Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Բոլորին հրավիրում ենք Սարատովկա՝ Լոռու չբացահայտված անկյուններից մեկը 03.07.2020
Լոռու մարզպետի տեղակալ Գայանե Մակոսյանի այցը Տաշիրի տարածաշրջան Տաշիր խոշորացված համայնքի Սարատովկա բնակավայրի զբոսաշրջային գրավչությունները բացահայտելու նպատակ ուներ: Սարատովկան հիմնադրվել է 1910թ.-ին մոլոկանների կողմից: Հետագա տարիներին համայնքը համալրվել է հայազգի բնակչությամբ: Թեև այսօր համայնքում ռուսներ գրեթե չեն մնացել, սակայն պահպանվել են ռուսական կոլորիտով տներն՝ իրենց նախնական տեսքով: Այսուհանդերձ, Սարատովկայում ամենագերողը բնությունն է և այստեղ տիրող լռությունն ու խաղաղությունը, ամեն քայլափոխի սյուներին բույն դրած արագիլների կափկափոցը, ծառերի մեղմ սոսափը:
Հուլիսի 2-ին աշխատանքային այցով Լոռու մարզում էր ՀՀ առողջապահության նախարար Արսեն Թորոսյանը : Մարզպետ Անդրեյ Ղուկասյանի ուղեկցությամբ նա այցելել է Սպիտակի բժշկական կենտրոն, որը նույն օրը միացել էր համավարակի դեմ պայքարին՝ իր թթվածնով հագեցած 120 մահճակալներով, որից 15 մահճակալը նախատեսված է վերակենդանացման բաժանմունքի համար։ Այցելության պահին ԲԿ-ն արդեն 6 հիվանդ էր ընդունել, ևս մի քանի տասնյակ հիվանդներ էլ կընդունվեն մինչև օրվա վերջ։
Լոռու մարզպետի տեղակալ Գայանե Մարկոսյանն աշխատանքային այցով Տաշիրի տարածաշրջանում էր: Նա «Էյ-Թի-Փի» բարեգործական հիմնադրամի անտառվերականգնման ծրագրի ղեկավար Նավասարդ Դադյանի ուղեկցությամբ ծանոթացավ Տաշիր և Մեծավան խոշորացված համայնքներում իրականացվող անտառվերականգնման և անտառի խնամքի նպատակով իրականացվող ծրագրերի ընթացքին՝ Մեծավան համայնքի Միխայլովկա բնակավայրի 43.4 հա, Տաշիր համայնքի 45 հա և 53.4հա անտառածածկույթի խնամքի, ծառերի բնաբաժակի խոտածածկի մաքրման աշխատանքներին:
Լոռու մարզպետ Անդրեյ Ղուկասյանը, փոխմարզպետ Գայանե Մարկոսյանի, մարզպետարանի կրթության, մշակույթի և սպորտի վարչության պետ Ռաֆայել Հարությունյանի, մշակույթի և սպորտի բաժնի պետ Արամ Ռևազյանի ուղեկցությամբ այսօր եղավ Վանաձորի ֆուտբոլի ակադեմիայում: Այցի նպատակը, ակադեմիայի գործունեությանը, ինչպես նաև «Լոռի» ֆուտբոլային ակումբի մարզչական կազմի, թիմի խաղացողների հետ ծանոթանալն էր: Թիմն այս տարի մասնակցում է Հայաստանի բարձրագույն խմբի առաջնությանը. առջևում 3 վճռական խաղ է մնացել: Մարզի ղեկավարը հաջողություն մաղթեց թիմին՝ ցանկություն հայտնելով հուլիսի 2-ին կայանալիք խաղին իր ներկայությամբ ոգևորել տղաներին:
Կվերանորոգվեն Ուռուտ և Ագարակ բնակավայրերի համայնքային կենտրոնները 01.07.2020
Լոռի Բերդ խոշորացված համայնքն այս տարի ամենաշատ սուբվենցիոն ծրագրեր ներկայացրած համայնքներից է: Համայնքում այս տարի իրականացվելիք 10 ծրագրերից են «Ուռուտ բնակավայրի համայնքային կենտրոնի արտաքին պատերի ամրացում, ներքին հարդարումը» և «Ագարակի համայնքային կենտրոնի շենքի ճակատային մասի և 1-ին հարկի կապիտալ նորոգումը»: Ծրագրի շնորհիվ կլուծի բնակիչների ակտիվ հանգստի կազմակերպման խնդիրը, ինչպես նաև հնարավորություն կստեղծվի ացնկացնել տարբեր միջոցառումներ` զերծ մնալով ավելորդ ֆինանսական ծախսերից:
ՀԱՅՏԱՐԱՐՈՒԹՅՈՒՆ 01.07.2020
«Սոցիալական աջակցության մասին» ՀՀ օրենքի և ՀՀ կառավարության 10.09.2015թ. «Միջգերատեսչական սոցիալական համագործակցության կանոնակարգը սահմանելու մասին» թիվ 1044-Ն որոշման պահանջներին համապատասխան ՀՀ Լոռու մարզի սոցիալական աջակցու¬թյան տարածքային մարմինները /այսուհետ՝ ՍԱՏՄ/ սոցիալական համագործակցության իրականացման աշխատանքները համակարգելու նպատակով ձևավորում են տարածաշրջանային համակարգող խորհուրդներ /այսուհետ՝ Խորհուրդ/։ ՀՀ Լոռու մարզի տարածաշրջաններում համագործակցող կողմեր են. սոցիալական ծառայություններ տրամադրող տարածքային մարմինները, տարածքային կառավարման և տեղական ինքնակառավարման մարմինները, սոցիալական ծառայություն¬ներ տրամադրող այլ կազմակերպություններ, որոնք իրենց առաջարկությունները, մինչև 2020թ. հուլիսի 15-ը, խորհրդի անդամու¬թյան համար կարող են ներկայացնել ՍԱՏՄ-ներ.
