Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Այսօր մարզպետ Անդրեյ Ղուկասյանն ընդունեց Վանաձորի քաղաքապետ Մամիկոն Ասլանյանին, Վանաձորի համայնքապետարանի Ճարտարապետության և քաղաքաշինության բաժնի պետ Սուրեն Աբովյանին և «Արցախ պուրակի վերակառուցում» ծրագրի շինաշխատանքների մրցույթում հաղթող ճանաչված «Այպոշին» ՍՊԸ-ի տնօրեն Հովիկ Պողոսյանին՝ Արցախ պուրակի վերակառուցման աշխատանքների որակական չափորոշիչներին առնչվող հարցերի քննարկման նպատակով: Հանդիպմանը մասնակցում էր նաև մարզպետարանի քաղաքաշինության վարչության պետ Արմեն Ջանազյանը:
Սուբվենցիոն 54 ծրագրից դրական եզրակացության են արժանացել առայժմ հետևյալ 27-ը 12.06.2019
Սուբվենցիաներ ստանալու համար ծրագրային հայտերի գնահատման միջգերատեսչական հանձնաժողովի ընթացիկ նիստերում քննարկվել և հավանության են արժանացել համայնքների կողմից ներկայացված 54 ծրագրերից դեռևս 27-ը։ Գործընթացը շարունակվում է։ Սուբենցիոն ծրագրերի մրցույթների, դրանց իրականացման գործընթացների վերաբերյալ տեղեկատվությունը կհրապարակվի պարբերաբար.
Մարզպետը պարգևատրեց հաղթանակներ գրանցած մարզիկներին 11.06.2019
Մարզպետ Անդրեյ Ղուկասյանն ընդունեց և շնորհավորագրերով պարգևատրեց ու դրամական պարգևներ հանձնեց Իսպանիայի Խիխոն, Ռուսաստանի Դաշնության Վլադիկավկազ, Հունաստանի Լուտրակի քաղաքներում և Վրաստանում անցկացված մրցաշարերում հաղթանակներ գրանցած մարզիկներին:
Անցկացվեց Լոռու մարզի զբաղվածության աջակցության մարզային հանձնաժողովի նիստը 11.06.2019
Հունիսի 11-ին անցկացվեց Լոռու մարզի զբաղվածության աջակցության մարզային հանձնաժողովի նիստը, որը վարում էր հանձնաժողովի նախագահ, մարզպետի տեղակալ Գայանե Մարկոսյանը: Նիստի ընթացքում անդրադարձ կատարվեց ՀՀ կառավարության 17.04.2014թ. թիվ 534-Ն որոշմամբ հաստատված Հավելված 21-ի՝ վարձատրվող հասարակական աշխատանքների կազմակերպման միջոցով գործազուրկների ժամանակավոր զբաղվածության ապահովման կարգի պահանջներին համապատասխան նախորդ նիստից հետո ընկած ժամանակահատվածում կատարված աշխատանքներին, որը ներկայացրեց հանձնաժողովի քարտուղար, Լոռու մարզպետարանի առողջապահության և սոցիալական ապահովության վարչության սոցիալական ապահովության բաժնի պետ Վալերի Ջաղինյանը: Նա նաև նշեց, որ 2 ամիս շարունակ մշտադիտարկում է իրականացվել այն համայնքներում, որտեղ ծրագրեր են իրականացվել:
Հունիսի 11-ին Լոռու մարզպետարանի դահլիճում անցկացվեց ՀՀ Լոռու մարզպետարանի կողմից կազմված 2020-2022թթ. ՄԺԾԾ-ի (միջնաժամկետ ծախսերի ծրագիր), ներառյալ ՀՀ 2020թ պետական բյուջեի հայտերի նախագծերի, ինչպես նաև հայտերի հիմքում դրված ծախսային հաշվարկ-հիմնավորումների վերաբերյալ հանրային քննարկում, որը վարում էր Լոռու մարզպետի տեղակալ Գայանե Մարկոսյանը:
Միջոցառում՝ նվիրված Ա.Ս. Պուշկինի 220-ամյակին 10.06.2019
Գյումրիում գործող Գիտության և մշակույթի կենտրոնի, «Ռուսաստանի բարեկամներ» հասարակական կազմակերպության Վանաձորի մասնաճյուղի և Լոռու մարզային գրադարանի աշխատակիցների ջանքերով գեղեցիկ միջոցառում էր կազմակերպվել Լոռու մարզային գրադարանում՝ նվիրված Ալեքսանդր Պուշկինի ստեղծագործական կյանքին ու գրական ժառանգությանը:Միջոցառմանը ներկա էին մարզպետի տեղակալ Գայանե Մարկոսյանը, մարզպետարանի կրթության, մշակույթի և սպորտի վարչության մշակույթի և սպորտի բաժնի պետ Արամ Ռևազյանը, միջոցառման կազմակերպիչները, բազմաթիվ հյուրեր:
