Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լաբորատոր հետազոտության արդյունքներն արդեն հայտնի են. հայտնաբերվել են անաերոբ ինֆեկցիայի հարուցիչներ 14.02.2020
Ինչպես նախապես հայտնել էինք, Ալավերդի խոշորացված համայնքի Աքորի բնակավայրում խոզերի անկման պատճառները պարզելու նպատակով Սննդամթերքի անվտանգության տեսչական մարմնի Լոռու մարզային կենտրոնի համապատասխան մասնագետները դեպքի վայրում անկված խոզերից կատարել էին նմուշառումներ և ուղարկել «Հանրապետական անասնաբուժասանիտարական և բուսասանիտարական լաբորատոր ծառայությունների կենտրոն»՝ լաբորատորիա փորձաքննություն կատարելու նպատակով:
Գ. Մարկոսյան. «Ամեն ինչից առավել կարևոր է լավ մարդ ու պահանջատեր քաղաքացի լինելը» 13.02.2020
Լոռու մարզպետի տեղակալ Գայանե Մարկոսյանն ընդունեց Վանաձորի աթլետիկայի մարզադպրոցի 15 պատանի մարզիկ-մարզուհիների և նրանց մարզիչներին: Հանդիպմանը ներկա էին նաև մարզպետարանի կրթության, մշակույթի և սպորտի վարչության մշակույթի և սպորտի բաժնի պետ Արամ Ռևազյանը, մարզպետարանի այլ պաշտոնյաներ: Գ. Մարկոսյանը, ողջունելով երեխաներին, հետաքրքրվեց նրանց առօրյայով մարզական հաջողություններով: Մարզադպրոցի սաները և մարզիչները մարզպետի տեղակալին ներկայացրեցին 2019թ. գրանցված հաջողությունները և 2020թ. ծրագրերը:
Հրանտ Մաթևոսյանի ծննդյան տարեդարձը՝ Երևանի՝ նրա անունը կրող դպրոցում 13.02.2020
Փետրվարի 12-ին՝ Հրանտ Մաթևոսյանի ծննդյան օրը, Լոռու մարզպետ Անդրեյ Ղուկասյանը հյուրընկալվել էր Երևանի՝ գրողի անունը կրող դպրոցում: Նրան ուղեկցում էր մարզպետարանի կրթության, մշակույթի և սպորտի վարչության պետի պաշտոնակատար Ռաֆայել Հարությունյանը: Դպրոցի աշակերտները ուսուցչական կազմի գլխավորությամբ Հրանտ Մաթևոսյանի 85-ամյակին նվիրված գեղեցիկ միջոցառում էին նախապատրաստել: Դպրոցականներն այնքան պատկերավոր էին ներկայացնում սիրելի գրողին, որ Մաթևոսյանական շունչը տարածվել էր դպրոցի բոլոր անկյուններում:
ԲԳՎ-ներ հանձնվեցին աղետի հետևանքով բնակարան կորցրած 11 շահառուների 13.02.2020
ՀՀ կառավարության որոշմամբ 2019 թ. պետական բյուջեով նախատեսված ՀՀ կառավարության պահուստային ֆոնդի հաշվին 2019 թ. բյուջետային ծախսերի տնտեսագիտական դասակարգման «Այլ կապիտալ դրամաշնորհներ» հոդվածով 1,291,572.0 հազ. դրամ ուղղվեց աղետի գոտու բնակավայրերում երկրաշարժի հետևանքով անօթևան մնացած ընտանիքների բնակարանային խնդիրների լուծման նպատակով պետական աջակցությամբ իրականացվող բնակարանային ապահովման ծրագրի շահառու ճանաչված և 2019 թ. սեպտեմբեր ամսվա ընթացքում իրականացված գրավոր հարցման արդյունքում բնակարան (բնակելի տուն) ձեռք բերելու համար բնակարանի գնման վկայագրի(ԲԳՎ) տրամադրման տարբերակը նախընտրած ընտանիքների բնակարանային խնդիրների լուծմանը, որից՝ 674,782.0 հազ. դրամը՝ Լոռու մարզի գյուղական բնակավայրերում ծրագրի շահառու ճանաչված թվով 121 ընտանիքի վկայագրի միջոցով բնակարան (բնակելի տուն) ձեռք բերելու նպատակով ֆինանսական աջակցության տրամադրման համար: Այսօր մարզպետ Անդրեյ Ղուկասյանը ԲԳՎ-ներ հանձնեց Լեռնապատ(2 ընտանիք), Սարամեջ(2 ընտանիք), Լուսաղբյուր, Եղեգնուտ, Մարգահովիտ, Սարահարթ, Ծաղկաբեր, Մ
Այսօր Լոռու մարզպետի տեղակալ Գայանե Մարկոսյանի կողմից անցկացված քաղաքացիների հերթական ընդունելությանը փոխմարզպետին դիմեցին ոչ միայն անձնական բնույթի, այլև համայնքային խնդիրներով: Շամուտ գյուղի բնակչուհի Մանե Կիրակոսյանն, ով «Դասավանդի՛ր Հայաստան» ծրագրով ներկայում դասավանդում է Գյուլագարակ խոշորացված համայնքի Պուշկինո բնակավայրում, մտահոգված լինելով դպրոցի գազաֆիկացման խնդրով, նախաձեռնություն է ցուցաբերել, որպեսզի դպրոց, համայնք, «Դասավանդիր Հայաստան» համագործակցության արդյունքում հնարավորություն լինի գազաֆիկացնելու դպրոցը՝ լուծելով նաև ջեռուցման խնդիրը:
Լոռու մարզի համար 2019 թվականը դրական էր, զգալի աշխատանք է արվել տարբեր ոլորտներում 12.02.2020
Փետրվարի 11-ին «Արմենպրես»-ի մամուլի սրահում հրավիրված ասուլիսում Լոռու մարզպետ Անդրեյ Ղուկասյանը նախ ներկայացրեց 2019թ.-ի ձեռքբերումները: Նա նշեց, որ 2019 թվականին մարզում իրականացվել են 50-ից ավելի սուբվենցիոն ծրագրեր՝ ընդհանուր 1.8 մլրդ դրամի: Դրանից 925 մլն-ը համայնքների ներդրումն է, մնացածը՝ պետական միջոցներն են: «Ծրագրերի ծավալը 2019 թվականին 2018-ի համեմատ մի քանի անգամ ավելին է եղել: Արդեն կարող ենք ասել, որ 2020 թվականին ևս ավելին է լինելու, շուրջ 5 մլրդ դրամի՝ 102 ծրագիր: Սա խոսում է այն մասին, որ համայնքները դրական են արձագանքում այս մոտեցմանը և տարեցտարի այդ ծրագրերի թիվն ավելանում է: Ի դեպ, հիմնական մասնակիցները խոշորացված համայնքներն են, որոնք ունեն ավելի մեծ ֆինանսական միջոցներ»,-ասաց նա: 2020 թվականի համար նախատեսված սուբվենցիոն ծրագրերը կապված են ճանապարհաշինարարական աշխատանքների, լուսավորության, ջրագծերի, բազմաբնակարան շենքերի վերանորոգման հետ:
