքապետարանի պատվիրակության փոխադարձ այցի շրջանակներում կնքելու համագործակցության հուշագիր:
Լոռու մարզպետի տեղակալ Հովհաննես Ավետիսյանը և Լոռու մարզպետի աշխատակազմի գյուղատնտեսության և շրջակա միջավայրի պահպանության վարչության պետ Արուս Թումանյանը Չինաստանի Ժողովրդական Հանրապետության Շանսի նահանգի Թայյուան քաղաքում մասնակցել են ամենամյա «Էներգիայի ցածրածխածնային զարգացման ֆորումին»։ Ֆորումն այս տարի կրել է «Էներգիա․ նոր արտադրողական ուժ՝ հանուն մաքուր և գեղեցիկ աշխարհի» խորագիրը: Միջոցառումը բարձրաստիճան երկխոսության, գիտատեխնոլոգիական նվաճումների ներկայացման և էներգետիկ ոլորտում միջազգային համագործակցության հարթակ է։
Սեպտեմբերի 13-ին Լոռու մարզի 94 դպրոցներ (միջնակարգ, ավագ դպրոցներ, վարժարաններ) ԿԳՄՍ նախարարության կողմից նվեր ստացան 2-ական հեծանիվներ և սաղավարտներ՝ «ՀՀ վարչապետի գավաթ» խճուղային հեծանվավազքի սիրողական մրցաշարին նախապատրաստվելու նպատակով: Լոռու մարզպետի տեղակալ Գոռ Ասրյանը և Լոռու մարզպետի աշխատակազմի կրթության, մշակույթի և սպորտի վարչության պետ Գարեգին Քարհանյանը հեծանիվների բաշխման ընթացքում կրթական հաստատությունների ներկայացուցիչներին շնորհավորեցին մարզական նոր գույք ստանալու կապակցությամբ և հույս հայտնեցին, որ ֆիզկուլտուրայի դասերն այսուհետ առավել բովանդակալից կընթանան:
«Դպրոցական բաժանորդային համակարգ» ծրագրի Էքսպո-արշավը Վանաձորում 16.09.2024
Սեպտեմբերի 14-ին Վանաձորի Հովհաննես Աբելյանի անվան պետական դրամատիկական թատրոնում ՀՀ կրթության, գիտության, մշակույթի և սպորտի նախարարության նախաձեռնությամբ և Լոռու մարզպետի աշխատակազմի հետ համագործակցությամբ կազմակերպվել էր «Դպրոցական բաժանորդային համակարգ» ծրագրի Էքսպո-արշավ, որին իրենց ուրույն տաղավարներով ներկայացել էին Լոռու մարզի մշակութային օջախները: Մասնակցում էին մարզի դպրոցների աշակերտներն ու ուսուցչական կոլեկտիվները: Ինչպես հայտնի է, ԿԳՄՍ նախարարությունը, հիմք ընդունելով պետական քաղաքականության առաջնահերթությունները և ոլորտային ռազմավարական գերակայությունները, 2024-2025 թթ. ուսումնական տարին հայտարարել է մշակութային կրթության տարի: Նախաձեռնությունը նպատակ ունի ընդլայնել մշակույթի դերը կրթական գործընթացներում՝ նպաստելով դպրոցականների՝ հանրակրթության պետական չափորոշչով սահմանված առանցքային կարողունակությունների, ազգային արժեհամակարգի ձևավորմանը:
«Դպրոցական բաժանորդային համակարգ» ծրագրի Էքսպո-արշավը Վանաձորում 16.09.2024
Սեպտեմբերի 14-ին Վանաձորի Հովհաննես Աբելյանի անվան պետական դրամատիկական թատրոնում ՀՀ կրթության, գիտության, մշակույթի և սպորտի նախարարության նախաձեռնությամբ և Լոռու մարզպետի աշխատակազմի հետ համագործակցությամբ կազմակերպվել էր «Դպրոցական բաժանորդային համակարգ» ծրագրի Էքսպո-արշավ, որին իրենց ուրույն տաղավարներով ներկայացել էին Լոռու մարզի մշակութային օջախները: Մասնակցում էին մարզի դպրոցների աշակերտներն ու ուսուցչական կոլեկտիվները: Ինչպես հայտնի է, ԿԳՄՍ նախարարությունը, հիմք ընդունելով պետական քաղաքականության առաջնահերթությունները և ոլորտային ռազմավարական գերակայությունները, 2024-2025 թթ. ուսումնական տարին հայտարարել է մշակութային կրթության տարի:
Այցելություն է կատարվել Ջրաշենի և Ուրասարի տնկարաններ 13.09.2024
ՀՀ Կենտրոնական բանկը, Հայաստանի Բանկերի միությունը և հանրապետության 18 առևտրային բանկերը՝ «Իմ անտառ Հայաստանի» հետ համագործակցությամբ, 2023թ.-ին հայկական դրամի 30-ամյակի առթիվ հիմնել են 50 հա նոր անտառ՝ Լոռու մարզի Ջրաշեն և Ուրասար բնակավայրերում՝ տնկելով 160 000 ծառ (կաղնի, թխկի, հաճարենի, լորենի, վայրի տանձ, վայրի խնձոր, ընկուզենի, բոխի և այլ ծառատեսակներ)։ Հիմնված անտառը, որպես մնայուն արժեք, խորհրդանշելու է ազգային արժույթի հարատևությունը։
