Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արամ Ղազարյանը հունվարի 7-ին աշխատանքային այցով եղել է Վանաձորի «Գուգարք» կենտրոնական և թիվ 5 պոլիկլինիկաներում: Շրջայցին մասնակցում էր Լոռու մարզպետի աշխատակազմի առողջապահության և սոցիալական ոլորտի հարցերի վարչության պետ Ռուզաննա Պողոսյանը: Այցերի ընթացքում Արամ Ղազարյանը շրջել է համաբուժարանների աշխատասենյակներով, զրուցել է բուժաշխատողների հետ, քննարկել համաբուժարանների կարիքներն ու առաջիկա ծրագրերը: Մարզի ղեկավարը զրուցել է նաև բուժառուների հետ, հետաքրքրվել մատուցվող ծառայությունների մակարդակով և նրանց առողջական վիճակով:
Հայ առաքելական եկեղեցին տոնում է Հիսուս Քրիստոսի Ծնունդը 07.01.2025
Հունվարի 6-ին Հայ առաքելական եկեղեցին տոնում է Հիսուս Քրիստոսի Ծնունդը՝ Աստվածահայտնության տոնը: Տոնի առթիվ մատուցվեց Սուրբ Ծննդյան Պատարագ առաջնորդանիստ Սուրբ Գրիգոր Նարեկացի եկեղեցում՝ ձեռամբ Գուգարաց թեմի առաջնորդ գերաշնորհ Տեր Հովնան եպիսկոպոս Հակոբյանի: Պատարագին ներկա էին Լոռու մարզպետի տեղակալ Հովհաննես Ավետիսյանը, Վանաձոր համայնքի ղեկավարի պաշտոնակատար Արկադի Փելեշյանը, Լոռու մարզպետի աշխատակազմի և Վանաձորի համայնքապետարանի պաշտոնյաներ, հավատացյալներ:
Հունվարի 7-ին Լոռու մարզպետ Արամ Ղազարյանն անցկացրել է աշխատանքային խորհրդակցություն՝ մարզպետի տեղակալներ Գոռ Ասրյանի, Հովհաննես Ավետիսյանի, աշխատակազմի կառուցվածքային ստորաբաժանումների ղեկավարների, պատասխանատու այլ պաշտոնյաների մասնակցությամբ: Ամփոփելով 2024թ. իրականացված աշխատանքները՝ մարզի ղեկավարն ընդհանուր առմամբ, ըստ տարբեր ոլորտների, դրական է գնահատել կատարվածը: Այսուհանդերձ, ընդգծել է, որ անցած տարում մի շարք խնդիրներ դեռևս մնացել են չլուծված և արդեն այս տարի անհրաժեշտ է կրկնապատկել ջանքերը բոլոր ուղղություններով առավել բարձր ցուցանիշներ արձանագրելու և առկա խնդիրներին հիմնավոր լուծումներ տալու նպատակով:
Հարգանքի տուրք՝ Ամանորի և Սուրբ Ծննդյան տոնի նախօրեին 03.01.2025
Այսօր՝ դեկտեմբերի 31–ին, Լոռու մարզպետ Արամ Ղազարյանը Գուգարաց թեմի առաջնորդ Գերաշնորհ Տեր Հովնան եպիսկոպոս Հակոբյանի, Վանաձոր համայնքի ղեկավարի պաշտոնակատար Արկադի Փելեշյանի, մարզային և համայնքային իշխանության ներկայացուցիչների հետ այցելել են Վանաձորի զինվորական պանթեոններ՝ հարգանքի տուրք մատուցելու հայրենիքի համար նահատակված հայորդիների հիշատակին:
Լոռու մարզպետ Արամ Ղազարյանը դեկտեմբերի 30-ին հյուրընկալել է մարզի խնամատար ընտանիքներին և նրանց հոգեզավակներին, շնորհավորել գալիք Ամանորի և Սուրբ Ծննդյան տոնի կապակցությամբ: Միջոցառմանը ներկա էին նաև Լոռու մարզպետի աշխատակազմի առողջապահության և սոցիալական ոլորտի հարցերի վարչության պատասխանատու պաշտոնյաները: Հանդիպման ընթացքում մարզի ղեկավարը կարևորել է խնամատար ընտանիքների դերը դժվարին իրավիճակում հայտնված երեխաների կյանքում, շնորհակալություն հայտնել ծնողներին անձնվիրության համար:
Մարզի ղեկավարի շնորհավորանքին է արժանացել հունվարի 1-ին 100-ամյակը բոլորած Մարուս Սարգսյանը 03.01.2025
Լոռու մարզպետ Արամ Ղազարյանի հանձնարարությամբ մարզպետի տեղակալ Հովհաննես Ավետիսյանը, մարզպետի աշխատակազմի գլխավոր քարտուղար Կամո Աշրաֆյանը առաջին աշխատանքային օրն այցելել են հունվարի 1-ին մեկ դարը բոլորած Մարուս Սարգսյանին, ջերմորեն շնորհավորել նրան մարզի ղեկավարի կողմից: Պաշտոնյաները տատիկին մաղթել են առողջություն, բարեկեցություն, դեռ երկար տարիներ զավակներով, թոռներով ու ծոռներով շրջապատված լինելու երջանկություն:
