Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Միջոցառում նվիրված Հաշմանդամություն ունեցող անձանց իրավունքների և հիմնահարցերի լուծմանը 05.12.2019
Վանաձորի Գուսան Զաքարյանի անվան մշակույթի տանն անցկացված միջոցառման շրջանականերում իրականացվեցին հաշմանդամություն ունեցող անձանց ձեռքի աշխատանքների ցուցահանդես-վաճառք, պարգևատրություններ, գեղարվեստական մաս: Մշակույթի տան նախասրահում հաշմանդամության հիմնախնդիրներով զբաղվող հասարակական կազմակերպությունները («Հավասար իրավունքներ, հավասար հնարավորություններ» ՀԿ, «Առաքելություն Հայաստան» ԲՀԿ, «Խաչվող ուղիներ» ՍՀԿ, «Արգինա» ՍՀԿ, «Մոլորակ» մշակութային-լրատվական ՀԿ, «Խուլերի կրթամշակութային կենտրոն» ՀԿ), նաև անհատ ստեղծագործողները (Վահան Դավոյան, Սարգիս Բադայան, Մարգարիտա Սիմոնյան և այլոք) իրենց ձեռքի աշխատանքներով հիացրին ներկաներին:
Ի գիտություն զանգվածային լրատվության միջոցների 05.12.2019
Առաջնորդվելով «Զանգվածային լրատվության մասին» ՀՀ օրենքով և հիմք ընդունելով ՀՀ կառավարության 2004թ. մարտի 4-ի N 333-Ն որոշման 2-րդ կետը, ինչպես նաև ՀՀ Լոռու մարզպետի նոյեմբերի 9-ի 2011թ., թիվ 373-Ն որոշումը Լոռու մարզպետարանում լրագրողների հավատարմագրման կարգը հաստատելու մասին Լոռու մարզպետարանի տեղեկատվության և հասարակայնության հետ կապերի բաժինը մինչև ս.թ. դեկտեմբերի 25-ն իրականացնում է Լոռու մարզպետարանի գործունեությունը լուսաբանող լրագրողների հավատարմագրում։
ԼՈՌՈՒ ՄԱՐԶԻՆ ՏՐԱՄԱԴՐՎԵԼ Է 1900 ԿՏՈՐ ԳԻՐՔ 05.12.2019
ՀՀ ԿԳՄՍ նախարարության «Պետական պատվերով և պետական աջակցությամբ տպագրված գրականության անվճար բաշխման և իրացման» ծրագրի շրջանակներում դեկտեմբերի 5-ին Հայաստանի ազգային գրադարանի Գրաբուսի միջոցով 1900 կտոր գիրք հասցվեց Լոռու մարզ: Գրականությունը՝ գեղարվեստական, մանկական, երաժշտական գրքրեր և այլն, տրամադրվեց Լոռու մարզպետարանին՝ դպրոցներին և գրադարանների բաշխելու նպատակով: Շնորհակալություն նախարարությանը և Ազգային գրադարանին
Դեկտեմբերի 4-ին մարզպետ Անդրեյ Ղուկասյանն ընդունեց «Հայ-չինական հարաբերությունների տարածաշրջանային զարգացման հիմնադրամի» նախագահ Սերգեյ Ավանեսովին և գործադիր տնօրեն Վլադիմի Սիմոնյանին՝ քննարկելու նախորդ հանդիպումից ի վեր համատեղ իրականացված աշխատանքների մանրամասները և նախանշելու հետագա զարգացումները: Հանդիպմանը ներկա էին նաև մարզպետի տեղակալ Գայանե Մարկոսյանը, մարզպետարանի պատասխանատու պաշտոնյաներ և մարզի գործարարաներ: Հիմնադրամի հետ գործակցությունը սկսվել է շուրջ 5 ամիս առաջ, իսկ այս տարվա սեպտեմբերին առկա համագործակցությունն է՛լ ավելի ամուր հիմքերի վրա դնելու նպատակով Լոռու մարզպետարանն՝ ի դեմս մարզպետ Անդրեյ Ղուկասյանի և «Հայ-չինական հարաբերությունների տարածաշրջանային զարգացման հիմնադրամը»՝ ի դեմս նախագահ Սերգեյ Ավանեսովի, համաձայնագիր կնքեցին՝ պարտավորություն ստանձնելով համագործակցելու մարզում ներդրումային ծրագրերի իրականացման հարցում՝ նպաստելով Լոռու մարզի սոցիալ-տնտեսական զարգացմանը:
Դեկտեմբերի 4-ին Լոռու մարզպետ Անդրեյ Ղուկասյանն անցկացրեց քաղաքացիների հերթական ընդունելությունը, որին մասնակցեց ավելի քան 40 քաղաքացի մարզի գրեթե բոլոր տարածաշրջաններից: Մարզի ղեկավարին դիմեցին աշխատանքի տեղավորման, բնակարանային պայմանների բարելավման երկրաշարժի հետևանքով բնակարան կորցրած անձանց հերթացուցակում վերականգնվելու, սոցիալական, առողջապահական, անգամ կոմունալ-կենցաղային և մի շարք այլ հարցերով: Երկրաշարժի հետևանքով բնակարան կորցրած անձանց հերթացուցակում վերականգնվելու համար եկած Ջրաշեն համայնքի բնակիչ Ռազմիկ Այվազյանին մարզի ղեկավարը խորհուրդ տվեց իրավունքը վերականգնել դատական կարգով, սոցիալան և առողջապահական աջակցություն ունեցող քաղաքացիները անվերապահ աջակցություն ստացան մարզի ղեկավարի կողմից: Աշխատանք գտնելու ակնկալիքով եկած անձանց մարզի ղեկավարն ուղղորդեց տարբեր կառույցներ, բարձրագույն կրթություն ունեցող քաղաքացիներին առաջարկեց հետևել և մասնակցել թափուր աշխատատեղերի մրցույթներին:
ԿԻՐԱԳՈՐԾՎԻ ԿԻՍԱԿԱՌՈՒՅՑՆԵՐԻ ՇԻՆԱՐԱՐՈՒԹՅԱՆ ԱՎԱՐՏՄԱՆ ԵՎ ՀԵՏԱԳԱ ՕԳՏԱԳՈՐԾՄԱՆ ԾՐԱԳԻՐԸ 03.12.2019
ՀՀ կառավարության 2018 թ.մարտի 6-ի նիստի N 9 արձանագրային որոշմամբ նախատեսվել է իրագործել «ՀՀ կիսակառույցների շինարարության ավարտման և հետագա օգտագործման» ծրագիրը՝ 2020-2022թ.թ. համար: Ծրագրի նպատակը հանրապետության մարզերում առկա խորհրդային ժամանակաշրջանում սկսված և մինչ օրս չավարտված բնակելի և հասարակական նշանակության կիսակառույցների շինարարության ավարտման, հետագա օգտագործման, ինչպես նաև վթարավտանգ կիսակառույցների քանդման արդյունքում կառուցապատման նոր տարածքների ուղղությամբ պետական քաղաքականության մշակումն է:
